Danieli 7:14 - EBBAIBBO EMBOOSI YA NASAAE

¹⁴ Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Danieli 7:14 Iomraidhean Croise

Esabbuli 102:22

abaandu bebuuse alala, neende obwaami, bwebuuse alala ohwiinamira Omwaami.

Esabbuli 103:19

Omwaami yata obwiihalo bwae bwomiifu Muukulu, haandi obwaami bwae bwoola buli abuundu.

Esabbuli 145:13

Obutuki bwao bw'endaalo choosi, haandi oli omutuki endaalo choosi pe. Omwaami mweesikwa mu byoosi bi yasuubisa, haandi w'esisa mu biholwa byae byoosi.

Esabbuli 146:10

Omwaami anatukaanga endaalo choosi. Ewe Siyooni, Nasaae wao anatukaanga endaalo choosi. Kinie Omwaami!

Esabbuli 45:6

Esisaala syao sy'obutuki si Nasaae yahuberesa syohuyiindira emyaaka kyoosi. Endawusi yao y'obutuki y'obwadyeeri niyo.

Esabbuli 72:11

Abatuki boosi yi baakiriire, bahoya boola ohumwiinamiraanga, haandi ebyaalo byoosi byoola ohumuhalaabaniraanga!

Esabbuli 72:17

Eliita lyae lihoya lyayiindira endaalo choosi, obulai bwae buhoya bwemeeda ohubaao koti elyuuba! Abaandu bahoya banyooleraanga ehabi eyiri koti eyae, haandi ebyaalo byoosi bimulaangeenge biti ow'ehabi!

Esabbuli 8:6

Wamuberesa obunyala bw'ohutuka ebiindu byoosi bi waloonga. Ebiindu byoosi wabita mu bunyala bwae,

Yisaaya 16:5

Ao mani niwo yi mulala hu beechuhulu ba Daudi yaheechere yeehala hu sisaala sy'obutuki yaatuka abaandu neende obweesikwa alala neende obwadyeeri. Yahatuke abaandu naabakwiira esisa haandi yahaheengere abaandu omusaango niyeema hu obwadyeeri haandi yahabe omwaangu ohuhola obuluungifu.”

Yisaaya 60:12

Olwohuba esyaalo neende obwaami ebyahahae ohuhuhalaabanira byahasihiriswe. Ebyaalo ebyo byahasihirisirwe elalira.

Yisaaya 9:6

Olwohuba batwibuliire omwaana, batubereese omwaana w'obusyaani; obutuki buchia ohuba mu mahono kae, eliita lyae lichia ohulaangwa liti, “Omukabi w'Amakesi Owukisa, Nasaae w'Amaani, Seefwe w'Endaalo Chitaakama, Omuleeti w'Omuleembe.”

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Danieli 2:35

Mani esyuuma, neende eloba, neende esihomo, neende efeesa, neende esaabbu, byoosi nibifuniha-funihamo mu bituundu-tuundu, mani nibyehola koti omuhuuchi kwohu lwaanyi mu ndaalo ch'esiminyu. Mani omuyaka nikubidumuulira elalira, nisibulao esyadoong'ao kata nabudiidi. Nae ekina hoongo lyahuya esifwaanani esyo, mani nilyehola olugulu luhoongo olwabwiiha hu syaalo syoosi.

Danieli 2:37

Ewe, ewe omutuki, omutuki w'abatuki boosi, yi Nasaae wo muukulu yaberesa obutuki, obunyala, neende amaani, neende oluyaali.

Danieli 2:44

Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.

Danieli 3:4

Mani oyo olagira n'alagira mu kono ly'aakulu n'aboola ati: “Eng'we, abaandu ab'oluyia lwoosi, neende abomu byaalo byoosi, neende ab'enimi choosi muhuutirwa muti,

Danieli 4:3

Obulolero bwae buhoongo, eby'amayia bae by'amaani! Obwaami bwae bw'endaalo choosi, haandi obutuki bwae haba sibwohwakama daawe.

Danieli 6:26

Ndaao elako endi, mu bwaami bwaange bwoosi, abaandu boosi baticheenge haandi beseenge oluyaali mu Nasaae wa Danieli. Olwohuba Oyo niye Nasaae mulamu, oyiindira endaalo choosi; obwaami bwae haba sibwahasihirirwe daawe, haandi obunyala bwae haba sibwahakame daawe.

Danieli 7:18

Nae aboolerefu ba Oyo Ow'Aakulu Muno, bahanyoole obutuki, mani buchia ohuba obwaabwe endaalo choosi.”

Danieli 7:27

Mani Obwaami neende obunyala neende oluyaali lw'obutuki bwoosi obuli hu syaalo bwahabereswe aboolerefu b'Oyo ow'Aakulu Muno. Mani obutuki bwaabwe buliba obw'endaalo choosi, haandi ab'obunyala boosi bahamuhalaabanire haandi bamuwulira.

Obbadia 1:21

Abahayiingire bahaniine hu Olugulu lwa Siyooni mani batuke Olugulu lwa Esau; mani obutuki buchia ohuba obw'Omwaami mweene.

Mika 4:7

Abalema njia ohubahola bae abo Abaluwonamo; haandi abo abali nibasukunwa, njia ohubahola esyaalo sy'amaani. Mani njia ohubatukiraanga hu Lugulu lwa Siyooni, ohutula esiha sino neende endaalo choosi pe.

Matayo 11:27

Laata yamala ohuumberesa ebiindu byoosi haandi abulao omuundu omanyire Omwaana ohutusaho Simwaana, haandi abulao omuundu omanyire Simwaana muundu ohutusaho Omwaana wae alala neende oyo yi mwaana aheengao ohumubwiihulira.

Matayo 28:18

Nae Yesu yababoolera ati, “Bamalire ohuumberesa obunyala bwoosi Muukulu neende hu syaalo.

Luka 1:33

haandi achia ohutuka enyuumba ya Yakobbo, emyaaka choosi; mani obutuki bwae sibuchia huwaao.”

Luka 10:22

Laata yamala ohuumberesa ebiindu byoosi; mani abulao omuundu yeesi omanyire Omwaana ohutusaho Simwaana, haandi omanyire Simwaana, ohutusaho Omwaana neende oyo yeesi yi mwaana aheengao ohubwiihulira.”

Yowaana 12:34

Esidiiyiha sy'abaandu syamukobolamo siti, “Efwe mu malako hwawulira huti, Kristo yahabeeo endaalo choosi pe. Naawe onyala otye ohuboola oti, Omwaana w'Omuundu ahoyere ohuniinisibwa aakulu? Omwaana w'Omuundu oyo niye wiina?”

Yowaana 3:35

Laatang'ene Mwaana yaheera muno Omwaana wae, haandi yata ebiindu byoosi mu bunyala bwae.

Abaibburania 12:28

Mani sakira, olwohuba muchia ohunyoola obwaami butanyala ohudengaanisibwa, lehe hweebase Nasaae mani humwiinamire mu ngeri yimusangaasa, nihuli neende obuloonga neende ohutya;

1 Petero 3:22

owamala ohuchia Muukulu, haandi bulaanu ali hu muhono muluungi kwa Nasaae, haandi bulaanu atuka bamalaika boosi neende abaandu boosi neende obutuki bwoosi.

Ohubwiihulirwa 1:6

Haandi Yesu Kristo yatuhola ohuba obutuki bw'abalaamisi, ohuhalaabanira Nasaae wae haandi Laatang'ene. Yesu Kristo anyoole oluyaali alala neende obunyala endaalo choosi! Amiina.

Ohubwiihulirwa 11:15

Bulaanu, malaika wa hataanu-na-habiri yesi yoobba eturumbete yae, mani amakono mahoongo muno kabaao Muukulu akaboola kati, “Obunyala bw'ohutuka esyaalo syoosi bulaanu buli neende Omwaami weefwe, alala neende Kristo wae, mani achia ohutuka endaalo choosi pe!”

Ohubwiihulirwa 17:14

Abeene bano bachia ohulwaanakania Ekoondi doto, nae Ekoondi doto elyo, alala neende abalaange bae, abadoole bae, haandi neende abaloondi beesikwa bae, bachia ohubayiingira, olwohuba oyo niye Omwaami w'abaami, haandi Omutuki w'abatuki.”

Ohubwiihulirwa 3:21

Abo abayiingira, njia ohubaba obunyala bw'ohwiihala aambi naange hu sisaala syaange sy'obutuki, koti sa syesi ndayiingira mani bulaanu njihala aambi neende Laata, hu sisaala syae sy'obutuki.