Danieli 7:15 - EBBAIBBO EMBOOSI YA NASAAE

¹⁵ “Mani ese Danieli, nindeyendeherera muno mu mwooyo kwaange, hulw'ebiindu bi ndabona muhuboneherwa, mani ndatya muno.”

Danieli 7:15 Iomraidhean Croise

Ohuchaaka 41:8

Nibwahya, omutuki wa Misiri yali omweyeendeherefu; mani yaatuma balaange ab'amayia bomu syaalo sy'e Misiri neende ab'amakesi boosi. Omutuki wa Misiri yababoolera ebilooto byae ebyo, nae abulao omuundu yeesi mu abo owanyala ohutuumbulira omutuki wa Misiri amahuluundu k'ebilooto ebyo byoosi daawe.

Yeremia 17:16

Nae ewe Omwaami, haba sindahuyiikaho ohubakwiisaho ebidinyu daawe, oba ndekoombaho endi amasira kabooleho. Omwaami sino osimanyire. Emboosi chitula mu munwa kwaange ochimanyire bulai muno.

Danieli 10:16

Nae bone, Oyo ofwaanana neende omwaana w'omuundu n'adiira hu munwa kwaange, mani ninjasama ninjaaka ohulomaloma. Mani nimboolera oyo owali niyeemera mu moni waange endi: “Ewe Omwaami waange, ohuboneherwa huno hundeteere ohweyendeherera huungi muno. Mani amaani kambwereeremo elalira.

Danieli 2:1

Mu mwaaka kwohubiri okw'obutuki bwae, Nebukadineesa naloota ebilooto; niyeyendeherera muno mu mwooyo, mani endoolo nichihaya ohumuyira.

Danieli 2:3

Omutuki yababoola ati: Ndootere esilooto, mani nindeyendeherera muno olwohuba mbeere ndaha ohumanya esiindu si ndootere.

Danieli 4:19

Mani Danieli, eliita lyae liindi olaangwa ati, Bbelitesaasa, yamala embaka hooho niyeyendehereere, n'abula esy'ohuboola. Mani omutuki n'amuboolera ati: “Bbelitesaasa, esilooto neende amahuluundu kasyo, leha bihaye ohuhweyendeheresa daawe.” Bbelitesaasa mani n'akobolamo ati: “Omwaami waange, leha esilooto esyo sibe esy'abaandu batahudaha, haandi amahuluundu kasyo kabe ak'abasuku bao.”

Danieli 4:5

Mani ndoota esilooto syandiisa muno. Neende ebyo byoosi ebyeecha mu bibaaso byaange, neende ebyo ebyambonehera, byandeeyendeheresa muno.”

Danieli 7:1

Mu mwaaka kutaangira okw'obutuki bw'omutuki Bbelisasa, omutuki wa Bbabbilooni, ese Danieli nindoota esilooto mani ndaaboneherwa mu siro esyo, nindeyaliise mu sitaanda syaange. Mani ninyaandiika esilooto esyo, mani ninganiaaya ebiindu bi ndabona.

Danieli 7:28

“Ao mani niyo yi mboosi chine chaakama. Nae ese Danieli, ebibaaso byaange byakera ndaatya muno, mani efwaani yaange niyikaluuhana. Nae nimbiiha emboosi echomu mwooyo kwaange.”

Danieli 8:2

Muhuboneherwa ohwo, ndeecha ndeebona ni ndi mu siko sya Susa, esiri mu situundu sy'Elamu. Mani ndabona ni ndi hu ndulo w'omwaalo kwa Wulaayi.

Danieli 8:27

Ao mani ese Danieli ningobolamo amaani, mani nindwaala ohumala endaalo ediidi, mani luunyuma nisiingira mani ningobolayo ohuhola emirimo ch'omutuki. Nae ndawukaho sa ebiindu byamboneherwa, mani ndahaya ohubimanya.

Habbakuuku 3:16

Ese mbuliraanga bino byoosi mani ndeengereha sa; eminwa kyaange kyateengereha neende obuti. Omubiri kwaange kwoosi kufwa sa enakaasi, mani amakulu kaange keegumula aasi waange. Ese naange njia ohuliindirira sa masididye ebiha ebyo ohwoola bi Nasaae achia ohusaandisiramo abo abahatuseete.

2 Petero 1:14

olwohuba manyire endi ndi aambi ohutula mu mubiri kuno, koti lu Omwaami weefwe Yesu Kristo yamala ohunjekesa.