Danieli 7:25 - EBBAIBBO EMBOOSI YA NASAAE

²⁵ Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Danieli 7:25 Iomraidhean Croise

Yisaaya 37:23

“Obaasa oti wiina yooli ohufwoolaanga, haandi yobisamo emoni? Wiina mweene yohabuhiire haandi wahoomolera emoni?” Niye ese Omwoolerefu wa Yisiraeli!

Danieli 11:28

Omutuki wa Siria oyo alikobolayo mu syaalo syae neende eby'obuyiinda biingi muno bi anyakire. Nae omwooyo kwae kwahabe nikusyuulire ediini y'abaandu ba Nasaae. Mani niyahamale ohuhola by'adaha, alikobolayo mu syaalo syae.

Danieli 12:7

Ao mani omusaacha oyo owefwaalire engubo ndafu, haandi owali niyeemere aakulu w'amaachi k'omwaalo, n'asiingisa aakulu amahono kae koombi, ndawulira niyeechuba eyiri Oyo Oluwo endaalo choosi. Mani nimbulira n'aboola ati, chiriba emyaaka kidatu neende esituundu. Ohwiitwa hw'abaandu ba Nasaae nihwahawe, mani ebiindu bino byoosi nibyaakama.

Danieli 2:21

Niye okaluuhania ebiha neende endaalo; niye otusaho abatuki haandi niye otaao abatuki; niye oberesa abakesi amakesi neende ohumanya eyiri abo abamanyire.”

Danieli 3:26

Ao mani Nebukadineesa n'asuda aambi neende omulyaangiro k'etanuuru lyaaduha omuliro muno mani naalaanga ati: “Sadiraka, Mesaka, neende Abbedineego, abahalaabani ba Nasaae w'Aakulu Muno, tule erwaanyi, mwiiche ano!” Mani Sadiraka, Mesaka, neende Abbedineego nibatulayo mu muliro.

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 4:2

Mbweene endi silai nisyo ohubeekesa obulolero neende eby'amayia bi Nasaae w'Aakulu Muno bi yaaholera.”

Danieli 4:25

Ochia ohwiiruswa otule mu baandu, mani ochia ohumenyaanga alala neende ebisolo byomu siino; ochia ohulichaanga obunyaasi koti endaawu, haandi ochia ohudoswaanga neende olume lutula muukulu, ohumala embaka y'emyaaka kitaanu-na-kibiri. Ohwoola lu wahamanye oti Oyo ow'Aakulu Muno niye otuka obwaami bw'abaandu, haandi niye obuberesa oyo yeesi yaaba naadaha.

Danieli 4:32

mani ochia ohwiiruswa otuswe mu baandu, mani ochia ohumenyaanga neende ebisolo byomu siino; haandi ochia ohulichaanga obunyaasi koti endaawu, ohumala embaka y'emyaaka kitaanu-na-kibiri, ohwoola lu wahamanye oti Oyo ow'Aakulu Muno niye otuka obwaami bw'abaandu haandi abuberesa oyo yeesi yaadaha.”

Danieli 7:18

Nae aboolerefu ba Oyo Ow'Aakulu Muno, bahanyoole obutuki, mani buchia ohuba obwaabwe endaalo choosi.”

Danieli 7:20

Haandi mani nindaha ohumanya ebidiira hu njika ehumi, echali hu mutwe kwasyo, neende hu lwiika luundi olwamera mani nilubboongolaho enjika chiindi chidatu. Olwo nilwo olwiika lwaliho emoni neende omunwa kwalomalomaanga emboosi huluundu ech'ohweniinia, haandi olwabonehana ohuba olwomiifu ohuhiraho enjika chaasye.

Danieli 7:8

Nae nindali nisitingaalaanga, nae bone, mani nimbona olwiika luundi ludiidi nilumera. Mani niliiyamo enjika chidatu chiindi. Nae bone, mu lwiika luno, mwalimo emoni koti ech'omuundu, neende omunwa kulomaloma ebiindu bihunuufu.

Danieli 8:11

Mani ni lweniinia elyeene, ni lweekeraania neende Omuhuluundu w'Eye lyo muukulu, mani nilumalao esiyaanwa sisaambwa sya buli ludaalo esyayaanirwaanga Omuhuluundu w'Eye, haandi yaaba omukwoobo Enyuumba ya Nasaae.

Danieli 8:14

Mani n'amukobolamo ati: “Byahabeeo ohumala ebiha byoola engoloobe neende echuli elifu chibiri neende emia chidatu (2,300). Abuundu woolerefu n'akoboswa mu luyaali lwaayo lwalichiingiwo hale.”

Danieli 8:9

Mani hu buli lwiika, nihumeraho olwiika ludiidi, olweehola olw'amaani muno, mani obunyala bwaalwo nibwemeeda nibuchiira emwaalo, neende ebukwe, neende mu syaalo sy'oluyaali.

Danieli 9:27

Mani omutuki oyo yahahole neende abaandu baangi endagaano y'amaani hulw'embaka y'ejuma ndala. Mani akatikaati w'ejuma eyo, yahaakamye ebiyaanwa neende ebilweeyo. Mani aakulu weene w'abuundu woolerefu, oyo osihirisa yahateeo esy'omusiro, ohwoola lu njakamo eyamutekeherwa lu yahoole.”

Hosea 7:16

Balumirira sa ohukaluuhanaanga nibaandulaho, mani nibamala nibachia eyiri nasaae otaalimo kata neende amaani koosi daawe. Bali abateesikiha koti oluyiingo lweekodakoda. Olwohuba abeemirisi baabwe balomaloma nibadyaabuha, mani bachia ohufwa efwa enjalaba, mani Abamisiri banyale ohucheheerera.”

2 Abatesalonika 2:3

Lehe omuundu yeesi atababacha mu ngeri yoosi. Olwohuba oludaalo olwo haba silwahoole ohwoola lu huyiingana humaliirihayo hwahabeeo mani omuundu otatya Nasaae yi batekehera nyaanja y'omuliro yahabonehane.

2 Abatesalonika 2:4

Omuundu wuno achia ohuyiingania haandi yeniinie ohuhiraho buli syoosi esilaangwa nasaae oba esiinamirwa. Haandi achia ohweniinia aakulu mani yeyihaase mu Nyuumba ya Nasaae, mani yelaangirire ati niye Nasaae.

2 Abatesalonika 2:8

Mani ao niwo lu muundu otatya Nasaae achia ohubonehanira, yi Omwaami Yesu achia ohwiita neende omuuya kw'omuuhanwa wae mani amusihirise neende ohubonehana hw'oluyaali lwae naakobola.

Ohubwiihulirwa 12:14

Nae omuhasi oyo yabereswa embaya chibiri ech'eeswi hoongo muno, hwaanyale ohubburuha achie ewae mu siparara, yi yali naachia ohuliindirwa bulai, hulw'embaka y'emyaaka kidatu neende esituundu, yi Syuuhira-banaabi atanyala ohumuseeta yamwoolaho.

Ohubwiihulirwa 12:6

Omuhasi oyo yeyiruhira yaacha mu esiparara, eyiri abuundu yi Nasaae mweene yamutekeherayo, yi yali n'achia ohuliindirwa bulai ohumala embaka y'endaalo elifu ndala neende emia chibiri neende amahumi kasaasaba (1,260).

Ohubwiihulirwa 14:12

Sino situbaanja abaandu ba Nasaae ohuba neende ohuguma, abo abafunihira amalako ka Nasaae, haandi abali abeesikwa eyiri Yesu.

Ohubwiihulirwa 16:6

Abaandu abo beedisaanga amabaanga k'abaandu ba Nasaae, haandi neende ak'abanabbi, mani sakira obaberese amabaanga ohung'wa. Bali sa ohunyoola esibahoyera syeene!”

Ohubwiihulirwa 17:6

Haandi ndeecha ndaabona endi hane, omuhasi oyo yali n'ameerere amabaanga k'abaandu ba Nasaae, neende amabaanga k'abo abali nibeetwa ohweema hu huba abawulisi ba Yesu. Mani nindamubona, ndesiinduhira elalira.

Ohubwiihulirwa 18:24

Bbabbilooni syasaandiswa olwohuba amabaanga k'abanabbi, alala neende ak'abaandu ba Nasaae, kanyoolehana mu siko esyo. Eee, amabaanga k'abo boosi abeetwa hu syaalo huno hwoosi.