Danieli 4:13 - EBBAIBBO EMBOOSI YA NASAAE

¹³ Ebyambonehera nindeyaliise mu sitaanda syaange, nimwo mundaboneherwa wamwaanda mwoolerefu, niyeeha n'atula muukulu.

Danieli 4:13 Iomraidhean Croise

Yobbu 12:24

Nasaae niye omala amakesi mu batuki bohu syaalo, mani yakera bang'aabana mu siparara, omubula engira.

Esabbuli 103:20

Eng'we bamalaika bae, fumie Omwaami, eng'we abahunuufu abahola by'adaha, abawulira emboosi yae!

Esabbuli 89:7

Otiibwa muluhiiho lw'aboolerefu, otiibwa muno neende abahwebodoohaanie boosi.

Danieli 4:10

“Ebyambonehera nindali nindeyaliise hu sitaanda byali biti; ndatingaala, mani niimbona omusaala nikuli akatikaati w'esyaalo; omusaala okwo kwali omuleeyi muno.”

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 4:23

Nae koti omutuki lu wabona wamwaanda mwoolerefu mweene, niyeeha aasi n'atula muukulu mani n'aboola ati, “Temao omusaala mani okusihirise, nae oleheo esisina neende emisi chakwo mu loba, n'oboyereho esichuma neende esihomo ohusyebodoohania, mu muboka; mani olehe olume lutula muukulu ludose omuundu oyo; haandi leha amenyeenge neende ebisolo byoomu siino, ohumala embaka y'emyaaka kitaanu-na-kibiri.”

Danieli 4:5

Mani ndoota esilooto syandiisa muno. Neende ebyo byoosi ebyeecha mu bibaaso byaange, neende ebyo ebyambonehera, byandeeyendeheresa muno.”

Danieli 7:1

Mu mwaaka kutaangira okw'obutuki bw'omutuki Bbelisasa, omutuki wa Bbabbilooni, ese Danieli nindoota esilooto mani ndaaboneherwa mu siro esyo, nindeyaliise mu sitaanda syaange. Mani ninyaandiika esilooto esyo, mani ninganiaaya ebiindu bi ndabona.

Danieli 7:17

Mani n'aboola ati: “Ebisolo bihoongo bine ebyo, nibo abatuki bane abahabeeo hu syaalo.

Danieli 7:23

Mani Oyo Owaliwo Endaalo choosi naamboolera amahuluundu kasyo ati: Esisolo syohune, bwahabeeo obutuki bwohune hu syaalo, obwahakabuhane hu butuki buundi bwoosi, haandi bwahalye esyaalo syoosi, mani bwasiseenakira, haandi bwasifunakafunakamo mu bituundu-tuundu.

Danieli 8:13

Ao mani nimbulira omwoolerefu mulala naalomaloma; haandi omwoolerefu wuundi naalomaloma neende owali n'alomaloome n'ateeba ati: “Esyo esiimboneheere esidiira hu esiyaanwa sisaambwa buli ludaalo, syahabeeo ohwoola liina? Haandi esyonoono sinyaasa esyaliwo ohutula hale, syahabeeo ohwoola liina? Haandi ekulu neende Onyuumba ya Nasaae, byahaseenakirwe ohwoola liina?”

Sekaria 14:5

Mani eng'we muchia ohweyibira mu hooho lyeene lino elikabuhaniamo olugulu luno mu mahabi kabiri. Mwesi muchia ohweyiruhira koti sa lu bakuuka yeeng'we bahola lu ohuteengereha hw'esyaalo hwahabeeo mu ndaalo cha Omutuki Wusia owa Yuda. Omwaami Nasaae waange achia ohwiicha, niyeecha neende bamalaika boosi nibali alala nae.

Matayo 25:31

“Mani Omwaana w'Omuundu naalikobolera mu luyaali lwae, alala neende bamalaika bae boosi, nilwo lu achia ohwiihalira hu sisala sy'obutuki syae syooluyaali.

Mariko 1:24

“Ewe Yesu wa Nasareeti, onaatuhole otye? Wiichire ohutusihirisa? Huhumanyire, niiwe Omwoolerefu mweene wa Nasaae.”

Luka 4:34

“Eee, Onaatuhole otye, ewe Yesu wa Nasareeti? Wichire ohutusihirisa? Ese humanyire, niiwe Omwoolerefu mweene wa Nasaae.”

Amalako Kohubiri 33:2

Yaboola ati, “Omwaami yatula hu lugulu lwa Sinai, n'asiingira koti elyuuba n'atulira Seyiri, mani n'ahosa naali hu lugulu lwa Parani, naali alala neende aboolerefu elifu ehumi. Yahosa neende omuliro kwaaduha nikumuli hu muhono kwae muluungi.

Yuda 1:14

Enoka, omwiichuhulu wa Adamu wa tiiri mu luse lwohutaanu-na-habiri, yabalomalomaho n'aboola ati, “Bone, Omwaami yeecha neende abaandu bae boolerefu elifu neende elifu,

Ohubwiihulirwa 14:10

baba abeene abo abachia ohung'wa haandi hu malwa ka Nasaae mweene, amalwa k'etima lyae, kayamala ohuchuha neende amaani kae koosi, mu sikoombe sy'obunyoolefu bwae! Abo boosi abahola sino batyo, bachia ohusaandisirwa mu muliro haandi neende mu maratutu, mu moni wa bamalaika boolerefu neende Ekoondi doto.