Danieli 4:7 - EBBAIBBO EMBOOSI YA NASAAE

⁷ Mani abalakusi, neende ab'amayia, neende Abakalidaaya, neende abahiingi, neende abasomera eby'eng'iniing'ini nibeecha, mani nimbaboolera esilooto syaange. Nae abulao owanyala ohumboolera amahuluundu k'esilooto esyo.

Danieli 4:7 Iomraidhean Croise

Ohuchaaka 41:24

Emitwe ky'engaano kyahooha mani nikimira emitwe ky'engaano milai kira kitaanu-na-kibiri. Nae nindaboolera ab'amayia, abulao owanyala ohutuumbulira amahuluundu k'ebilooto ebyo byoosi.”

Ohuchaaka 41:8

Nibwahya, omutuki wa Misiri yali omweyeendeherefu; mani yaatuma balaange ab'amayia bomu syaalo sy'e Misiri neende ab'amakesi boosi. Omutuki wa Misiri yababoolera ebilooto byae ebyo, nae abulao omuundu yeesi mu abo owanyala ohutuumbulira omutuki wa Misiri amahuluundu k'ebilooto ebyo byoosi daawe.

Esabbuli 37:35

Ese ndabonaho omubi n'ahudumbaale, haandi niyeniniisye aakulu koti emiseengese kya Lebbanooni.

Yisaaya 44:25

Niise omalao ebiwuukisa bi banabbi bobubacha bahola, haandi ndabbuungaasa abalakusi. Ese niise onyaasa emboosi ch'abakesi, mani ndaahola ebiindu bi balaanga bati eby'amakesi byaaba eby'obusiru.

Esekeeli 31:3

Bona, njia ohuhukeraania hu museengese kwohu Lugulu lwa Lebbanooni, okw'amasaga maangi haandi okw'esiiniha sihoongo, haandi omuleeyi muno, amasaga k'aakulu kaakwo koola hu bireesi.

Danieli 1:4

Yali owohudoola abaraaga abataaliho embala hu mibiri kyaabwe, ababoneha bulai, abakesi, haandi abaangu b'ohweekesa, haandi abanyala ohuhalaabanira mu dooho ly'omutuki. Asupenaasi yahuutirwa ohubeekesa ohusoma, ohwandiika neende ohulomaloma olulimi lw'Abakaludaaya.

Danieli 2:10

Abakalidaaya nibakobola mu mutuki bati: “Abulao omuundu kata mulala hu syaalo onyala ohuhola esiindu sy'osaba. Olwohuba abulao omutuki yeesi, noomba omutuki w'oluyaali luhoongo muno, owali nasabire ow'amayia wae, oba ow'amaya wae, oba omuhingi wae, esiindu sifwaanana sityo.

Danieli 2:27

Mani Danieli n'akobolamo ati: “Ewe omutuki, esy'engiso sy'osabire, abulao omukeraki w'amakesi onyala ohusihuboolera, oba abalakusi, oba ab'amayia, oba abahiingi, oba abasomera eby'eng'iniing'ini.”

Danieli 2:7

Nabo nibakobolamo ehabi lyohubiri bati: “Ewe omutuki, tuboolere esilooto sy'olootere, naafwe fweesi huchia ohuhuboolera amahuluundu kasyo.”

Danieli 3:8

Mani sakira, mu biha ebyo Abakalidaaya baandi embaliha yabadiira mani nibasitaka Abayudaaya omusaango.

Danieli 4:18

“Sino nisyo esilooto si ese omutuki Nebukadineesa ndaloota. Mani ewe, Bbelitesaasa, mboolere amahuluundu kasyo, olwohuba abakeraki b'amakesi bomu bwaami bwaange boosi, bibahaire ohumboolera amahuluundu kasyo, nae ewe onyala, olwohuba mwooyo wa banasaae boolerefu ohulimo.”

Danieli 5:7

Mani omutuki n'ahubba embuungu ati baleete abalakusi, Abakalidaaya, neende abahiingi, neende abasomera eby'eng'iniing'ini. Mani omutuki n'aboolera abakeraki b'amakesi bomu Bbabbilooni ati: “Oyo onasome esyandiiko sino, haandi yatuumbula amahuluundu kasyo, achia ohufwaaswa ebyefwaalo by'abachweenufu, haandi abe neende olunyolo lw'esaabbu mu kosi, haandi anabereswa edaara lyohudatu ely'obutuki mu bwaami.”

Danieli 5:8

Ao mani abakeraki b'amakesi b'omutuki nibeengira, nae haba sibanyala ohusoma esyandiiko oba ohutuumbulira omutuki amahuluundu kasyo.