Danieli 7:11 - EBBAIBBO EMBOOSI YA NASAAE

¹¹ Nindali nisitingaalaanga, mani nimbulira ekono ly'emboosi ch'ohweniinia neende ohwesuunga chi lwiika ludiidi lwali nilulomaloma. Mani nindatingaala, esisolo syohune nisiitwa, mani omulaambo kwasyo nikusihiriswa nikusukunwa mu muliro kusaambwa.

Danieli 7:11 Iomraidhean Croise

Danieli 11:45

Mani alyoombaha amayeema k'ekaambi yae akatikaati w'enyaanja neende Olugulu Lwoolerefu lw'Oluyaali. Nae yesi yahoole hu njakamo yae, n'abulao yeesi omuhoonya.

Danieli 7:12

Nae ebisolo bidoong'ereo, obunyala bwaabyo bwatusibwao, nae nibifukiirirwa ohudoong'a nibiri ebilamu ebiha biheengerweo.

Danieli 7:8

Nae nindali nisitingaalaanga, nae bone, mani nimbona olwiika luundi ludiidi nilumera. Mani niliiyamo enjika chidatu chiindi. Nae bone, mu lwiika luno, mwalimo emoni koti ech'omuundu, neende omunwa kulomaloma ebiindu bihunuufu.

Danieli 8:25

Hulw'obulyaanga bwae, yahahole buli siindu sy'adaha. Yahehuduumbase omweene, mani n'asihirisa abaandu baangi muno. Yahaseete haandi alwaanie Omutuki otuka abatuki boosi. Nae, yahasihiriswe mani abulao omuundu omudiiraho daawe.

2 Abatesalonika 2:8

Mani ao niwo lu muundu otatya Nasaae achia ohubonehanira, yi Omwaami Yesu achia ohwiita neende omuuya kw'omuuhanwa wae mani amusihirise neende ohubonehana hw'oluyaali lwae naakobola.

2 Petero 2:18

Beehoonyera emboosi ch'obusiru haandi echohwefumia, beehoonyera obwekoombi bw'emibiri kyaabwe ohuteka abaandu bahachaakira ohweetusa hu baandu bali mu ngira mbi echileeta ohusihiriswa.

Yuda 1:16

Abaandu bano buli siha bekanyiirisa haandi boolobya abasyaabwe; bahola neende obwekoombi bwaabwe bubi; abeene bewulira haandi balekeeresa abasyaabwe hu banyale ohuhola bi badaha abeene.

Ohubwiihulirwa 18:8

Mani ohweema hu sino, mu ludaalo lulala lwoong'ene achia ohuba n'amalire ohuwambisibwa endwaae embi koti ohulwaala, esibeera, neende enjala. Haandi achia ohusaambibwa neende omuliro, olwohuba Omwaami Nasaae, omukayi wae w'obunyala bwoosi.”

Ohubwiihulirwa 19:20

Esisolo esyo syayaambwa syayiriwa nisiri esiboye, alala neende abanabbi babacha abali nibaholaanga eby'amayia mu moni wae. (Olwohuba yehoonyeraanga ebiholwa by'amaya ebyo ohubachirisa abo abali nibaliho esilolero sy'esisolo esyo, neende abo abali nibeenamiraanga esifwaanani sy'esisolo syeene esyo.) Esisolo esyo syeecha syasukunibwa nisiri esilamu, alala neende omunabbi mubacha wula yesi naali omulamu mu nyaanja y'omuliro, eyaadusirwa maratutu.

Ohubwiihulirwa 20:10

Mani bulaanu, Sitaani yali niyababachirisa, yasukunwa mu nyaanja y'omuliro neende maratutu, yi sisolo sira alala neende omunabbi mubacha wula yibali nibamala ohusukunibwa hale. Mani omwo nimwo mu boosi bachia ohusaandisirwa esiro neende esideete, endaalo choosi pe.

Ohubwiihulirwa 20:12

Mani ndabona abafu, abahoongo neende abadiidi sidubaanie, nibeemere mu moni w'esisaala esyo. Ebitabo byabwiihulwa, mani haandi esitabo siindi syosi syabwihulibwa, esitabo sy'abalamu. Abafu beecha baheengerwa emisaango ohweema hu biindu bi bali nibaholaanga, koti lu byali byandiikibwa mu bitabo ebyo.

Ohubwiihulirwa 20:4

Haandi ndabona ebisaala by'obutuki, mani abaandu bali nibabiihaaleho nibeecha nibabeereswa obunyala bw'ohuheenga emisaango. Haandi ndabona obulamu bw'abaandu bali nibeetwaanga hulw'ohuyalaanga obwadyeeri bu Yesu yaleeta haandi neende emboosi ya Nasaae. Abaandu abo haba sibali nibanyala ohwiinamiraho esisolo sira, kata neende esifwaanani syasyo, kata sa ohukanya ohuteebwaho esilolero syasyo hu bweeni bwaabwe, oba hu mahono kaabwe. Abaandu abo baalamuha, mani bachaaka ohutuka koti abatuki alala neende Kristo hulw'embaka y'emyaaka elifu ndala (1,000).