Danieli 7:10 - EBBAIBBO EMBOOSI YA NASAAE

¹⁰ Mani omwaalo kw'omuliro nikuhulukusa nikutula yaali. Mani mu moni wae waliwo abaandu elifu neende elifu abamuhalaabaniraanga, haandi elifu ehumi amahabi elifu ehumi nibeemere mu moni wae. Ao mani omusaango nikuchaaka ohuwulirwa, mani ebitabo nibikulwao.

Danieli 7:10 Iomraidhean Croise

1 Abatuki 22:19

Mikaaya haandi yemeeda ohuboola ati, “Bulaanu mutekeerese muwulire esiindu si Omwaami aboola! Ese mbweene Omwaami niyehaale hu sisaala syae sy'obutuki muukulu, neende bamalaika bae boosi nibeemere nibamweekederaanie.”

2 Ebyomubiha 18:18

Mikaaya nae yemeeda sa ohuboola ati: “Bulaanu ewe tekeeresa owulire bi Omwaami aboola! Ese mbweene Omwaami niyehaale hu sisaala syae sy'obwaami muukulu, naali alala neende bamalaika bae boosi nibeemere mu ndulo wae.

Yobbu 25:3

Aliwo omuundu onyala ohubala amaye kae? Aliwo omuundu yi bulafu bwa Nasaae butaduuhira?

Esabbuli 103:21

Eng'we amaye kae, fumie Omwaami, abahalaabani bae abahola by'adaha!

Esabbuli 18:8

Omwoosi kwaniooha nikutula mu moolu kae, neende omuliro kusihirisa kwaaduha nikutula muhanwa wae; amaanda kaniooha kaanyusa enjeserye nichimutulamo.

Esabbuli 50:3

Nasaae weefwe ali ohwiichia, haba saali mu masididye, omuliro kweeleba kuli mu moni wae, esiifuusye sy'amaani simwebodoohaanie.

Esabbuli 68:17

Naali neende ebigaari by'amaani, ebihira elifu ehumi amahabi kabiri, amalifu neende amalifu, Omwaami yatula hu Sinai mani niyeengira Abuundu Woolerefu.

Yisaaya 30:27

Bone, obunyala neende eliita ly'Omwaami mbira biri eyale, omuliro neende okwoosi kusito byeekesa obwaalaba bwae. Emboosi ch'alomaloma chiri koti omuliro kusaamba, haandi olulimi lwae luli omuliro kusihirisa.

Yisaaya 30:33

Ohutula hale bweene, abuundu watekehebwa yi muliro muungi muno kwahasaambire obwaami bw'Asiiria. Abuundu ao woolerefu haandi sitakalafu, esirimo omuliro muungi neende eehwi nyiingi. Omwaami yahafuute omuuya kuli koti obulimi bw'esibbiriiti, mani kwaadusa omuliro.

Danieli 12:1

Mani malaika niyemeeda ohumboolera ati: “Mu ndaalo echo, Mikaeli, malaika muhuluundu, omuliindi w'abaandu, aliboneha. Mani wahabeeo ebiha by'ohusaanda hutabechaangao ohuli hutyo otula ebyaalo lu bibechaangao. Nae mu biha ebyo, abaandu boosi ba meeta kaabwe kahanyoolwe nikandiikwa mu sitabo, bahaonisibwe.

Danieli 7:22

ohwoola lu Oyo Owaliwo Endaalo choosi yeechia, mani n'aheengera bulai omusaango aboolerefu ba Oyo Ow'Aakulu Muno, mani ebiha nibyoola aboolerefu nibanyoola obutuki.”

Danieli 7:26

Nae esiina syaheehaswe ohuheenga omusaango, mani obunyala bwae bwahamumalweho, ohubwao neende ohusihiriswa elalira.

Sekaria 14:5

Mani eng'we muchia ohweyibira mu hooho lyeene lino elikabuhaniamo olugulu luno mu mahabi kabiri. Mwesi muchia ohweyiruhira koti sa lu bakuuka yeeng'we bahola lu ohuteengereha hw'esyaalo hwahabeeo mu ndaalo cha Omutuki Wusia owa Yuda. Omwaami Nasaae waange achia ohwiicha, niyeecha neende bamalaika boosi nibali alala nae.

Matayo 25:31

“Mani Omwaana w'Omuundu naalikobolera mu luyaali lwae, alala neende bamalaika bae boosi, nilwo lu achia ohwiihalira hu sisala sy'obutuki syae syooluyaali.

Amalako Kohubiri 33:2

Yaboola ati, “Omwaami yatula hu lugulu lwa Sinai, n'asiingira koti elyuuba n'atulira Seyiri, mani n'ahosa naali hu lugulu lwa Parani, naali alala neende aboolerefu elifu ehumi. Yahosa neende omuliro kwaaduha nikumuli hu muhono kwae muluungi.

Abaibburania 1:14

Bamalaika abo, haba sinibo emyooyo kihalaabanira Nasaae, chi Nasaae yatuma ohuhoonya abo abachia ohunyoola obuwonia?

Abaibburania 12:22

Ohutusaho, mwiichire hu lugulu lwa Siyooni, neende mu siko sya Nasaae mulamu, Yerusalemu sya Muukulu, si bamalaika basyo bali elifu neende elifu.

Yuda 1:14

Enoka, omwiichuhulu wa Adamu wa tiiri mu luse lwohutaanu-na-habiri, yabalomalomaho n'aboola ati, “Bone, Omwaami yeecha neende abaandu bae boolerefu elifu neende elifu,

Ohubwiihulirwa 11:18

Nae abakafiiri bechula etima olwohuba esiha sy'etima lyao syosi syoolere, esiha si bafu bachia ohuheengerwa omusaango. Esiha syahoola, esyohubeereseramo esisiimo abahalaabani, abanabbi neende abaandu bao boosi, abo boosi obahuberesaanga oluyaali, abahunuufu neende abadiidi sidubaanie. Esiha syahoola esy'ohusihirisiramo abo abasihirisa esyaalo!”

Ohubwiihulirwa 5:11

Haandi ndalingaala, haandi ndawulira bamalaika, nibali mu buduhunyi! Boosi bali nibeemere nibebodoohaanie esisaala sy'obutuki, neende ebiloonge bilamu bine bira alala neende abahuluundu bala bosi,