Danieli 4:1 - EBBAIBBO EMBOOSI YA NASAAE

¹ Chino nicho emboosi chi mutuki Nebukadineesa yatumira abaandu b'oluyia lwoosi, abomu byaalo byoosi, neende ab'enimi choosi, abali mu syaalo syoosi, n'aboola ati: “Omuleembe kwemeede ohusalaana mweeng'we.

Danieli 4:1 Iomraidhean Croise

1 Ebyomubiha 12:18

Mani Mwooyo wa Nasaae yeecha yaniina mulala hu baandu beene abo, olaangwa Amasai, luunyuma oweecha yaaba omuhoongo wa “Amahumi Kadatu”, bala mani yahuumula lukali ati, “Ewe Daudi, omwaana wa Yese, efwe huli abao beene! Ehabi yibe eyiri ewe neende eyiri abo boosi abahuhoonya! Nasaae ali hu lwaande lwao.” Daudi yeemao yabasangaalira, yaabahola ohuba abahoongo mu ye lyae.

Esira 4:17

Omutuki wuno nae yakoblamo ati “Eyiri Rehumu, omutuki, eyiri Simisai, omwandiiki w'esyaalo sino, haandi neende eyiri abasyaabwe abamenya mu Samaria haandi neende mu situundu sidoong'ereo esy'Emuumbo wa Ewufuraate, amaheeso.

Esira 5:7

“Eyiri Omutuki Dario, ohoya waatuka neende omuleembe.”

Esita 3:12

Mani hu ludaalo lw'ehumi-na-hadatu, olw'omwoosi okwo, Hamani yachia mani n'alaaliha abaandiiki boosi ab'omutuki oyo mani n'abalomalomera esilaango esyo sikaluhanisibwe mu buli lulimi, neende engeri y'ohwandiika yoosi eyehoonyerwaanga mu bwaami obwo, mani nisiyirirwa buli mwiimirisi, gafana, neende omuhoongo yeesi. Syatuswa mu liita ly'Omutuki Ahasuera mani ni syuubbwaho neende omuhuuri kwae kweene.

Esita 8:9

Sino syakwaao hu ludaalo lw'amahumi kabiri-na-chidatu ech'omwoosi kwohudatu, omwoosi kulaangwa kuti Sifaani. Modekai yalaanga abaandiiki b'omutuki, mani n'ababoolera eby'ohwandiika mu bbarwa chichiira Abayudaaya neende bagafana, abaami, alala neende abahoongo abali mu bituundu emia ndala neende amahumi kabiri neende bitaanu-na-bibiri (127) eby'esyaalo esyo, ohutulira Ebuyiindi, ohwoolera elalira Etiopia. Ebbarwa chino chandiikwa ohuchia mu buli situundu sy'esyaalo esyomu buli lulimi lw'esituundu esyo, neende enyandiika y'esituundu esyo, eyiri Abayudaaya mu lulimi lwaabwe neende enyandiika yaabwe.

Danieli 3:29

Sakira, ndi ohutaao elako endi, abaandu b'olya lwoosi, neende abomu byaalo byoosi, neende ab'olulimi lwoosi, abanalomalomeenge bubi hu Nasaae wa Sadiraka, Mesaka, neende Abbedineego, banaamuteme-temeengemo, mani amadaala kaabwe keholeenge amakuunda. Olwohuba abulao nasaae wuundi onyala mu ngeri yino.”

Danieli 3:4

Mani oyo olagira n'alagira mu kono ly'aakulu n'aboola ati: “Eng'we, abaandu ab'oluyia lwoosi, neende abomu byaalo byoosi, neende ab'enimi choosi muhuutirwa muti,

Danieli 6:25

Mani omutuki Dario niyandiikira abaandu b'oluyia lwoosi, neende abomu byaalo byoosi, neende ab'enimi choosi, abali hu syaalo syoosi ati: “Omuleembe kwemeede ohuba naang'we.”

Danieli 6:27

Awonia haandi yaabina, ohola ebiwuukisa neende eby'amayia muukulu neende hu syaalo, niye owoniisye Danieli ohwiitwa neende edalang'i.

Danieli 7:14

Owafwaanana koti omwaana w'omuundu oyo, mani nibamuba obunyala neende oluyaali, neende obutuki, hu baandu b'oluyia lwoosi, neende abomu byaalo byoosi, neende ab'enimi choosi banyale ohumuhalaabanira. Obunyala bwae, bunyala bw'endaalo choosi, obutahakame daawe, haandi obutuki bwae obwo haba si bwohusihiriswa daawe.

Sekaria 8:23

Mu ndaalo cheene echio, abaandu bateende ehumi abalaamba bachia ohwebuungaanga hu muundu Muyudaaya mulala nibaboola bati, ‘Efwe hudaha hukabaneho hu musaara kweeng'we, olwohuba huwuliire huti Nasaae ali naang'we.’ ”

Ebiholwa 2:6

Nibawulira ekono lino, bebuusa alala, bawuka muno, olwohuba buli muundu hu bo yawuliraanga abatume nibalomalomera mu lulimi lwae lweene.

Abarooma 1:7

Eng'we mweesi abaheerwa ba Nasaae abali Rooma, haandi abalaangwa ohuba aboolerefu bae: Lehe Nasaae Seefwe, neende Omwaami Yesu Kristo bababerese embabaasi neende omuleembe.

Abaefeso 1:2

Embabaasi neende omuleembe bitula eyiri Nasaae Seefwe neende Omwaami Yesu Kristo bibe naang'we.

1 Timoteo 1:2

Ohuchiira Timoteo, omwaana waange w'elalira mu fukiirira. Lehe embabaasi neende esisa, alala neende omuleembe kutula eyiri Nasaae Seefwe neende Kristo Yesu Omwaami weefwe bibe naang'we.

1 Petero 1:2

Mwadoolwa neende esichiiririrwa si Nasaae Seefwe mweene yamanyira elalira ati, Mwooyo Mwoolerefu abahole mube aboolerefu, hu munyale ohuwulira Yesu Kristo mani aboose neende amabaanga kae. Lehe embabaasi neende omuleembe bibe ebyeeng'we mu bwiichufu.