Danieli 6:10 - EBBAIBBO EMBOOSI YA NASAAE

¹⁰ Nae Danieli niyamanya ati elako elyo niriteerweho omuhono, yakobolayo mu nyuumba yae. Amadirisa kayo akomu siseenge sy'aakulu, keekulwaangao nikalingaalire Yerusalemu. Danieli yasigamaanga hu mahuumbo kae amahabi kadatu buli ludaalo, niyekongooya haandi niyebasa Nasaae wae, koti lu yaholaanga hale.

Danieli 6:10 Iomraidhean Croise

1 Abatuki 8:30

Wuliraanga esaala chaange haandi neende esaala ch'abaandu bao nibalingalaanga abuundu ano nibasaba. Mu daala lyao eliri muukulu, tuwulireenge mani otuleheraangamo.

1 Abatuki 8:38

wuliraanga esaala chaabwe choosi. Kata neende niyibechaangayo mulala hu baandu ba Yisiraeli bao, ohweema hu sibeera simuchuuna muno mu mwooyo, naananyalaanga ohukololaanga amahono kae mani akalingaasa eyiri Enyuumba ya Nasaae yino,

1 Abatuki 8:44

“Noonalagiraanga abaandu bao ohuchichaanga mu biita, nibalwaania abasuku baabwe, mani bahusabiraanga buli yi baba nibali yoosi, nibalingaalire Enyuumba ya Nasaae yino yihwombahiire yino,

1 Abatuki 8:54

Mani luunyuma lwa Solomooni ohumala ohusaba esaala eyiri Omwaami atyo, yasiingira mani yeema mu moni w'alutaari, yi yali n'asigaame nasingiise aakulu amahono.

2 Ebyomubiha 6:13

(Solomooni yali niyahola esiduuti sy'omugasa, mani niyasita akatikaati w'olwaanyi. Syali nisiri emiita chibiri neende otutoonyese tubiri (2.2) embeka choosi, nae emiita ndala neende otutoonyese tudatu (1.3) ohuniina aakulu. Yaniina hu siduuti sino, yaasigama aasi, abuundu yi buli muundu yali naanyala ohumubona bulai, mani yaasiingisa amahono kae aakulu eyiri ekulu.)

2 Ebyomubiha 6:38

Nikali mbwe mu syaalo bweene omwo banyala ohweyolobya mubwadyeeri bweene, mani bahulaama nibatingaalire ena syaalo sino siwakaba bakuuka yeefwe, esiko sino si mweene wedoolera, haandi ena Nyuumba ya Nasaae yino yi hwoombahiire,

Esira 9:5

Mani esiha nisyoola esyohuyaanayo ebiyaanwa by'engoloobe, ndasiingira ndaatula yi ndali niinjihaale niindirira, nisyefwaalire engubo chaange chitaanduuhe, ndachia mani ndaasigama endyo niisaba mani ndaaniha amahono kaange eyiri Omwaami Nasaae waange.

Nehemia 6:11

Ese naange ndakobolamo endi, “Ese haba siniise omuundu wiiruha sa haandi nindeekisakisa daawe. Ewe obaasa oti ese nyala ohuteemaho ohweoniaanga sa obulamu bwaange nindeekisa mu Nyuumba ya Nasaae, kose? Ese haba siinjia ohuhola esyo daawe.”

Esabbuli 34:1

Njia ohukiniaanga Omwaami ebiha byoosi; njia ohumufumiaanga ataali ohwaakama.

Esabbuli 5:7

Nae ese ohweema hu buheeri bwao buungi njia ohwiingira mu nyuumba yao, njia ohuhwiinamira mu nyuumba yao njoolerefu ni hwiisamo oluyaali.

Esabbuli 55:17

Engoloobe neende echuli, kata neende esideete akati, njia ohutuumbulaanga ohwekanyiirisa hwaange alala neende amaliro kaange, mani achia ohuwulira ekono lyaange.

Esabbuli 86:3

ngwiire esisa, Ewe Omwaami, olwohuba hulirira oludaalo lwoosi.

Esabbuli 95:6

Mwiiche, lehe humwiinamire haandi huguuname aasi; lehe husigame mu moni w'Omwaami owatuloonga!

Danieli 6:13

Ao mani nibaboolera omutuki bati: “Danieli, mulala hu baandu banyakwa ohutula mu Buyudaaya, ahulekeeresa, ewe omutuki, oba elako li wataaho omuhono, nae yasaba Nasaae wae amahabi kadatu buli ludaalo.”

Danieli 9:4

Mani niisaba Omwaami Nasaae waange, haandi nindefunaka hulw'ebyonoono by'abaandu, nimboola endi: “Omwaami Nasaae, Niiwe omuhuluundu haandi otiisa. Niiwe oliinda endagaano yooba n'oholere haandi wekesa obuheeri bwao butaakama eyiri abo abahudaha haandi abadiira amalako kao.”

Yona 2:4

Mani ndeecha ndaboola endi, ‘Njiruswe ohutula mu moni wao; ndahakaluheo endye haandi ohubonaho enyuumba yao enjolerefu?’

Mariko 3:3

Nae Yesu yaboolera omusaacha w'omuhono kwafwa oyo ati, “Yicha ano.”

Luka 14:26

“Omuundu yeesi owiicha yi ndi, saanyala ohuba omweeki waange ohutusaho n'ataangire mberi ohusyuula laatang'ene mweene neende ng'ina neende omuhasi wae, neende abaana bae, neende bamwaanang'ina, neende bamboochong'ene, eee, neende kata obulamu bwae bweene.

Luka 22:41

Haandi yabatulaho yaasudaho eyale yiwahasukuna ekina lyoola, mani yaasigama aasi yalaama ati,

Ebiholwa 10:9

Nibwahya oludaalo luloondaho, nibali hu lukeendo olwo nibali aambi ohwoola mu siko sihuluundu esyo, Petero yeecha yaniina mu siseenge siri aakulu hu sirama ohulaama Nasaae, aambi w'esaa chisaasaba chesideete.

Ebiholwa 2:15

Abasaacha bano haba sibameerere koti lu mubaasa, olwohuba hu chiri sa esaa chidatu ch'echuli;

Ebiholwa 20:24

Nae ese haba simbaliiriraho obulamu bwaange koti obuliho neende engaanga yi ndi ese omweene, ohutusaho lwoong'ene ni mba ninyalire ohwooseresa esichiiririrwa syaange neende obuhalaabani bu mba ndaberesebwa neende Omwaami Yesu, ohuyaala emboosi ndai ey'embabaasi cha Nasaae.

Ebiholwa 20:36

Niyali n'amalire ohulomaloma atyo, yaasigama aasi, mani yachaaka ohusabira alala nabo boosi.

Ebiholwa 21:5

Endaalo cheefwe chi hwali nihudahire ohumala ebweene eyo nichawa, hwasiingira hwawaao hwachiiririra neende olukeendo lweefwe olwo; boosi, alala neende abahasi baabwe neende abaana, batugooba hwachia nabo ohwoola luhwoola erwaanyi w'esiko sihuluundu esyo; mani hwobba amahuumbo aasi nabo hu sikobero esyo, husaba Nasaae, hwamala hwaseebulana buli otula neende owaasye.

Ebiholwa 3:1

Oludaalo luundi, Petero neende Yowaana bali bachia mu Nyuumba ya Nasaae, esaa chitaanu-na-chine esiha sy'ohulaama.

Ebiholwa 4:29

Nae bulaanu, Omwaami, tingaala obone bulai ohutihirisa hwaabwe huno, mani oberese efwe abahalaabani bao obunyala bw'ohulomaloma emboosi chao neende obwomiifu bwoosi koti lu bwaaka,

Ebiholwa 5:20

“Muchie mweeme mu Nyuumba ya Nasaae, muboolere abaandu boosi emboosi chino ech'Obulamu Buyaaha.”

Ebiholwa 5:29

Nae Petero alala neende abatume abo bakobolamo bati, “Efwe huhoyere ohutya Nasaae ohuhira ohutya omuundu.

Ebiholwa 7:60

Sitefaano yasigama aasi, yaalira neende ekono hoongo muno n'aboola ati, “Omwaami, otababaliraho esyonoono sino daawe.” Niyali niyahamala sa ohulomaloma atyo, yaakwiisa omwooyo.

Ebiholwa 9:40

Nae Petero yabatusa boosi erwaanyi, mani naamala nasigama aasi n'achaaka ohulaama Nasaae; nae niyakaluuhanira omulaambo yaboola ati, “Tabbisa, siingira.” Tabbisa yalimbula emoni, mani niyabona Petero, yasiingira yeehala.

Abaefeso 3:14

Hulw'esifune sino, sakira hubba aasi amahuumbo kaange mu moni wa Seefwe,

Abafilipi 1:14

haandi ohumenya hwaange mu jeela hwaberesa abasyaange bahira obuungi abafukiirira Omwaami amaani kohwemeeda ohuyaala Emboosi ya Nasaae neende ekono ly'aakulu ataali ohutya hwoosi.

Abafilipi 1:20

Esiindu sihira ohwekoomba neende ohusuubira muno nisyo siti, haba siinjia huhaywa ohwooseresa omulimo kwaange, nae endi ebiha byoosi kata bulaanu buti, njia ohuba neende esinani siingi esiteeta oluyaali lwa Kristo mu mubiri kwaange, kata andahabao omulamu oba niifwa.

Abafilipi 4:6

Mutelalihiriraanga esiindu syoosi-syoosi nae musabeenge sa esaala nimutuumbulira Nasaae buli siindu syoosi neende emyooyo kichuule ohweebasa.

Abakolosaayi 3:17

Nabuli siindu si muhola, mu mboosi oba mu biholwa, musiholeenge mu liita ly'Omwaami Yesu, nimumweebasiraangamo Nasaae Seefwe.

Abaibburania 13:15

Sakira lehe buli siha huwaanire Nasaae esiyaanwa syeefwe sy'ohumufumia ohubitira mu Yesu Kristo, esiri koti esiyaanwa situla mu minwa chi mutuumbula koti Omwaami.

Abaibburania 4:16

Mani lehe hube abomiifu husude aambi neende obwiihalo bwa Nasaae bw'oluyaali, eyiri embabaasi. Eyo niyo yi huchia ohuchia ohukwiirwa esisa, haandi hunyoole ehabi y'ohutuhoonya, buli lu huba nihudaha obuhoonyi.

Ohubwiihulirwa 2:10

Otatya daawe, esiindu syoosi sy'ochia ohusaandisibwamo. Tekeeresa! Sitaani achia ohuhuteema, naaba nanyalire ohuta abaandi hweeng'we mu jeela, mani ebidinyu by'eng'we bibeeo hu siha sy'endaalo ehumi. Mube abeesikwa yi ndi, kata neende nibiri mbwe muchia ohwiitwa sa, mani mba njia ohubaberesa obulamu koti omusaara kw'ohuyiingira.

Ohubwiihulirwa 2:13

“‘Ese manyire bulai bweene yi wamenya, eyo bweene yi Sitaani yehala hu sisaala sy'obutuki. Oli owadyeeri mweene yi ndi, haandi haba siwalehana neende efukiirira yao mweese kata niwali mu siha si Atipa, omuloli waange mweesikwa, niyeeterwa ebweene eyo yi Sitaani yamenya.