Danieli 7:1 - EBBAIBBO EMBOOSI YA NASAAE

¹ Mu mwaaka kutaangira okw'obutuki bw'omutuki Bbelisasa, omutuki wa Bbabbilooni, ese Danieli nindoota esilooto mani ndaaboneherwa mu siro esyo, nindeyaliise mu sitaanda syaange. Mani ninyaandiika esilooto esyo, mani ninganiaaya ebiindu bi ndabona.

Danieli 7:1 Iomraidhean Croise

Ohuchaaka 15:1

Ebyo nibyawa, Abburamu yaboneherwa, mani yaawulira Omwaami naamuboolera ati, “Abburamu otatya daawe, olwohuba njia ohuhuwonia mu bidinyu byao byoosi; haandi omukabo kwao kuchia ohuba omuhoongo muno.”

Ohuchaaka 46:2

Nasaae yabonehera Yakobbo mu siro, naalomaloma nae naamulaanga ati, “Yakobbo,, Yakobbo.” Nae naakobolamo ati, “Nduwo.”

Yobbu 4:13

Ndali nimbaasa hu biindu byamboneheere mu bilooto bya siro, ebyoola hu muundu endoolo ch'amaani nichimuyirire,

Yisaaya 30:8

Mani bulaanu chia osyandiike hu sipaande nibabona, haandi osyandiike mu sitabo mwoosi, sibe obuloli bw'endaalo choosi ohwomiisa obujeemu bw'abaandu bano.

Yisaaya 8:1

Mani Omwaami yamboolera ati, “Bukula esipaande sihoongo mani osyandiikeho mu nukuta hoongo oti: ‘Bya Maheeri-Salaali-Hasibbaasi’ ” Amahuluundu mbwe, Yaaya Bwaangu, myaasa Bwaangu.

Yeremia 23:28

Leha omunabbi olootere esilooto abooleenge ati, esyo silooto sa nisyo, nae oyo oli neende emboosi yaange, ayilaangirireenge mu bweesikwa. Omwaami ateeba ati, omuhuuchi kwahabaaho nasilala neende engaano?

Yeremia 27:7

Ebyaalo byoosi bichia ohumuhalaabaniraanga, omweene, omwaana wae, neende omwiichulu wae, ohwoola lu siha si ndatekehera esyaalo syae ohwaakama syahoole. Mani esyaalo syae syahahalaabanire ebyaalo biingi neende abatuki bahunuufu.

Yeremia 36:32

Yeremia yabukula olupapula lusiriingise luundi mani yaluberesa Bbaruku omwaana wa Neria, omwaandiiki wae. Bbaruku mani niyaandiika emboosi choosi chi Yeremia yamuboolera echali hu lupapula lusiriingise lu Yehoyakimu omutuki wa Buyudaaya lu yali nasaambire mu muliro, haandi nameedereho emboosi nyiingi echali nasilala chityo.

Yeremia 36:4

Ndalaanga Bbaruku omwaana wa Neria, ndaamuboolera emboosi choosi chi Omwaami yali niyamboleere, mani Bbaruku yachandiika hu lupapula lusiriingise.

Esekeeli 1:1

Mu mwaaka kw'amahumi kadatu, mu mwoosi kwohune, hu ludaalo lwohutaanu lw'omwoosi, nindali ni ndi alala neende abasyaange baandi ba hwali nabo mu buwaambe hu ndulo w'Omwaalo kwa Kebbari, ekulu lyeekuha mani ndaaboneherwa ebyo byoosi ni Nasaae yadaha mbone.

Esekeeli 40:2

Muhuboneherwa, Nasaae yaanjira mu syaalo sya Yisiraeli, mani ni yaanda hu lugulu luleeyi muno. Ndabona mu moni waange, ebyoombahe ebiri koti esiko.

Danieli 1:17

Mani Nasaae n'aberesa abaraaga bane bano amakesi neende ohumanya bi beekesa byoosi bwaangu muno. Nae Danieli nameedwaho ohumanyaanga amahuluundu k'ohuboneherwa neende ak'ebilooto.

Danieli 2:1

Mu mwaaka kwohubiri okw'obutuki bwae, Nebukadineesa naloota ebilooto; niyeyendeherera muno mu mwooyo, mani endoolo nichihaya ohumuyira.

Danieli 2:26

Mani omutuki n'ateeba Danieli, yi liita lyae liindi lyali Bbelitesaasa, ati: “Ewe onyala ohumboolera esilooto si ndaaloota neende amahuluundu kasyo?”

Danieli 4:13

Ebyambonehera nindeyaliise mu sitaanda syaange, nimwo mundaboneherwa wamwaanda mwoolerefu, niyeeha n'atula muukulu.

Danieli 4:5

Mani ndoota esilooto syandiisa muno. Neende ebyo byoosi ebyeecha mu bibaaso byaange, neende ebyo ebyambonehera, byandeeyendeheresa muno.”

Danieli 5:1

Olwoola, omutuki Bbelisasa n'aholera abachweenufu bae elifu esidyaalo sy'amaani, mani naang'wa nabo amalwa.

Danieli 5:22

Mani ewe Bbelisasa, omwaana wae, haba siweloongoyaase, kata wahaba niwamanya ebyo byoosi.

Danieli 5:30

Mu siro syeene esyo, Bbelisasa, omutuki w'Abakalidaaya mani nibamwiita.

Danieli 7:13

Muhubonehera hu ndanyoola mu esiro, ndabona esiindu sifwaana koti omwaana w'omuundu niyeehera hu bireesi byomu kulu, mani niyeecha eyiri Oyo Owaliwo ohutula hale-na-haandi, mani nibamumanyisa mu moni wae.

Danieli 7:15

“Mani ese Danieli, nindeyendeherera muno mu mwooyo kwaange, hulw'ebiindu bi ndabona muhuboneherwa, mani ndatya muno.”

Danieli 7:7

Nae bino nibyaawa, mani muhuboneherwa hwomu siro, nae bone, mani nimbona esisolo syohune, esitiisa muno haandi esyalaba muno haandi esy'amaani maangi muno. Syali neende ameeno mahoongo haandi ak'ebibya. Syalichaanga haandi nisimenena buli siindu sisyabukanaanga. Mani nisisenakiriraanga mu makulu kasyo buli siindi syali nisidoong'ereo. Haandi esisolo sino syali nisitafwaanana neende ebisolo byoosi ebyasitaangirira ohuboneha. Haandi syali neende enjika ehumi.

Danieli 8:1

Mu mwaaka kwohudatu okw'obutuki bwa Bbelisasa, ese Danieli ndanyoola ohuboneherwa, ohuloonda hu huboneherwa hu ndataangira ohunyoola.

Yoeli 2:28

“Luunyuma lw'ebyo, njia ohukabira abaandu boosi Mwooyo waange; abaana beeng'we basyaani, neende abaana beeng'we bahaana, bahalaangirise ebiahakweeo. Haandi abaandu bakofu mweeng'we, bahaloote ebilooto, haandi abaraaga beeng'we bahaboneherwe.

Amosi 3:7

Mubwadyeeri bweene, sibulao esiindu si Omwaami Nasaae yahahola nataasifunulira mberi abahalaabani bae, abanabbi.

Habbakuuku 2:2

Omwaami yamberesa esikobolomo sino siti: “Ewe yandiika bulai hu bituundu by'amakina ebyo bi njia ohuhubwiihulira, binyale ohusomwa ehabi lala lyoong'ene.

Ohubala 12:6

mani Omwaami n'aboola ati, “Bulaanu eng'we mutekeerese bulai bi njia ohulomaloma! Abanabbi nibaba mweeng'we, ese mbeyekesera mu huboneherwaanga mani nomanoma nabo mu bilooto.

Abarooma 15:4

Buli siindu syoosi esyandiikwa mu byandiiko byoolerefu, syandiikwa ohutweekesa, hu hunyale ohunyoola esuubi ohubitira mu hweesimiirisa neende ohuguma emyooyo koti lu byandiiko byoolerefu bituberesa.

2 Abakoriito 12:1

Hoyeere ohwefumia; kata katyo abulao engaanga yinyoolamo. Nae njia ohulomaloma hu huboneherwa neende ohubwiihulirwa hw'Omwaami.

Ohubwiihulirwa 1:19

Mani yandiika ebiindu bi obona, ebiindu biriwo bulaanu, neende ebiindu bichia ohuholehana luunyuma.

Ohubwiihulirwa 10:4

Nibalomaloma sa bati, syesi ndali nindetekeehe ni ndi aambi ohuchaaka ohwandiika. Nae ndawulira ekono nililomaloma nilitula Muukulu niliboola liti, “Kisa bi hwaaduluhana amahabi kataanu-na-kabiri kano kaboolere. Otabyandiika daawe!”