Danieli 4:34 - EBBAIBBO EMBOOSI YA NASAAE

³⁴ Ebiha ebyo nibyawa, ese Nebukadineesa, nitingaala aakulu, mani amakesi nikaangobolamo, mani ndeebasa Oyo ow'Aakulu Muno, mani niimufumia haandi nimwiisamo oluyaali, Oyo Oyiindira endaalo choosi; olwohuba obutuki bwae, butuki bw'endaalo choosi, haandi obwaami bwae, buyiindira endaalo choosi;

Danieli 4:34 Iomraidhean Croise

2 Samueli 22:31

Nasaae wuno, ebiholwa byae nga biichufu, emboosi chae nga ch'ohweesika! Oyo ali koti engabo eyiri abo boosi abakoonya obuliindi bwae.

1 Ebyomubiha 29:10

Ao Omutuki Daudi mani naakinia Omwaami mu moni w'abaandu bebuusire alala abo, n'aboola ati, “Ewe Omwaami Nasaae wa Yakobbo kuuka yeefwe, ofumisibwe endaalo choosi pe.

1 Ebyomubiha 29:13

Mani bulaanu, ewe Nasaae weefwe, hu huubbira otyo muno, haandi hufumia eliita lyao ly'oluyaali.

Yobbu 1:21

Yobbu yaboola ati, “Ndatula mu nda ya maama ni ndi syeekenye, haandi ndahakoboleo ni ndi syeekenye; Omwaami niye owamberesa, haandi Omwaami niye obukuule; leha eliita ly'Omwaami likinisibwe.”

Esabbuli 10:16

Omwaami niye omutuki w'endaalo choosi; haandi ebyaalo bichia ohusihirira ohutula mu syaalo syae.

Esabbuli 102:24

“Ewe Nasaae waange, otaandusao nisisiiri ohukofula, ewe oliwo haandi oyiindira endaalo choosi!”

Esabbuli 107:15

Bulaanu lehe beebase Omwaami, hulw'obuheeri bwae, neende hulw'ebiindu biwukisa byaaholera abaandu.

Esabbuli 107:22

Mani lehe bayaane ebiyaanwa byohu mweebasa, haandi beemba enyembo ch'esangaalo nibakinia ebiindu bi Nasaae yabaholera.

Esabbuli 107:31

Mani lehe beebase Omwaami hulw'obuheeri bwae, haandi neende hulw'ebiindu biwukisa bi yaholera abaandu.

Esabbuli 107:8

Lehe beebase Omwaami, olwohuba obuheeri bwae bw'endaalo choosi, neende ebiindu biwukisa bi yaholera abaandu.

Esabbuli 111:7

Buli siindu sy'ahola, mweesikwa haandi w'obwadyeeri; ebilagiro byae haba sibikaluuhana-kaluuhana daawe.

Esabbuli 121:1

Siingisa emoni mani nitingaala hu bigulu. Ndeteeba endi, obuhoonyi bwaange bwahatule yeena?

Esabbuli 123:1

Tingaalire aakulu yooli, ewe Omwaami oli Muukulu.

Esabbuli 145:13

Obutuki bwao bw'endaalo choosi, haandi oli omutuki endaalo choosi pe. Omwaami mweesikwa mu byoosi bi yasuubisa, haandi w'esisa mu biholwa byae byoosi.

Esabbuli 146:10

Omwaami anatukaanga endaalo choosi. Ewe Siyooni, Nasaae wao anatukaanga endaalo choosi. Kinie Omwaami!

Esabbuli 50:14

Eng'we, yaneenge eyiri Nasaae esiyaanwa sy'ohweebasa, haandi mutuungeenge obweyamo bweeng'we eyiri oyo ow'Aakulu Muno;

Esabbuli 66:7

oyo otukira obunyala endaalo choosi, oyo yi moni chae chatingaala ebyaalo byoosi lehe abajeemu bahaye ohwehuduumbasaanga.

Esabbuli 7:17

Nae njia ohweebasa Omwaami hulw'obuluungifu bwae, haandi ohweemba efuma y'eliita ly'Omwaami, ow'Aakulu Muno.

Esabbuli 9:2

Njia ohusangaala haandi hweefumisiryemo, njia ohweemba efuma y'eliita lyao, Ewe Ow'Akulu Muno.

Esabbuli 92:1

Ewe Omwaami, silai ohuhweebasaanga, neende ohweemba nihufumia, ewe Nasaae w'Aakulu Muno.

Yisaaya 13:11

Omwaami aboola ati, “Njia ohuleeta amasira hu syaalo hulw'ebyonoono byasyo, haandi njia ohusaandya abaandu hulw'ebyonoono byaabwe. Njia ohwaakamya ohwesuunga hw'abaandu beehuduumbasa, haandi njia ohuloongoyasa buli muundu owehuduumbasa mani yatiisa-tiisa abaasye.

Yisaaya 2:11

Oludaalo luchia ohwoola, lu ohwehudumba hw'abaandu huchia ohumalwao, haandi esuunga y'abaandu yichia ohuloongoyaswa; mani Omwaami yeeng'ene niye owahakinisibwe hu ludaalo olwo.

Yisaaya 24:15

Mani sakira, eng'we abali ebukwe, mwiise oluyaali mu Omwaami; abo abali aambi neende enyaanja, mukinie Omwaami Nasaae wa Yisiraeli.

Yeremia 10:10

Nae Omwaami, niye Nasaae waadyeeri. Niye Nasaae mulamu haandi Omutuki w'endaalo choosi.

Amaliro 3:38

Hasibe esilai oba esibi, sibaao oyo oli Aakulu Muno n'amalire ohusifukiirira.

Danieli 12:7

Ao mani omusaacha oyo owefwaalire engubo ndafu, haandi owali niyeemere aakulu w'amaachi k'omwaalo, n'asiingisa aakulu amahono kae koombi, ndawulira niyeechuba eyiri Oyo Oluwo endaalo choosi. Mani nimbulira n'aboola ati, chiriba emyaaka kidatu neende esituundu. Ohwiitwa hw'abaandu ba Nasaae nihwahawe, mani ebiindu bino byoosi nibyaakama.

Danieli 2:44

Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.

Danieli 4:2

Mbweene endi silai nisyo ohubeekesa obulolero neende eby'amayia bi Nasaae w'Aakulu Muno bi yaaholera.”

Danieli 4:26

Haandi koti lu ahulagiire ohulehao esisina neende emisi ch'omusaala okwo, obwaami bwao buchia ohuhukoboserwa, niwahamale ohumanya oti Ekulu nilyo elituka.

Danieli 4:3

Obulolero bwae buhoongo, eby'amayia bae by'amaani! Obwaami bwae bw'endaalo choosi, haandi obutuki bwae haba sibwohwakama daawe.

Danieli 4:32

mani ochia ohwiiruswa otuswe mu baandu, mani ochia ohumenyaanga neende ebisolo byomu siino; haandi ochia ohulichaanga obunyaasi koti endaawu, ohumala embaka y'emyaaka kitaanu-na-kibiri, ohwoola lu wahamanye oti Oyo ow'Aakulu Muno niye otuka obwaami bw'abaandu haandi abuberesa oyo yeesi yaadaha.”

Danieli 4:36

Ebiha byeene ebyo, ni amakesi kaangobolamo; neende oluyaali lwaange lw'obutuki, neende obuhuluundu, neende efuma yaange, nibiingobolera”. Ababeresi b'amakesi baange, neende abaami baange nibaangoonya, nibaangobosao hu bwaami bwaange, mani obuhunuufu bwaange nibwemeedaho muno ohuhiraho koti lu bwali hale.

Danieli 5:18

Ewe omutuki, Nasaae w'Aakulu Muno yaberesa Nebukadineesa, laatao obutuki neende obwaami, neende oluyaali, neende obuhuluundu.

Danieli 5:21

Mani niyeeruswa ohutula mu baandu, mani ebibaaso byae nibiba koti eby'esolo, mani n'amenyaanga alala neende esuhiri chomu siino mani n'alichaanga obunyaasi koti endaawu, mani omubiri kwae nikudoswa neende olume lwomu kulu; ohwoola lu yamanya ati, Nasaae w'Aakulu Muno niye otuka obwaami bw'abaandu, haandi niye obuberesa oyo yeesi y'adaha.

Danieli 6:26

Ndaao elako endi, mu bwaami bwaange bwoosi, abaandu boosi baticheenge haandi beseenge oluyaali mu Nasaae wa Danieli. Olwohuba Oyo niye Nasaae mulamu, oyiindira endaalo choosi; obwaami bwae haba sibwahasihirirwe daawe, haandi obunyala bwae haba sibwahakame daawe.

Danieli 7:14

Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Danieli 7:27

Mani Obwaami neende obunyala neende oluyaali lw'obutuki bwoosi obuli hu syaalo bwahabereswe aboolerefu b'Oyo ow'Aakulu Muno. Mani obutuki bwaabwe buliba obw'endaalo choosi, haandi ab'obunyala boosi bahamuhalaabanire haandi bamuwulira.

Danieli 9:14

Mani sakira Omwaami ali omwetekefu ohutukwiisaho amasira kano; olwohuba Omwaami Nasaae weefwe muluungifu niye mu biindu byoosi bi ahola, nae efwe haba sihuwulira ekono lyae.

Yona 1:14

Sakira nibalirira Omwaami nibaboola bati, “Huhwekweeda, ewe Omwaami, otaleha hwaafwa olwohuba obulamu bw'omusacha wuuno, haandi otatwoolobya olwohwiidisa amabaanga kataaliho omusaango. Ewe Omwaami, ohole esiindu sihusangaasa.”

Mika 4:7

Abalema njia ohubahola bae abo Abaluwonamo; haandi abo abali nibasukunwa, njia ohubahola esyaalo sy'amaani. Mani njia ohubatukiraanga hu Lugulu lwa Siyooni, ohutula esiha sino neende endaalo choosi pe.

Luka 1:33

haandi achia ohutuka enyuumba ya Yakobbo, emyaaka choosi; mani obutuki bwae sibuchia huwaao.”

Luka 18:13

Nae omutoosa w'emisolo yeema eyale, n'atanyala kata ohusiingisa emoni chae yalingaala Muukulu, yachaaka ohw'ehubba mu sirifu n'aboola ati, ‘Nasaae, ngwiire esisa, ese omuhola-mbi!’

Yowaana 5:26

Olwohuba koti lu Laatang'ene ali enjaako y'obulamu, mu ngeri nasilala eyo, yaberesa Omwaana wae obunyala bw'enjaako y'obulamu.

Amalako Kohubiri 32:4

“Omwaami niye omukayi weeng'we w'amaani; bi ahola byoosi biluungifu. Nasaae mweesikwa niye, haandi muhoyerwa, ahola ebyadyeeri haandi ebilai.

1 Timoteo 1:17

Eyiri Omutuki w'endaalo choosi, otafwa, otabonehana, Nasaae mulala yeeng'ene, afumisibwe haandi abereswe oluyaali endaalo choosi. Amiina.

1 Timoteo 6:16

Oyo yeeng'ene oli neende obutaakama haandi owamenya mu bulafu butanyala ohusudibwaho, Oyo yi muundu yeesi ataabonaho; otanyala ohubonwa daawe. Oluyaali lwoosi lube nae, neende obutuki butaakama. Amiina.

Ohubwiihulirwa 10:6

mani niyeeyamira mu liita lya Nasaae, olibaao omulamu endaalo choosi pe, owaloonga Ekulu neende esyaalo, haandi neende enyaanja, neende buli siindu syoosi sibirimo. Malaika oyo yemao yaboola ati haba saacha hubaao ohwekoyaania haandi!

Ohubwiihulirwa 11:15

Bulaanu, malaika wa hataanu-na-habiri yesi yoobba eturumbete yae, mani amakono mahoongo muno kabaao Muukulu akaboola kati, “Obunyala bw'ohutuka esyaalo syoosi bulaanu buli neende Omwaami weefwe, alala neende Kristo wae, mani achia ohutuka endaalo choosi pe!”

Ohubwiihulirwa 4:10

abahuluundu amahumi kabiri-na-bane bala bakwa aasi mu moni w'oyo owihaale hu sisaala sy'obutuki, nibamwiinamira, oyo ochia ohubaao endaalo choosi. Basukuna ekofia chaabwe ch'obutuki aasi mu moni w'esisaala sy'obutuki esyo nibaboola bati,

Ohubwiihulirwa 4:9

Ebiloonge bilamu bine ebyo, byeemba enyembo ch'oluyaali, esitiibwa alala neende ohweebasaanga, nibyeembera oyo owihaale hu sisaala sy'obutuki, olibaao omulamu endaalo choosi. Nae nibiri ohuholaanga bityo,