Danieli 6:4 - EBBAIBBO EMBOOSI YA NASAAE

⁴ Mani abahuluundu baasye neende bagafana nibateemaho muno ohukoonyeresa esifune sibanafwaambe Danieli engeri y'aholeramo emirimo mu bwaami; nae nibatamunyoolaho esifune syoosi, oba esyonoono syoosi. Olwohuba Danieli yali omweesikwa, n'abulaho esifune syoosi esy'ohumufwaambya.

Danieli 6:4 Iomraidhean Croise

Ohuchaaka 41:38

Mani omutuki wa Misiri yaboolera abahalaabani bae ati, “Hunyala hwakaana omuundu oli koti wuno, oli neende Mwooyo wa Nasaae?”

Ohuchaaka 43:18

Abasaacha bano baatya muno olwohuba baleetwa mu nyuumba ya Yosefu, nibaboola bati, “Awuundi abaandu bano batuleetere muno ohweema hu seende chibata mu sao cheefwe ehabi lyaamberi, hu banyale ohutudiisa omusaango mani batukaluuhanire, hu banyoole obweyaango bw'ohutuhola abawaambe baabwe hubatutuseho esuhiri cheefwe.”

Engaado 29:27

Omuundu mubi asyuula omuundu muluungifu, nae ow'esaambo ndai asyuula omuundu mubi.

Omuyaali 4:4

Mani nimbaasa esikera abaandu nibahola emirimo amaani. Bahola batyo olwohuba beekoomba ohuba neende ebilai biri koti ebya basyaabwe. Sino syosi bihaya byeene, siri koti ohwiirusa omuyaka okudiire.

Yeremia 18:18

Abaandu beemao baaboola bati: “Mwiiche, lehe hulye olukwe mu Yeremia. Nihumumalao, haba sihunaahaywe abalaamisi ohutweekesa, noomba abaandu bakesi ohutukerakira, noomba abanabbi ohutuyaalira emboosi ya Nasaae. Mwiiche, lehe humuteeho omusaango, mani hwaakame ohuwulira emboosi ch'aboola.”

Yeremia 18:23

Nae, ewe Omwaami, omanyire ehobo chaabwe ch'ohuunjita choosi. Otabaleheramo esyonoono syaabwe, noomba weebirira esyonoono syaabwe. Leha basukunwe batule mu moni wao; basaandye n'obanyoolereere.”

Yeremia 20:10

Olwohuba mbulira abaandu baangi nibeemoonya bati: “Buli abuundu wichuuseo ebitiisa! Mumweekaane! Lehe humweekaane!” Kata abeecha baange beene, baliindirira ohubona koti luungwa. Nibo ababoola bati: “Lehe humuseendeseende, mani humudiire, mani hwetuunge.”

Yeremia 29:7

Nae muloondekane neende obulai bw'esiko sindabatumamo mu buwaambe. Mani musabe Omwaami aberese esiko esyo ehabi.

Danieli 3:8

Mani sakira, mu biha ebyo Abakalidaaya baandi embaliha yabadiira mani nibasitaka Abayudaaya omusaango.

Danieli 5:12

Olwohuba ali neende mwooyo w'aakulu muno, mukesi haandi atuumbula amahuluundu k'ebilooto, neende ohumanya amahuluundu k'eminaye, neende ak'ebiindu bidinyu ohumanya. Bino byoosi binyolehana mu Danieli wuno, yi mutuki yakuliha Bbelitesaasa. Mani bulaanu, leha balaange Danieli, mani achia ohuhutuumbulira amahuluundu.”

Danieli 6:22

Nasaae waange atumire malaika, mani n'abwiiha eminwa ky'edalang'i, mani nichitaaholaho esyonoono syoosi; olwohuba mu moni wae, sibulao esyonoono si ndahola; haandi mu moni wao, Ewe omutuki, sibulao esyonoono si ndahola.”

Matayo 26:4

mani baahola olukwe lw'ohudiira Yesu bamwiite mu bweekisi.

Matayo 27:18

Olwohuba yali amanyire ati embaliha yaabwe niyo eyakera bamudiisa Yesu.

Luka 20:20

Mani bamwewunja bilai, mani bamala batuma abaheeti, abebachirisa bafwaana koti abaandu b'obwadyeeri, banyale ohumudiira mu mboosi chae, hu banyale ohumudiisa abo obunyala neende obutuki bwa gafana wa Rom.

Luka 20:26

Mani haba sibanyala ohudiisa Yesu omusaango kwoosi mu lwichuule lw'abaandu ohweema hu bi yalomaloma; nae bawuka muno engaluhamo yae, mani nibanyita chi.

Luka 22:2

Mani abalaamisi bahuluundu neende abaandiiki b'Amalako bali nibakoonyeresa engeri yi banyala ohumwiitiramo; olwohuba bali nibatya abaandu baandi ohubabona.

Yowaana 19:4

Pilato haandi yatula erwaanyi, yaaboolera abaandu abo ati, “Bone, mbao ndi ohumutusa erwaanyi mbadiise, mumanye muti haba ese haba siimubonahooho omusaango kwoosi.”

2 Abakoriito 11:12

Mani esyo siindi ohuhola, njia ohwemeeda ohusihola, hu nyale ohuchalaasa enomanoma y'abaandu bahadahire ohuboola bati, mu buhalaabani bwaabwe bw'ohweefumia obwo, bahalaabanira mu luyaali lwaakana neende lu fwesi huhalaabaniramo.

Abafilipi 2:15

hu munyale ohuba nimutaaliho esiindu syoosi sibabafunaana, nae mube abaluungifu koti abaana ba Nasaae ababulaho esyonoono, abamenya mu syaalo sy'abaandu badoondobanu haandi abonooni. Mani muhoyere ohubaaduhamo, koti eng'ining'ini chihosa mu syaalo,

1 Timoteo 5:14

Mani naange ndahadahire abahasi bafwiirwe abo abasisiiri abayere bahahoyereenge banyala ohudeeha haandi, boole ohwibulaanga haandi abaana, hu banyale haandi ohuliindaanga amadaala akaabwe keene bulai hu beemeo banyaleenge ohwiimira elalira abasuku beefwe abo ehabi kata nabudiidi eyohuchaaka ohutulomalomaangaho emboosi ch'esifuto haba daawe.

Tito 2:8

Wehoonyereenge emboosi ndai chitayiinganisibwa, hu basuku bao banyale ohudiirwa esoni nibahaywa ohuba neende esiindu sibi syoosi sibahatulomalomaho.

1 Petero 2:12

Ebiima byeeng'we eyiri abakafiiri bihoyere ohuba ebilai, kata neende nibateemaho ohubayaasa bati muli abahola-mbi, bachia ohubona ebiholwa byeeng'we bilai, mani bafumie Nasaae hu Ludaalo lw'ohwiicha hwae.

1 Petero 3:16

Nae muholeenge mutyo neende obuloonga nimubeesamo oluyaali, haandi lindeenge ebibaaso by'emyooyo kyeeng'we bulai. Haandi abaandu nibalomaloma bubi hu saambo ndai chi muli nachio mu Kristo, lehe banyoole esoni hu biindu bi balomaloma.

Abakayi 14:4

Abeebusi bae abo haba sibali nibamanyire bati hane yali naali Omwaami niye owali n'ali ohwiimiriraanga Samusoni ohuhola esiindu sino siti, olwohuba Omwaami hane yali naali ohukoonyaanga ehabi alwaanie Abafilisiti abo. Olwohuba esiha syeene sino, Abafilisiti nibo abali nibali ohutukaanga Yisiraeli yoosi.

1 Samueli 12:4

Abaandu bakobolamo bati, “Bbe, ewe haba siwatwibaho daawe, haba si wanyuulaho omuundu yesi esiindu syoosi daawe.”

1 Samueli 18:14

Buli siindu si Daudi yaholaanga, syamuchiraanga bulai olwohuba Omwaami yalichiingi nae.

1 Samueli 22:14

Ahimeleki yakobolamo ati, “Mu bahalaabani bao boosi, Daudi niye ohiramo obweesikwa. Omuhwe wao mweene, muhoongo w'abaliindi bao, haandi buli muundu mu dooho lyao amwiisamo oluyaali.