Danieli 7:9 - EBBAIBBO EMBOOSI YA NASAAE

⁹ Nindali nisitingaalaanga, mani nimbona ebisaala by'obutuki nibiteerweo. Oyo owaliwo ohutula hale-na-haandi mani niyehala hu sisaala silala. Ebyefwaalo byae bali nibyalafuya koti enyaange, haandi embuchi chohu mutwe nichalafuya koti epaamba. Esisaala sy'obutuki syae nisimyeesuha-myeesuha enjeserye ch'omuliro, haandi emikuruduumu ch'esisaala esyo chali omuliro kwaaduha.

Danieli 7:9 Iomraidhean Croise

1 Abatuki 22:19

Mikaaya haandi yemeeda ohuboola ati, “Bulaanu mutekeerese muwulire esiindu si Omwaami aboola! Ese mbweene Omwaami niyehaale hu sisaala syae sy'obutuki muukulu, neende bamalaika bae boosi nibeemere nibamweekederaanie.”

2 Ebyomubiha 18:18

Mikaaya nae yemeeda sa ohuboola ati: “Bulaanu ewe tekeeresa owulire bi Omwaami aboola! Ese mbweene Omwaami niyehaale hu sisaala syae sy'obwaami muukulu, naali alala neende bamalaika bae boosi nibeemere mu ndulo wae.

Esabbuli 45:8

Ebyefwaalo byao biwunya esing'aari sya miira neende esy'alobeera neende esya kasiiya. Mu madooho kasaatwa neende ameeno k'enjofu nimwo mubahweembera hu biriri ohuhusangaasa;

Esabbuli 90:2

N'osisiiriri ohuloonga engulu, oba esyaalo nisisiiri ohubaao, niiwe Nasaae endaalo choosi pe.

Esabbuli 93:2

Ewe Omwaami, esisaala sy'obutuki syao syomiila ohutula hale-na-haandi; ewe oli ow'ohubaao endaalo choosi pe.

Yisaaya 6:1

Mu mwaaka ku mutuki Wusiya, yafwiiramo, ndabona Omwaami niyehaale hu sisaala sy'obutuki sileeyi haandi esy'oluyaali, eganjuula lyae lyali niliichuule enyuumba ya Nasaae yoosi.

Yisaaya 9:6

Olwohuba batwibuliire omwaana, batubereese omwaana w'obusyaani; obutuki buchia ohuba mu mahono kae, eliita lyae lichia ohulaangwa liti, “Omukabi w'Amakesi Owukisa, Nasaae w'Amaani, Seefwe w'Endaalo Chitaakama, Omuleeti w'Omuleembe.”

Yeremia 49:38

Njia ohusihirisa abatuki baabwe, mani male nde mu Elamu esisaala syaange sy'obutuki. Ese Omwaami, Niise oboola.”

Esekeeli 1:26

Haandi aakulu w'ebbaanga lyali aakulu w'emitwe chaabwe, waliwo esiindu sifwaana koti esisaala sy'obutuki syaholwa mu safire. Hu sisaala sy'obutuki esyo, hwaliho oyo ofwaana koti omuundu.

Danieli 7:13

Muhubonehera hu ndanyoola mu esiro, ndabona esiindu sifwaana koti omwaana w'omuundu niyeehera hu bireesi byomu kulu, mani niyeecha eyiri Oyo Owaliwo ohutula hale-na-haandi, mani nibamumanyisa mu moni wae.

Danieli 7:22

ohwoola lu Oyo Owaliwo Endaalo choosi yeechia, mani n'aheengera bulai omusaango aboolerefu ba Oyo Ow'Aakulu Muno, mani ebiha nibyoola aboolerefu nibanyoola obutuki.”

Mika 5:2

Omwaami aboola ati: Nae ewe, Bbetilehemu Efuraati, niiwe ohiramo obudiidi mu nono chia Yuda. Nae omutuki wa Yisiraeli achia ohutula mu ewe, oyo yi huchaaka hwae hwaliwo ohutula hale, ohutula mu ndaalo cha hale muno.

Habbakuuku 1:12

Omwaami, ohutulira elalira hu njaako, ewe wali sa Nasaae. Ewe niiwe Nasaae waange, omwoolerefu haandi otaakama. Omwaami, Nasaae waange, haandi omuliindi waange, ewe wadoola Ababbabbilooni mani waabahola ab'amaani banyale ohutusaandya.

Matayo 17:2

Mani Yesu yaakaluuhanisibwa efwaani yae nibabona. Obweeni bwae bwamesamesana koti elyuuba, haandi engubo chae chaalafuya chaamilamilana.

Matayo 28:3

Efwaani yae yali koti olumesu, haandi engubo chae chali endafu koti amakina k'efula.

Mariko 9:3

ebyefwaalo byae byaang'enaang'ena, neende obwarachaari bumilamilana muno, ohuhira bi silabya syosi siri hu syaalo syahanyala ohulabya.

Ebiholwa 2:30

Olwohuba koti lu yali omunabbi, haandi n'amanyire ati Nasaae yechuba namwelayirira ati, yahehase hu sisaala syae sy'obutuki mulala hu beechuhulu bae.

Ebiholwa 2:33

Naamalire ohuniinisibwa yaaba hu muhono muluungi kwa Nasaae, haandi n'amalire ohubukaana Mwooyo Mwoolerefu yi Laatang'ene yalaka, achuhire sino si muli ohubona, haandi ohuwulira.

Abafilipi 3:9

mani njakaanibwe nimulimo, nitanyoolere obuluungifu obwaange omweene, obweema hu malako ka Musa, nae obwo obubitira mu fukiirira mu Kristo, obuluungifu butula eyiri Nasaae, haandi obweema hu fukiirira;

1 Timoteo 6:16

Oyo yeeng'ene oli neende obutaakama haandi owamenya mu bulafu butanyala ohusudibwaho, Oyo yi muundu yeesi ataabonaho; otanyala ohubonwa daawe. Oluyaali lwoosi lube nae, neende obutuki butaakama. Amiina.

1 Yowaana 1:5

Bulaanu, emboosi yi hwamala ohuwulira ohutula hu Mwaana wa Nasaae, niyo yino; Nasaae niye obulafu, haandi abulamo esiirima kata nabudiidi.

Ohubwiihulirwa 1:14

Efwiiri lyae lyali elya rachaari koti epaamba, oba koti enyaange, haandi emoni chae chali nichimyeesuha-myeesuha koti omuliro.

Ohubwiihulirwa 19:18

Mwiiche mulye emibiri ky'abatuki bohu syaalo, abahuluundu baako, neende abalwaani, emibiri ky'efaraasi alala neende abeerusi baachio, emibiri ky'abaandu boosi, abawaambe neende abalehuule, abahoongo neende abadiidi!”

Ohubwiihulirwa 20:4

Haandi ndabona ebisaala by'obutuki, mani abaandu bali nibabiihaaleho nibeecha nibabeereswa obunyala bw'ohuheenga emisaango. Haandi ndabona obulamu bw'abaandu bali nibeetwaanga hulw'ohuyalaanga obwadyeeri bu Yesu yaleeta haandi neende emboosi ya Nasaae. Abaandu abo haba sibali nibanyala ohwiinamiraho esisolo sira, kata neende esifwaanani syasyo, kata sa ohukanya ohuteebwaho esilolero syasyo hu bweeni bwaabwe, oba hu mahono kaabwe. Abaandu abo baalamuha, mani bachaaka ohutuka koti abatuki alala neende Kristo hulw'embaka y'emyaaka elifu ndala (1,000).

Ohubwiihulirwa 4:2

Abweene ao, Mwooyo yeecha haandi yaniina. Ebweene eyo Muukulu, yaliyo esisaala sy'obutuki omuundu wuundi nasihaaleho.