Danieli 6:23 - EBBAIBBO EMBOOSI YA NASAAE

²³ Mani omutuki n'asangaala muno, n'alagira ati batuse Danieli mu buko. Mani nibatusa Danieli mu buko obwo, mani nibanyoola bati sibulao esyonoono syoosi esyamukwaaho, olwohuba yali niyeesika Nasaae wae.

Danieli 6:23 Iomraidhean Croise

1 Abatuki 5:7

Hiramu yasangaala yabitiirira niyanyoola emboosi ya Solomooni eyo, mani yaboola ati, “Omwaami apaakwe enyaanga yino hu lwoohuberesa Daudi omwaana mukesi waaka ao ohumukerama koti omutuki w'esyaalo sihunuufu esyo!”

1 Ebyomubiha 5:20

Beesika Nasaae mani nibamusaba abahoonye, mani Nasaae naawulira ohusaba hwaabwe mani nibayiingira Abahagari neende abo boosi ababakwiiraanga sidubaanie.

2 Ebyomubiha 20:20

Echulichuli nibwahya oludaalo luloondaho, abaandu baniina baachia mu syaalo sy'esiparara esiri aambi neende Tekoa. Mani koti lu bali hu bachaaka olukeendo, Yehosafati yabalomalomera emboosi chino chiti: “Eng'we abaandu ba Yuda neende Yerusalemu! Mweesikeenge Omwaami Nasaae weeng'we, muba muchia ohuba abomiifu. Fukiirireenge ebiindu bi banabbi bae bababoolera, muba muchia ohubitaangamo.”

Esabbuli 18:21

Olwohuba ese ndaliinda amalako k'Omwaami, haandi haba sindahola esyonoono mani ndaatula hu Nasaae waange.

Esabbuli 37:40

Omwaami abahoonya haandi abaabina; abaabina ohutula mu mahono k'abahola-mbi, mani yabawonia, olwohuba beeruhira yaali.

Ohutula 18:9

Yetero niyawulira hu bino, yasaangaala muno

Engaado 18:10

Eliita ly'Omwaami munaara kw'amaani; abaluungifu niyo yiberuhira mani nibanyoola obweyikamo.

Yisaaya 26:3

Ewe Omwaami oliindira mu muleembe kw'elalira abo abata esuubi lyaabwe mweewe, olwohuba bahweesika.

Danieli 3:17

Nihunaba nihusukuunwe mu tanuuru lyaaduha omuliro, Nasaae weefwe yihuhalaabanira, achia ohutuwonia atutuse mu tanuuru lyaaduha omuliro; mani atuwonia ohutula mu bunyala bwao.

Danieli 3:25

Mani omutuki n'akobolamo n'aboola ati: “Nae ndi ohubona abasaacha bane, nibali abalehuule, nibakeenda-keenda akatikaati w'omuliro, nisibulao esyonoono sibakwiireho! Nae owohune afwaanana koti omwaana wa nasaae.”

Danieli 6:14

Mani omutuki niyawulira emboosi echo, yeyendeherera muno, mani n'ateemaho koti lu anyala ohuwonia Danieli. Mani n'amala oludaalo lwoosi n'akoonya engeri yohuwoniamo.

Danieli 6:18

Mani omutuki naakobolayo mu dooho lyae. Esiro esyo n'atalyaho esyohulya syoosi. Haandi n'atafukiirira ohumuleetera ebihubbwa byoosi ohumusangaasa, haandi n'ateyalisaho endoolo daawe.

Mariko 9:23

Nae Yesu yamuboolera ati, “Mbwe niwahanyalaho! Ebiindu byoosi binyaliha eyiri oyo ofukiirira.”

Abaibburania 11:33

Olw'ohufukiirira bano balwaana bayiingira obutuki butaali nasilala. Bahola esiindu sihoyera mani banyoola si Nasaae yabasuubisa. Kata beekala eminwa ch'edalang'i.