Danieli 7:4 - EBBAIBBO EMBOOSI YA NASAAE

⁴ Esisolo syataangira syali nisifwaana koti edalang'i, nae syali neende embaya koti ech'eeswi. Nae nindatingaala, mani embaya chaasyo nichimanyulwaho. Mani nisiniiniswa ohutula hu loba mani nisyeema hu makulu kabiri koti omuundu; nisibereswa ebibaaso koti eby'omuundu.

Danieli 7:4 Iomraidhean Croise

2 Samueli 1:23

“Saulo neende Yonatani, abali abekoombesa haandi abakoosi; abali alala mu bulamu, haandi baaba alala mu hufwa; abali abaangu ohuhiraho eeswi, haandi ab'amaani ohuhiraho edalang'i.

Yobbu 25:6

nae omuundu sa, oli koti enyeende, haandi omwaana w'omuundu oli koti olubuuha, yahaaka yeena ohutaba omwoolerefu mu moni wa Nasaae!”

Esabbuli 9:20

Ewe Omwaami, bateemo oluteengo! Leha ebyaalo bimanye biti by'ohusihirira.

Yeremia 25:38

Omwaami alehere abaandu bae, koti lu dalang'i yahaleha eng'uungu yaayo. Esyaalo syaabwe syeeholere ekuunda hulw'ebiita bitiisa, neende obwaalaba bw'etima ly'Omwaami.”

Yeremia 4:13

Bone, omusuku wao nguyo yeecha koti esireesi, ebigaari byae biri koti esiifuusye; efaraasi chae chiiruha muno ohuhiraho eeswi. Chitwakaanire, olwohuba husihiriire!

Yeremia 4:7

Koti edalang'i yahatula mu sichaha syayo, olwo nilwo lu musihirisi w'ebyaalo atulireyo. Atulire mu bweyaango bwae ohwiichia ohusihirisa esyaalo syeeng'we. Ebiko byeeng'we byahasihiriswe bihaye ohubaamo ababimenyamo daawe.

Yeremia 48:40

Omwaami aboola ati: “Bone, esyaalo siseeta Moabbu koti eeswi yibburuha bwaangu, niyibambuule embaya chayo;

Yeremia 49:19

Bone, koti lu dalang'i yahabbiichuhe niyitulira mu bichaha biri hu ndulo w'omwaalo kwa Yorodaani, mani niyichia mu bwaayiro bulai, syesi nilwo lu ndaheeche mani njiruse ab'Edomu mu syaalo syaabwe byaangu endyo. Mani omweemeresi yindahadoole niye owahatuke mu Edomu. Wiina mweene onyala ohundeekeraniaho? Wiina mweene onyala ohuunyiingania? Mutuki siina onyala ohuunyiingania?

Amaliro 4:19

Abo abatukiiya baangu muno ohuhiraho eeswi cho muukulu; batwoongaho ohwoola hu ngulu, mani nibatutekera mu siparara.

Esekeeli 17:3

lehe bamanye bi Ese Omwaami Nasaae mboola: Eeswi hoongo muno, eyiri neende embaya hoongo muno, neende amooya maleeyi ak'eraangi nyiingi, yeechia hu bigulu bya Lebbanooni, mani niyakulaho esaga ly'aakulu lyeene ly'omuseengese.

Esekeeli 28:2

“Ewe omwaana w'omuundu, boolera omutuki wa Tiiro bi Ese Omwaami w'Obunyala, ndi ohumuboolera endi: “Olwohuba weeniinia mu mwooyo kwao, mani waboola oti: ‘Ndi nasaae, haandi njihaale hu sisaala sya banasaae, akatikaati w'enyaanja’ Nae mubwadyeeri bweene, oli omuundu sa, haba sooli nasaae daawe, kata wahabaasa mu mwooyo kwao oti, oli nasaae.

Esekeeli 28:9

Wahabe n'onyala ohuboolera abo abali ohuhwiita, ‘Ndi nasaae?’

Danieli 2:38

Mani haandi yata mu bunyala bwao abaandu neende ebisolo byomu siino, neende amayoni komu bbanga, yahuba obunyala bwohubituka byoosi, buli yi bimenya woosi. Ewe niiwe omutwe k'esaabbu.

Danieli 4:36

Ebiha byeene ebyo, ni amakesi kaangobolamo; neende oluyaali lwaange lw'obutuki, neende obuhuluundu, neende efuma yaange, nibiingobolera”. Ababeresi b'amakesi baange, neende abaami baange nibaangoonya, nibaangobosao hu bwaami bwaange, mani obuhunuufu bwaange nibwemeedaho muno ohuhiraho koti lu bwali hale.

Danieli 7:12

Nae ebisolo bidoong'ereo, obunyala bwaabyo bwatusibwao, nae nibifukiirirwa ohudoong'a nibiri ebilamu ebiha biheengerweo.

Danieli 7:5

Nae bone, esisolo siindi, esyali nisifwaanana koti elyaaka. Syali nisyasingiswa hu lwaande lulala. Syali neende embafu chidatu muhanwa wasyo, nichiyaandire mu meeno kasyo. Mani nibasiboolera bati, “Siingira, mani olye enyama nyiingi.”

Matayo 24:28

Olwohuba, yi mulaambo kuli, niwo yi ngosya chaheebuusire alala.

Amalako Kohubiri 28:49

Omwaami yahabaleetere abaandu b'esyaalo siindi esy'eyale ohubaseeta, si baandu basyo balomaloma olulimi lu mutaamanyire. Bachia ohutula hu njakamo y'esyaalo. Bachia ohubakwaaho koti lu eeswi yiseeta mani yaakwa hu mwiinyu.

Ohubwiihulirwa 13:2

Esolo yino yali niyifwaanana neende eengwe, neende amakulu kafwaana neende ak'enani, nae omunwa kuli koti okw'edalang'i. Syuuhira-banaabi oyo yeecha yaaberesa esolo eyo amaani kae, esisaala sy'obutuki syae, neende obunyala bubitiirifu bwae.