Danieli 4:27 - EBBAIBBO EMBOOSI YA NASAAE

²⁷ Mani sakira, ewe omutuki, fukiirira ohukeraka hwaange; mu bweyaango bw'ebyonoono bi obeere n'ohola, hola ebiluungifu, yakama ebyonoono byao mani wekese esisa eyiri abo abafwiinyirirwa, mani awuundi onyala ohumeeda ohuba obulai.”

Danieli 4:27 Iomraidhean Croise

Ohuchaaka 11:4

Baboola bati, “Lehe hweyoombahire abeene esiko neende omunaara muleeyi okwoola muukulu, mani hweholere eliita abeene, hu huhae ohusalaanira hu syaalo syoosi.”

1 Abatuki 21:29

“Ewe omalire ohwehaliirisa koti lu Ahabbu yeloongoyaase mu moni waange? Mani koti lwaanyalire ohweehola atyo, haba siinjia humuleetera amasira daawe n'asisiiri omulamu; huchia ohubaao mu biha by'abaana bae, niinjia ohuleeta amasira hu daala ly'Ahabbu lyoosi.”

Esabbuli 119:46

Njia ohulaangirira amalako kao eyiri abatuki haba siinjia hudiirwa esoni daawe.

Engaado 11:2

Ohwehuduumbasa huleeta ohudiirwa esoni; nae obuloonga nibwo amakesi.

Engaado 16:6

Ohuba ow'esisa neende obwadyeeri nibyo ebileheramo ebyonoono, haandi mu hutya Omwaami nihwo ohutusa omuundu mu bubi.

Engaado 28:13

Oyo okisa ebibi bi yahola haba saacha huba bulai, nae oyo obituumbula mani yabisyuula achia ohukwiirwa esisa.

Yisaaya 10:13

Olwohuba aboola ati: “Esyo ndasihola neende amaani kaange, haandi neende amakesi kaange, olwohuba ndi omukesi-kesi. Ndamalao enjaho ch'ebyaalo, haandi ndayaaya emyaandu kyaabyo. Koti esurusi y'amaani, ndatusao abo abali nibehaale hu bisaala by'obutuki.

Yisaaya 47:10

Wasangaaliraanga mu ohuholaanga bubi hwao, noboola oti, “Abulao owuumbona.” Amakesi kao neende ohumanya hwao byahudoondobania mani n'obaasa mu mwooyo kwao oti, “Niise, haandi kata abulao owuundi.”

Yisaaya 47:8

“Bulaanu tekeeresa bino, ewe owaheera ebisangaasa byoong'ene, owihale noheengereho, mani noboola mu mwooyo kwao oti, ‘Niise, haandi abulao owuundi ohutusaho ese sa; haba siinjia huba koti omuhasi mufwiirwe daawe kata sa ndaamanya koti ohufwiirwa abaana huchuuna.’

Yeremia 29:7

Nae muloondekane neende obulai bw'esiko sindabatumamo mu buwaambe. Mani musabe Omwaami aberese esiko esyo ehabi.

Yeremia 38:20

Yeremia n'amukobolamo ati, Haba soochia hweyaanayo eyiri abo daawe. Hwekweeda bulaanu owulire ekono ly'Omwaami mu ebyo bi huboolera, mani ochia ohuba bulai, haandi owonie obulamu bwao.

Esekeeli 18:7

Haba safwiinyirira omuundu yeesi, nae akobosera omweeyoli esiindu sy'aaba n'amweyosereho. Haba simuliichaki daawe. Aberesa ebyohulya abo ababula nabyo, neende abo ababula esy'ohwefwaala, ababeresa ebyefwaalo.

Esekeeli 29:3

Lomaloma oboolere omutuki wa Misiri oti, Omwaami Nasaae aboola ati: Bona, Ese ndi omusuku wao, ewe omutuki wa Misiri omutuki wa Misiri, ewe egweena lilambaalaanga akatikaati w'emitaro kyao, oboole oti, ‘Omwaalo kwa Naili kwaange nikwo; haandi niise owakweholera.’”

Esekeeli 29:9

Esyaalo sy'e Misiri syahadoong'e esihaya koti ekuunda. Ao niwo yibahamanyire bati Niise Omwaami. “Olwohuba waboola oti, ‘Omwaalo kwa Naili kwaange nikwo, haandi niise owakweeholera.’

Yoeli 2:14

Wiina omanyire Omwaami n'atakaluuhaanie ebibaaso byae mani yeyolobya, mani yaleha n'ababereese ehabi, mani nimuba neende ekesa liingi, nimuyaanira Omwaami Nasaae weeng'we ebiyaanwa by'emere neende ebyohung'wa.

Amosi 6:13

Mweehoya hulw'ohuwaamba esiko sya Lodebbari, haandi mweefumia nimuboola muti: “Abeene hwenyoleere neende amaani keefwe mani hwawaamba esiko sya Karinaimu hulw'amaani keefwe.”

Yona 3:9

Awuundi Nasaae anyala ohwefunaka yaakwa omwooyo, mani hwahaya ohusihiriswa!”

Habbakuuku 1:11

Mani beeya bwiiya nibechiira koti omuyaka, mani ni bahamyuuhao, abasaacha bano abeesika amaani kaabwe koti nasaae waabwe.”

Sefania 2:15

Mani esyo nisyo esichia ohukwa hu siko sy'epaahira mu maani kasyo nisibaasa siti siribaao endaalo choosi. Abaandu basyo babaasa mbwe bati esiko syaabwe esyo nisyo esihiramo obuhunuufu mu syaalo syoosi. Nga syaheehole abuundu w'esaando, abuundu yi bisolo biteende bicha ohuwuluuhiraanga! Buli muundu ochia ohubiritiraangao achia ohwehunaanga n'akoboleraho mu luteengo.

Matayo 3:8

Mani muhoyere muhole ebiholwa byeekesa biti mumalire ohwefunakira elalira ebyonoono byeeng'we.

Luka 11:41

Nae muyaanire abamanani ebiindu biri mukati w'esikoombe neende w'olusaani, mani abweene ao buli siindu syeeng'we sichia ohuba esilafu syeene.

Ebiholwa 24:25

Mani koti lu yali naali ohulomalomaanga hu bwaakanirisi neende ohweetuka omweene, neende ohuheengerwa omusaango ohuchia ohubaao hale, Felikisi yeecha yaatya mani yaboola ati, “Tula yi ndi ano; nindaba ni ndi neende ebiha biindi, njia ohuhulaanga wiiche.”

Ebiholwa 26:20

nae ndachaakira hu huyaalira abo abali nibamenya mu Damasiko, mani ndalondyaho abali mu Yerusalemu, haandi ndalondyaho esyaalo syoosi esya Yudea, haandi neende eyiri abaandu Bateende bosi, endi bahoyere beeyolobye mani bamale bakaluuhane eyiri Nasaae, mani bamale banyale ohuhola ebiholwa bichiana neende ohweyolobya hwaabwe.

Ebiholwa 8:22

Weyolobye mu buhyaamu bwao buno, omale olaame eyiri Omwaami oti nisiba nisinyalihana, esichiiririrwa siri mu mwooyo kwao okwo sihoyere ohuhuleherwamo.

2 Abakoriito 5:11

Mani sakira, nihuba nihumanyire ohutya Omwaami, hu serera abaandu; nae esyo abeene si huli simanyihaane neende Nasaae, haandi suubira endi syosi syamanyihana mu bibaaso byeeng'we.

Abagalatia 5:13

Olwohuba eng'we basyaange, mwalaangirwa obulehuule; ohutusaho mbwe mutachia haandi mwachaaka ohwehoonyera obulehuule obwo koti ehabi y'ohuhola bi obwekoombi bw'omubiri bubayiika muhole, nae ohubitira mu buheeri, muhoyere mwehole abahalaabani b'abasyeeng'we.

Abagalatia 5:22

Nae esyaamo sya Mwooyo, ni ebiindu koti, obuheeri, esangaalo, omuleembe, ohwesimiirisa, esisa, obulai, obweesikwa,

Abagalatia 5:6

Olwohuba mu Kristo Yesu, oba ohuhebwa oba obutahebwa, haba sisiri neende obuhoonyi bwoosi, nae efukiirira niyo eyihola niyibitira mu buheeri.

Abaefeso 4:28

Lehe omwiibi yeesi ahaye ohuchiiririra ohwiiba, nae leha ahole emirimo, naahola omulimo kw'obwadyeeri neende amahono kae omweene, hu yeemeo anyale ohukabaho abo abali neende obumanani.

Amalako Kohubiri 24:13

Mumukobosereenge engoloobe anyala ohulyebwiiha esiro, niliri ebburungeete, mani ahusabira ehabi. Sino sinaabecheenge esiindu siluungifu mu moni w'Omwaami Nasaae weeng'we.

Amalako Kohubiri 32:27

Nae haba sindanyala ohuleha abasuku baabwe beepaaha, nibaboola bati: Hulw'obunyala bw'amaani keefwe hwabayiingira, nae Omwaami siniye oholere sino.’

Amalako Kohubiri 8:17

Mweliinde mani muhaye ohubaasa mu myooyo kyeeng'we muti, ‘Obunyala bweefwe neende amaani keefwe nibyo ebitunyaliire ohunyoola obuyiinda buno.’

1 Petero 4:8

Nae esihira byoosi, muheeraneenge neende obuheeri bwadyeeri, olwohuba obuheeri bubwiiha hu bibi biingi.