Danieli 8:12 - EBBAIBBO EMBOOSI YA NASAAE

¹² Mani nilubereswa eye alala neende engeri yohuwaayo esiyaanwa sisaambwa esikabuhaaneho neende esyabechaangao buli ludaalo. Mani olwiika olwo nilumalao ediini yadyeeri, niluhola bulai buli siindu si lwadahaanga.

Danieli 8:12 Iomraidhean Croise

Yobbu 12:6

Amadaala k'abanyaka kali bulai, haandi abo abanyoolesa Nasaae babula esibatiisa, abo abatuka banasaae baabwe.

Esabbuli 119:142

Obuluungifu bwao bw'endaalo choosi, haandi amalako kao kadyeeri.

Esabbuli 119:43

Hoonye nyale ohulomalomaanga obwadyeeri buli siha, olwohuba suubira mu heenga y'emisaango yao.

Esabbuli 28:5

Koti lu batadeeba hu biindu bi Omwaami ahola, oba omulimo kw'amahono kae, achia ohubafunaka-funaka mani ahaye ohuboombaha haandi.

Yisaaya 59:14

Hwamalao obwadyeeri, mani nihusuda eyale neende obuluungifu. Olwohuba obwadyeeri bubula hu ngira, haandi obuluungifu haba sibunyoolehana daawe.

Yeremia 12:1

Ewe Omwaami, mba ni ndayiingana naawe, niiwe owabeere owadyeeri. Nae leha ndeete amaliro kaange yooli. Lwasiina abahola-mbi bahulaahulana? Lwasiina abaandu bataali abeesikwa bali bulai?

Danieli 11:28

Omutuki wa Siria oyo alikobolayo mu syaalo syae neende eby'obuyiinda biingi muno bi anyakire. Nae omwooyo kwae kwahabe nikusyuulire ediini y'abaandu ba Nasaae. Mani niyahamale ohuhola by'adaha, alikobolayo mu syaalo syae.

Danieli 7:21

“Nindali nisitingaalaanga, mani olwiika olwo niluchaaka ebiita neende aboolerefu ba Nasaae, mani nilubayiingira,

Danieli 8:4

Mani nimbona emiiku elyo nilitwoomera emuumbo neende emukulu neende emwaalo. Mani nisibulao esisolo sya anyala ohweema mu moni waalyo. Haandi abulao omuundu onyala ohwaabina oyo yi yali niyidaha ohwiita. Emiiku eyo yaholaanga buli siindu si yadahaanga, mani niyehuduumbasa eyeene.

Ohubwiihulirwa 13:7

Syafukiirirwa ohulwaania abaandu ba Nasaae, kata neende ohubayiingiraanga, haandi syabeeresebwa obunyala ohutuka buli luyia, syaalo, lulimi, neende obwiibulanwa.

1 Samueli 23:9

Daudi niyamanya ati Saulo yali naatekeha ohumuseeta, yaboolera Abbiataari omulaamisi ati, “Leeta esyefwaalo syohu sirifu ano.”