Danieli 8:11 - EBBAIBBO EMBOOSI YA NASAAE

¹¹ Mani ni lweniinia elyeene, ni lweekeraania neende Omuhuluundu w'Eye lyo muukulu, mani nilumalao esiyaanwa sisaambwa sya buli ludaalo esyayaanirwaanga Omuhuluundu w'Eye, haandi yaaba omukwoobo Enyuumba ya Nasaae.

Danieli 8:11 Iomraidhean Croise

Yisaaya 37:23

“Obaasa oti wiina yooli ohufwoolaanga, haandi yobisamo emoni? Wiina mweene yohabuhiire haandi wahoomolera emoni?” Niye ese Omwoolerefu wa Yisiraeli!

Yisaaya 37:29

Olwohuba manyire koti lu wundaluhireho haandi mbuliire esiyiingwa syohwehuduumbasa hwao, mani njia ohuta elobo lyaange mu moolu kao neende oluhoba muuhanwa mwao, njia ohuhukoboserayo hu ngira yi wabitiraho niwiicha.

Yeremia 48:26

Omwaami aboola ati: “Mumeese Moabbu, olwohuba sindeniinisiryeho. Moabbu sichia ohwefuufula mu biindu bi sisalire, mani abaandu bahasichehe.

Yeremia 48:42

Moabbu sichia ohusihiriswa syaakame ohuba esyaalo, olwohuba syeniinia esyeene mani syajeemera Omwaami.

Esekeeli 46:14

Haandi ositekeheraangaho buli chuli esiyaanwa sy'emwo eyiri Omwaami, esituundu silala hu buli bisaasaba by'ekilo ehumi, neende silala sya bidatu by'elita chidatu ch'amafuta k'omuseituuni akobbaanisiibwe neende obusye buchuungirwe bulai muno. Amalako k'ohuyaana sino kanaabecheenge ak'endaalo choosi pe.

Danieli 11:22

Oyo yeesi omuyiingania, yahasihiriswe elalira, kata Omulaamisi Muhuluundu wa Nasaae ohulira endagaano, yesi yahasihiriswe.

Danieli 11:31

Abasikaari bae baandi baheeche mani nibahola eby'esifwaabi mu Nyuumba ya Nasaae neende esiko syasyo sigumu. Mani balihola esy'omusiro syebwaabwa.

Danieli 12:11

Mani ohutula lu siyaanwa sisaambwa sya buli ludaalo lu syatuswao, mani nibataao eby'omusiro byebwaabwa, wahabiteo endaalo elifu ndala neende emia chiri neende amahumi kataanu-na-kane (1,290).

Danieli 5:23

Nae ewe weninisiirye hu Omwaami wo muukulu; mani nibaleeta mu moni wao ebikoombe bibatusa mu nyuumba ya Nasaae, mani ewe, neende abaami bao, neende abahasi bao, neende abahasi b'erwaanyi bao, mani nimubeng'eramo amalwa. Mani noofumia banasaae b'efeesa neende esaabbu, b'omugasa, neende ab'echuma, neende ab'emisaala, neende ab'amakina, abatabona oba bamanya, nae Nasaae oyo oli neende obunyala hu bulamu bwao, haandi ohuliinda mu biindu byoosi, haba somudeebaho daawe.

Danieli 7:25

Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Danieli 8:12

Mani nilubereswa eye alala neende engeri yohuwaayo esiyaanwa sisaambwa esikabuhaaneho neende esyabechaangao buli ludaalo. Mani olwiika olwo nilumalao ediini yadyeeri, niluhola bulai buli siindu si lwadahaanga.

Danieli 8:24

Yahabe neende obunyala, nae sibwahabe koti obw'omutuki wataangira ohubaao bane bano nibasisiiri. Omutuki oyo yahaleete ohusihirira hutiisa muno. Yahahole buli siindu sy'adaha, haandi yahasihirise abaandu b'amaani, neende aboolerefu ba Nasaae beene.

Danieli 8:25

Hulw'obulyaanga bwae, yahahole buli siindu sy'adaha. Yahehuduumbase omweene, mani n'asihirisa abaandu baangi muno. Yahaseete haandi alwaanie Omutuki otuka abatuki boosi. Nae, yahasihiriswe mani abulao omuundu omudiiraho daawe.

Danieli 9:25

Mani sakira manya haandi omanye obwadyeeri oti, ohutula hu biha bi elako lyatula ohukobosao neende ohwoombaha Yerusalemu buyaaha, ohwoola hu biha bi omwaana w'omutuki ow'ohuchuhwaho amafuta, chahabeeo ejuma chitaanu-na-chibiri. Mani hulw'embaka y'ejuma amahumi kasaasaba neende chibiri, Yerusalemu syahombahwe buyaaha, engira chasyo neende enyuumba chaasyo nichiri enyomiifu, nae ebyo byahabe ebiha by'obudinyu.

Ohubala 28:3

Mani bino nibyo ebiyaanwa by'ebyohulya ebihoyeere ohuyirwaanga eyiri Omwaami: hulw'esiyaanwa sisaambe sya buli ludaalo ni, amakoondi kabiri amayere amasaacha k'omwaaka mulala okw'obuhuluundu, akabulaho obufwoolwa bwoosi.

Luka 21:24

bachia ohwiitwa neende obusoonjo bw'engaanga haandi bayirwe mu jeela mu byaalo biindi byoosi; mani Yerusalemu sichia ohuseenakirwa mu makulu neende Bateende, ohwoola lu ndaalo ch'Abateende chiriweera.

2 Abatesalonika 2:4

Omuundu wuno achia ohuyiingania haandi yeniinie ohuhiraho buli syoosi esilaangwa nasaae oba esiinamirwa. Haandi achia ohweniinia aakulu mani yeyihaase mu Nyuumba ya Nasaae, mani yelaangirire ati niye Nasaae.

Abaibburania 2:10

Syali sihoyera Nasaae, owaloonga haandi oliinda buli siindu, ohuberesa Yesu obunyala bw'ohuyira abaandu mu buwonia ohubitira mu husaanda hwae, hwaanyale ohukera abaana baangi bakabaneho hu luyaali lwae.

Ohubwiihulirwa 17:14

Abeene bano bachia ohulwaanakania Ekoondi doto, nae Ekoondi doto elyo, alala neende abalaange bae, abadoole bae, haandi neende abaloondi beesikwa bae, bachia ohubayiingira, olwohuba oyo niye Omwaami w'abaami, haandi Omutuki w'abatuki.”