Danieli 7:2 - EBBAIBBO EMBOOSI YA NASAAE

² Ndakaniaaya endi: “Muhuboneherwa hwaange esiro, mani bone, ndabona omuyaka nikudiirire enyaande chine echohu kulu nikuyiisa enyaanja hoongo.”

Danieli 7:2 Iomraidhean Croise

Yisaaya 17:12

Aaa, wulira ohuwoola hw'abaandu baangi, bawoola koti enyaanja yiyire. Aaa, wulira ohuworootana hw'ebyaalo, biworootana koti ohuworootana hw'efiinda ch'amaani!

Yeremia 49:36

Njia ohuwuucha hu elamu omuyaka ohutula hu nyaande choosi ech'ekulu. Njia ohusalaania abaandu basyo boosi, mani sibuleo esyaalo kata silala sibanyala ohwiiruhiramo.

Yeremia 51:42

Enyaanja yihulukuuse hu Bbabbilooni; yichuuleho amafwiinda.

Danieli 11:4

Nae niyahamale ohwomiira mu bunyala, obutuki bwae bwahafunihe, mani bwakabuhanamo ebituundu bine; esy'ebukwe, esy'emuumbo, esy'emukulu neende esy'emwaalo. Nae obutuki obwo haba sibwahabereswe ab'olwiibulo lwae, noomba ohutukwa neende obunyala koti bu yatukiraho. Olwohuba obutuki obwo bwahabe obw'abaandu baandi abataali ob'olwiibulo lwae.

Danieli 2:19

Mani esiro esyo, esy'engiso sino nisibonehera Danieli. Mani Danieli n'afumia Nasaae wo muukulu

Danieli 7:13

Muhubonehera hu ndanyoola mu esiro, ndabona esiindu sifwaana koti omwaana w'omuundu niyeehera hu bireesi byomu kulu, mani niyeecha eyiri Oyo Owaliwo ohutula hale-na-haandi, mani nibamumanyisa mu moni wae.

Danieli 7:7

Nae bino nibyaawa, mani muhuboneherwa hwomu siro, nae bone, mani nimbona esisolo syohune, esitiisa muno haandi esyalaba muno haandi esy'amaani maangi muno. Syali neende ameeno mahoongo haandi ak'ebibya. Syalichaanga haandi nisimenena buli siindu sisyabukanaanga. Mani nisisenakiriraanga mu makulu kasyo buli siindi syali nisidoong'ereo. Haandi esisolo sino syali nisitafwaanana neende ebisolo byoosi ebyasitaangirira ohuboneha. Haandi syali neende enjika ehumi.

Danieli 8:2

Muhuboneherwa ohwo, ndeecha ndeebona ni ndi mu siko sya Susa, esiri mu situundu sy'Elamu. Mani ndabona ni ndi hu ndulo w'omwaalo kwa Wulaayi.

Danieli 8:8

Ao mani ehole eyo niyemeeda muno ohweniinia; nae niyali niyisyeniinia ohweekesa amaani kayo, olwiika lw'amaani olwo mani nilubboongoha. Mani mu mu bweyaango bwalwo nibumeramo enjika chiindi ehoongo ch'amakana chine echeemere; buli lwiika nilutingaalire mu nyaande choosi.

Sekaria 6:5

Nae yakobolamo ati, “Bino nibyo emiyaka kine; hu kyahakobola sa nikitula mu moni w'Omwaami w'esyaalo syoosi.”

Matayo 24:31

Mani achia ohutuma bamalaika bae ohuubba eturumbete neende ekono hoongo, mani babuuse alala abalobole bae ohutula mu mbeka ch'esyaalo choosi, ohutula hu lubeka lulala lw'ekulu ohwoola hu luundi.

Ohubwiihulirwa 17:15

Malaika oyo yesi yeecha yamboolera ati, “Amaachi ako ka obweene, k'omuhasi muyirani oyo kabeere niyehaaleho, niko ebyaalo, abaandu, embya, haandi neende enimi.

Ohubwiihulirwa 7:1

Luunyuma lwa bino, ndeecha haandi ndaabona bamalaika bane nibeemere hu nyaande chine ch'esyaalo sino, nibeekaliire emiyaka kine, hu awuleo omuyaka kwoosi okunyala ohuwuucha hu syaalo, oba hu nyaanja, oba ohususuuchaho omusaala kwoosi.