Danieli 4:3 - EBBAIBBO EMBOOSI YA NASAAE

³ Obulolero bwae buhoongo, eby'amayia bae by'amaani! Obwaami bwae bw'endaalo choosi, haandi obutuki bwae haba sibwohwakama daawe.

Danieli 4:3 Iomraidhean Croise

Yobbu 25:2

“Nasaae niye oli neende obunyala bw'ohutuka neende otiisa; aleeta omuleembe mu bwaami bwae bwo muukulu aakulu.

Esabbuli 104:24

Ewe Omwaami, ohola ebiindu biingi muno! Byosi-byoosi wabihola neende amakesi maangi; esyaalo syeechulamo ebiloonge byao.

Esabbuli 105:27

Bahola ebiindu bihunuufu bya Nasaae haandi bahola eby'amayia mu Misiri.

Esabbuli 145:13

Obutuki bwao bw'endaalo choosi, haandi oli omutuki endaalo choosi pe. Omwaami mweesikwa mu byoosi bi yasuubisa, haandi w'esisa mu biholwa byae byoosi.

Esabbuli 66:7

oyo otukira obunyala endaalo choosi, oyo yi moni chae chatingaala ebyaalo byoosi lehe abajeemu bahaye ohwehuduumbasaanga.

Esabbuli 72:18

Omwaami ahoya yaaba neende ehabi, Nasaae wa Yisiraeli oyo, oyo oholaanga ebiindu biwukisa.

Esabbuli 77:19

Walima engira mu nyaanja, emihoosi kyao ohubita mu maachi maangi; nae yi wabita abulao owabonao.

Esabbuli 86:10

Olwohuba ewe niiwe omuhunuufu haandi ohola ebiindu biwukisa, ewe weeng'ene niiwe Nasaae.

Esabbuli 92:5

Ewe Omwaami, ebiindu bi wahola bihunuufu nibyo! Ebibaaso byao bituhira ohumanya.

Yisaaya 25:1

Ewe Omwaami, niiwe Nasaae waange; njia ohuhufumia, njia ohufumia eliita lyao; olwohuba oholere eby'amayia ebyo biwatekeha ohutula hale, byadyeeri haandi by'elalira.

Yisaaya 28:29

Kano makesi kosi katula eyiri Omwaami w'Obunyala; niye otekeha eby'amakesi byoong'ene, haandi buli ludaalo amakesi kae mabiitirifu.

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Yeremia 10:10

Nae Omwaami, niye Nasaae waadyeeri. Niye Nasaae mulamu haandi Omutuki w'endaalo choosi.

Danieli 2:2

Ao omutuki Nebukadineesa n'atuma balaange abalakusi bae, ab'amayia bae, neende abahiingi bae neende Abakalidaaya, ohumutuumbulira esilooto syae. Beecha beeyekesa eyiri omutuki.

Danieli 2:44

Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 7:14

Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Danieli 7:27

Mani Obwaami neende obunyala neende oluyaali lw'obutuki bwoosi obuli hu syaalo bwahabereswe aboolerefu b'Oyo ow'Aakulu Muno. Mani obutuki bwaabwe buliba obw'endaalo choosi, haandi ab'obunyala boosi bahamuhalaabanire haandi bamuwulira.

Abarooma 11:33

Obuyiinda bwa Nasaae nga buungi muno! Amakesi kae neende ohumanya hwae nga bibitiirifu! Wiina mweene onyala ohutotola eheengao yae? Wiina mweene onyala ohumanya engira chae?

Amalako Kohubiri 4:34

Oba aluwo hooho nasaae yeesi owali naateemereho ohuchia mani yeebukulira omweene esyaalo ohutula mu byaalo biindi niyehoonyera ebiteemo, ebiwuukisa neende eby'amaani maangi neende amaye, neende omuhono kw'amaani neende ebitiisa koti lu Omwaami Nasaae weeng'we yabaholera mu Misiri nimubona?

1 Timoteo 1:17

Eyiri Omutuki w'endaalo choosi, otafwa, otabonehana, Nasaae mulala yeeng'ene, afumisibwe haandi abereswe oluyaali endaalo choosi. Amiina.

Abaibburania 1:8

Nae ebidiira hu Mwaana, Nasaae yaboola ati, “Obwaami bwao, Ewe Nasaae, bw'endaalo choosi, otuka abaandu neende obwadyeeri.

Abaibburania 2:4

Haandi Nasaae yesi yeecha yameeda ohwomiisa emboosi eyo naahola obulolero neende ebiwuukisa alala neende eby'amayia bitaali nasilala, haandi naakaba ebiyaanwa koti lu adaha ebiyaanwa bya Mwooyo Mwoolerefu.

1 Petero 4:11

Omuundu yeesi oweekesa Emboosi ya Nasaae, ahoyere ohuyeekesa koti Emboosi ya Nasaae yeene; omuundu yeesi ohola emirimo ahole neende amaani ka Nasaae yamuberesa, mani hu mu buli siindu syoosi Nasaae anyoole efuma ohubitira mu Yesu Kristo, yi luyaali neende amaani bibe ebyae endaalo choosi. Amiina.

Ohubwiihulirwa 11:15

Bulaanu, malaika wa hataanu-na-habiri yesi yoobba eturumbete yae, mani amakono mahoongo muno kabaao Muukulu akaboola kati, “Obunyala bw'ohutuka esyaalo syoosi bulaanu buli neende Omwaami weefwe, alala neende Kristo wae, mani achia ohutuka endaalo choosi pe!”