Danieli 3:7 - EBBAIBBO EMBOOSI YA NASAAE

⁷ Mani sakira, abaandu ab'oluyia lwoosi, neende abomu byaalo byoosi, neende ab'enimi choosi nibawuliraanga ekono ly'olwiika, amalere, aduungu, ebidiingidi neende obuhana nibihubbwa, neende buli sihubba syoosi nisihubbwa, bakwiichaanga aasi mani nibeenamira esifwaanani si mutuki Nebukadineesa yali n'ateereo.

Danieli 3:7 Iomraidhean Croise

Yeremia 51:7

Bbabbilooni syali koti esikoombe sy'esaabbu mu mahono k'Omwaami, esyamesaanga esyaalo syoosi. Ebyaalo byang'wechaanga amalwa kasyo sakira byalaluhaanga.

Danieli 2:46

Ao mani omutuki Nebukadineesa nagunama aasi, naata obweeni bwae hu loba, mani niyeesa oluyaali mu Danieli. Mani n'alagira ati bayaanire Danieli ebiyaanwa, haandi bamunioohesere obubbaani.

Danieli 3:10

Ewe omutuki, wataao elako oti, buli onawulireenge ekono ly'olwiika, amalere, aduungu, endiingidi, neende obuhana nibihubbwa, neende buli sihubba nisihubbwa, anaakwiicheenge aasi mani yeenamire esifwaanani sy'esaabbu.

Danieli 3:4

Mani oyo olagira n'alagira mu kono ly'aakulu n'aboola ati: “Eng'we, abaandu ab'oluyia lwoosi, neende abomu byaalo byoosi, neende ab'enimi choosi muhuutirwa muti,

Danieli 3:5

nimunawulireenge olwiika, amalere, aduungu, ebidiingidi, obuhana, nibuhubbwa, neende buli sihubba syoosi nisihubbwa, muli aboohukwa aasi mani mwenamira esifwaanani sy'esaabbu si mutuki Nebukadineesa ateereo.

Danieli 3:6

Mani oyo yeesi onahayeenge ohukwa aasi mani yeenamira esifwaanani, mu siha syeene esyo, achia ohusukunwa mu tanuuru lyaaduha omuliro.”

Danieli 3:8

Mani sakira, mu biha ebyo Abakalidaaya baandi embaliha yabadiira mani nibasitaka Abayudaaya omusaango.

Ebiholwa 14:16

Mu njibulo chabitao, yakanya ebyaalo byoosi ohukeenderaanga mu ngira chaabwe abeene;

1 Yowaana 5:19

Humanyire huti huli abaandu ba Nasaae, haandi esyaalo syoosi siri mu bunyala bw'omusuku Sitaani.

Ohubwiihulirwa 12:9

Esisyuuhira-banaabi sihoongo muno esyo, syeecha syasukunibwa ohutula Muukulu-owali niye endemo hale yira, owali n'alaangwa mbwe Sitaani, oba Sitaani, owabachirisa esyaalo syoosi. Yeecha yaasukunwa yaakwa hu syaalo, alala neende bamalaika bae boosi.

Ohubwiihulirwa 13:14

Mani sya anyala ohubachirisa abaandu boosi bali nibamenya hu syaalo huno, nisyehoonyera eby'amayia biingi bi syali nisyafukiirirwa ohuholaanga mu moni w'esisolo syataangira sira. Esisolo esyo syaboolera abaandu abo siti, ohwiisa oluyaali mu sisolo syataangira sira, bahoyere ohuhola esifwaanani sifwaanana neende esisolo syanyaalwa neende olugaanga nae kata katyo syaanyala ohuwona syabaao esilamu.

Ohubwiihulirwa 13:3

Omutwe mulala kw'esisolo esyo, kwali nikubonehana koti okwali nikunyaalirwe bubi muno, nae ekoonjo elyo lyali nilimalire ohuwona. Esyaalo syoosi syesiinduha muno, mani syaamala syaloonda esolo eyo.

Ohubwiihulirwa 13:8

Abaandu boosi abamenya hu syaalo huno bachia ohusiinamiraanga, ohutusaho abo ba meeta kaabwe kamala ohwandiikwa, kata neende ohuloongwa hw'esyaalo nihutabaao, mu sitabo sy'abaandu balamu, esy'Ekoondi doto lyeetwa.

Ohubwiihulirwa 17:8

Esisolo esyo, syaliho esilamu hale, nae haba sisisisiiri esilamu daawe. Siri aambi ohutula mu kotero, mani simale sichiire elalira mu husihiriswa. Mani abaandu bamenya hu syaalo huno, ba meeta kaabwe katandiikwa ohuloongwa hw'esyaalo nihutabaao, mu sitabo sy'abalamu, boosi bachia ohwesiinduha muno nibalingaala hu sisolo esyo. Esisolo esyo syaliho esilamu hale. Nae bulaanu haba sisisisiiri esilamu daawe, nae sichia ohubonehana haandi.

Ohubwiihulirwa 19:20

Esisolo esyo syayaambwa syayiriwa nisiri esiboye, alala neende abanabbi babacha abali nibaholaanga eby'amayia mu moni wae. (Olwohuba yehoonyeraanga ebiholwa by'amaya ebyo ohubachirisa abo abali nibaliho esilolero sy'esisolo esyo, neende abo abali nibeenamiraanga esifwaanani sy'esisolo syeene esyo.) Esisolo esyo syeecha syasukunibwa nisiri esilamu, alala neende omunabbi mubacha wula yesi naali omulamu mu nyaanja y'omuliro, eyaadusirwa maratutu.