Danieli 5:4 - EBBAIBBO EMBOOSI YA NASAAE

⁴ Mani nibang'wa amalwa, nibafumia banasaae baholwa mu saabbu neende mu feesa, ab'ebihomo, neende ab'ebichuma, ab'emisaala, neende ab'amakina.

Danieli 5:4 Iomraidhean Croise

1 Abatuki 1:49

Mani abakeni ba Adonija baatya muno, boosi nibasiingira nibeema nibeweerao, buli otula n'adiira engira yae hu bwae.

Yisaaya 42:17

Abo boosi abeesika ebiloongaloongwe bibaache, abo ababoolera ebiloongaloongwe biitaanye bati, ‘Niing'we banasaae beefwe.’ Bahakaluswe enyuma mani badiirwa esoni.”

Yisaaya 42:8

“Niise Omwaami syeeng'ene, Nasaae wao. Yibulayo nasaae wuundi ofukiirirwa ohukabanaho hu luyaali lwaange, haandi efuma yaange haba siyibereswaho esifwaanani sibaache sa.

Danieli 1:8

Nae Danieli n'aheengao ohutalya ebyohulya bilai by'omutuki, oba ohung'wa amalwa omutuki kayang'wechaanga, n'atadaha ohulya ebyohulya by'omusiro. Mani sakira, yasaba omuhuluundu w'abalaawe amukwiire esisa ahaye ohuhola ebitamuhoyera.

Danieli 4:37

Bulaanu ese, Nebukadineesa, fumia haandi nginia haandi njisa oluyaali mu Omwaami w'ekulu. Olwohuba buli sy'ahola siluungifu haandi syadyeeri; haandi aloongoyasa buli muundu yehuduumbasa.

Danieli 5:23

Nae ewe weninisiirye hu Omwaami wo muukulu; mani nibaleeta mu moni wao ebikoombe bibatusa mu nyuumba ya Nasaae, mani ewe, neende abaami bao, neende abahasi bao, neende abahasi b'erwaanyi bao, mani nimubeng'eramo amalwa. Mani noofumia banasaae b'efeesa neende esaabbu, b'omugasa, neende ab'echuma, neende ab'emisaala, neende ab'amakina, abatabona oba bamanya, nae Nasaae oyo oli neende obunyala hu bulamu bwao, haandi ohuliinda mu biindu byoosi, haba somudeebaho daawe.

Danieli 5:3

Mani nibaleeta ebikoombe eby'esaabbu neende eby'efeesa bi bali nibatusire mu nyuumba ya Nasaae eyomu Yerusalemu. Mani omutuki neende abaami bae, neende abahasi bae, neende abahasi b'erwaanyi bae nibabing'weeramo.

Danieli 5:5

Abweene-na-abweene ao enjala ch'omuhono kw'omuundu chaboneha nichaandiika hu sida sy'edooho ly'omutuki, esitingalaane neende esiteeni sy'etaala. Mani omutuki n'abona omuhono koti lu kwaandiika.

Amosi 6:7

Mani sakira niing'we abahataangire ohuchia mu bwiiruhiro. Mani ebidyaalo byeeng'we bibasaangaasa byahaakame.”

Habbakuuku 2:19

Ewe wamala ohudiba! Mbwe ewe ochaaka otye ohulomalomeraanga esichihi sa mbwe oti, “Ewe siingira!” Oba hu situundu sy'ekina sa mbwe oti, “Ewe siingira!” Mani esiloongwaloongwe si nyala ohuhubwiihulira esiindu syoosi, kose? Si nyala ohuba nisyawomwaho efeesa, oba esaabbu, nae sibulamo obulamu bwoosi daawe.

Ebiholwa 17:29

Mani koti lu huli abaana ba Nasaae, huhoyere obutabaasa huti, efwaani yae yiri koti efeesa, oba esibya simesamesana, oba koti ekina, ebiindu bitula mu mbaasa y'ohukeraania, neende embasirisa ch'abaandu sa.