Danieli 4:17 - EBBAIBBO EMBOOSI YA NASAAE

¹⁷ Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 4:17 Iomraidhean Croise

1 Abatuki 21:25

(Yabulayo omuundu yeesi owali niyeyaanirayo elalira ohuholanga ebiindu bitahoyera mu moni w'Omwaami koti lu Ahabbu yali nga buli situla syatuliraanga huhuyiika hwa Yesebbeeli omuhasi wae.

2 Ebyomubiha 28:22

Ebidinyu byae nibyabitiirira, omusaacha oyo Ahasi yonoona mu moni w'Omwaami muno ohuhiraana.

Esabbuli 103:19

Omwaami yata obwiihalo bwae bwomiifu Muukulu, haandi obwaami bwae bwoola buli abuundu.

Esabbuli 12:8

Ababi batweebodoohaanie haandi buli muundu akinia ebiholwa bibi.

Esabbuli 9:16

Omwaami amalire ohweyekesa omweene, amalire ohuheenga omusaango; ababi baandiire mu bihole byaabwe abeene.

Ohutula 9:16

Nae ni ohudaha sa ohuhweekesa obunyala bwaange, sakira ndahuleha sa endi obeeo omulamu hu efuma yaange yinyale ohutabaala esyaalo syoosi.

Yisaaya 6:3

Mani abaseraafi bali nibabooleranaanga bati: “Omwoolerefu, Omwoolerefu, Omwoolerefu, niye Omwaami w'Obunyala; esyaalo syoosi sichuule oluyaali lwae.”

Yisaaya 6:8

Mani ndawulira ekono ly'Omwaami niliboola liti, “Wiina mweene yindaatume, haandi wiina onaabe wamwaanda weefwe?” Mani ese nimboola endi, “Ese mbano ndi ano! Ndume.”

Esekeeli 25:17

Njia ohubasaandya neende obwaalaba buungi, mani ndetuungire hu syaalo syaabwe. Olwo nilwo lu bahamanyire bati, Niise Omwaami, nindahetuungire hu syaalo syaabwe.”

Esekeeli 7:24

Njia ohuleeta esyaalo sihiramo obubi mani bayire amadaala kaabwe. Njia ohwaakamya ohuhweehuduumbasa hw'abalwaani baabwe, haandi abuundu waabwe wohwiinamiramo achia ohunyaaswa.

Danieli 11:21

Oyo ofwaanana koti omuundu niyemeeda ohulomaloma naange n'aboola ati: “Mu bweyango sy'omutuki oyo, mwahakobolemo omuundu otahoyera ohuba omutuki.” Oyo yaheechie ataali ohulabula mani n'anyoola obutuki niyehoonyera obukodyo.

Danieli 2:21

Niye okaluuhania ebiha neende endaalo; niye otusaho abatuki haandi niye otaao abatuki; niye oberesa abakesi amakesi neende ohumanya eyiri abo abamanyire.”

Danieli 4:2

Mbweene endi silai nisyo ohubeekesa obulolero neende eby'amayia bi Nasaae w'Aakulu Muno bi yaaholera.”

Danieli 4:25

Ochia ohwiiruswa otule mu baandu, mani ochia ohumenyaanga alala neende ebisolo byomu siino; ochia ohulichaanga obunyaasi koti endaawu, haandi ochia ohudoswaanga neende olume lutula muukulu, ohumala embaka y'emyaaka kitaanu-na-kibiri. Ohwoola lu wahamanye oti Oyo ow'Aakulu Muno niye otuka obwaami bw'abaandu, haandi niye obuberesa oyo yeesi yaaba naadaha.

Danieli 7:25

Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Abarooma 13:1

Buli omuundu ahoyere ohuwulira abatuki b'esyaalo, olwohuba bubulao obunyala bw'obutuki bwoosi obutatula eyiri Nasaae, haandi abatuki baliwo boosi Nasaae niye owabataao.

1 Abakoriito 1:28

Nasaae yadoola esyo esiri esy'aasi haandi esirekereswa mu syaalo, kata neende ebiindi byali nibitaali ebiindu, ohuchalaasira elalira ebiindu byali nibiri ebiindu byeene,

1 Timoteo 5:21

Mu moni wa Nasaae, neende mu wa Kristo Yesu, neende mu wa bamalaika badoole, hwekweeda olondeenge amakerako kano ataali ohutya oba ohukwiira omuundu yeesi mu buli siindu syoosi sy'ohola.

Ohubwiihulirwa 4:8

Buli silala hu biloonge bine bira, syali neende embaya chisaasaba, haandi nichabwiihwaho neende emoni, erwaanyi neende mukati wacho. Esideete neende esiro, haba sibyaleheraangaho ohweemba biti, “Omwoolerefu, omwoolerefu, omwoolerefu, niye Omwaami Nasaae w'Obunyala bwoosi, owaliwo, oliwo, haandi ow'ohubaao.”

1 Samueli 2:8

Asiingisa abamanani naabatusa mu lufu haandi yaaniinia abali mu ngisa yaabatusa mu ngisa yaabwe. Abahola bakeendera alala neende abaana b'abatuki haandi yabata mu bwiihalo bw'oluyaali. Olwaalo lw'esyaalo lwosi lw'Omwaami; ohwo nihwo hu yoombahira esyaalo.