Danieli 5:11 - EBBAIBBO EMBOOSI YA NASAAE

¹¹ Aliwo omusaacha mu bwaami bwao olimo mwooyo wa banasaae boolerefu. Mu ndaalo cha laatao, cha ohubona eyale, ohumanya neende amakesi, koti amakesi ka banasaae, byanyoolehana mu musaacha wuno, mani Omutuki Nebukadineesa, laatao, yamuhola ohuba omuhuluundu w'abalakusi, ab'amayia, Abakalidaaya, abahiingi neende abasomera eby'eng'iniing'ini.

Danieli 5:11 Iomraidhean Croise

Ohuchaaka 41:38

Mani omutuki wa Misiri yaboolera abahalaabani bae ati, “Hunyala hwakaana omuundu oli koti wuno, oli neende Mwooyo wa Nasaae?”

2 Samueli 14:17

Omweene njichire mani ndeboolera endi, esisuubise syao, ewe omuhuluundu, sichia ohunyala ohuumonia, olwohuba omutuki aba sa koti malaika wa Nasaae mweene, mani anyala yaakabuhania esilai neende esyonoono. Mani Omwaami Nasaae wao ahoya yaaba naawe!”

Esekeeli 28:3

Obaasa oti oli omukesi ohuhira Danieli; mani sibulao esyaama sibanyala ohuhukisa.

Esekeeli 28:4

Amakesi kao neende ohumanya hwao byahoonyera obuyiinda; weebihira esaabbu neende efeesa mu bibiihiro byao.

Danieli 1:4

Yali owohudoola abaraaga abataaliho embala hu mibiri kyaabwe, ababoneha bulai, abakesi, haandi abaangu b'ohweekesa, haandi abanyala ohuhalaabanira mu dooho ly'omutuki. Asupenaasi yahuutirwa ohubeekesa ohusoma, ohwandiika neende ohulomaloma olulimi lw'Abakaludaaya.

Danieli 2:11

Ewe omutuki, esiindu sy'oli ohudaha, sidinyu nisyo, abulao omuundu onyala ohusihuboolera, ohutusaho banasaae, haandi banasaae haba sibamenya alala naafwe.”

Danieli 2:22

Niye obwiihula eby'engiso neende eby'amayia; amanyire ebiri mu siirima, haandi obulafu bwamwebodoohania.

Danieli 4:18

“Sino nisyo esilooto si ese omutuki Nebukadineesa ndaloota. Mani ewe, Bbelitesaasa, mboolere amahuluundu kasyo, olwohuba abakeraki b'amakesi bomu bwaami bwaange boosi, bibahaire ohumboolera amahuluundu kasyo, nae ewe onyala, olwohuba mwooyo wa banasaae boolerefu ohulimo.”

Danieli 4:5

Mani ndoota esilooto syandiisa muno. Neende ebyo byoosi ebyeecha mu bibaaso byaange, neende ebyo ebyambonehera, byandeeyendeheresa muno.”

Danieli 4:6

Mani sakira ndatusa elako endi abakeraki b'amakesi bomu Bbabbilooni boosi beeche mani baamboolere amahuluundu k'esilooto esyo.

Danieli 5:14

Ndawulira endi Mwooyo wa Nasaae Mwoolerefu ahulimo, haandi koti obona eyale muno haandi omanyire muno, haandi oli neende amakesi k'aakulu muno.

Danieli 5:7

Mani omutuki n'ahubba embuungu ati baleete abalakusi, Abakalidaaya, neende abahiingi, neende abasomera eby'eng'iniing'ini. Mani omutuki n'aboolera abakeraki b'amakesi bomu Bbabbilooni ati: “Oyo onasome esyandiiko sino, haandi yatuumbula amahuluundu kasyo, achia ohufwaaswa ebyefwaalo by'abachweenufu, haandi abe neende olunyolo lw'esaabbu mu kosi, haandi anabereswa edaara lyohudatu ely'obutuki mu bwaami.”

Ebiholwa 12:22

Abaandu behuuma nibaboola bati, “Ekono elyo lya nasaae, nae haba sily'omuundu sa!”

Ebiholwa 14:11

Mani esidiiyiha nisyabona esiindu si Paulo yali naaholere, baniinia amakono kaabwe aakulu nibaboola mu lulimi Kulikawonia bati, “Mbao banasaae hane batwihiire nibafwaana koti abaandu!”

Ebiholwa 16:16

Nihwali nihuli ohuchia abuundu wohulaamiramo Nasaae, hwabukaanana neende omuhaana muhalaabani wuundi owali naaliho esihyeeno sy'ohulakula, mani yali niyafunisa abahoongo bae ebiindu biingi mu mulimo kw'ohulakula okwo.

Ohubwiihulirwa 3:9

Mani tekeerese! Omukaanda kwa Sitaani okwo, ababacha abo abelaanga mbwe Bayudaaya nibo nihane sibali batyo, njia ohubahola beeche mani basigame aasi mu makulu keeng'we. Boosi bachia ohubonera elalira bati hane ese ndabaheera muno.