Danieli 3:18 - EBBAIBBO EMBOOSI YA NASAAE

¹⁸ Nae kata n'atatuwonia, ewe omutuki, simanye oti, haba sihuchia huhalaabanira banasaae bao, oba ohwiinamira esifwaanani sy'esaabbu syoteereo.”

Danieli 3:18 Iomraidhean Croise

1 Abatuki 19:14

Nae yakobolamo ati, “Omwaami Nasaae ow'Obunyala bwoosi, ese huhalaabaniraanga buli olubeerera niiwe weeng'ene sa. Nae abaandu ba Yisiraeli bamala ohuhalaka endagaano yaabwe naawe, haandi balikula alutaari chao choosi, haandi beeta abanabbi bao boosi. Ese syeeng'ene niise odoong'ereo, haandi mbano bali ohungiiya ohuunjita syeesi.”

1 Abatuki 19:18

Kata katyo njia ohulehao abaandu bayera elifu chitaanu-na-chibiri (7,000) ohuba abalamu mu Yisiraeli yoosi ayakiriire, abo boosi abanjisamo oluyaali haandi abatenamiraho Bbaali haandi kata sa ohukwa mu sirifu sy'esiloongwaloongwe syae syoosi.”

Yobbu 13:15

Bone, achia ohuunjita; haba si ndi neende esuubi; nae njia ohweeosaho mu moni wae.

Engaado 28:1

Abahola-mbi beeruha naabulao omuundu oboongaho, nae abaluungifu bagumu koti edalang'i.

Danieli 3:28

Mani Nebukadineesa n'aboola ati: “Nasaae wa Sadiraka, Mesaka, neende Abbedineego akinisibwe, Oyo otumire malaika wae mani yawonia abahalaabani bae baandi, abamweesika, mani nibayiingania elako lyaange, ese omutuki, mani nibafukiirira ohuwaayo emibiri kyaabwe bahaye ohwiinamira nasaae wuundi yeesi, ohutusaho Nasaae waabwe mweene.

Esy'Abaleefi 19:4

“Mutanjwaang'aanga mani muchia mwenamiraanga ebiloongaloongwe daawe; muteeholeraangaho banasaae b'ebichuma mani mumala mubeenamiraanga daawe. Ese niise Omwaami, Nasaae weeng'we.”

Matayo 10:28

Haandi mutatichaanga abo abeeta sa omubiri nae baahaywa ohwiita obulamu; ohumalaho muticheenge oyo onyala ohusihirisira obulamu neende omubiri, mu nyaanja y'omuliro kutasima.

Matayo 10:39

Omuundu yeesi owuteemaho ohuwonia obulamu bwae hulwae omweene, achia ohubufwiirwa; nae oyo okosya obulamu bwae hulwaange, aba achia ohubuwonia.

Matayo 16:2

Nae Yesu yabakobolamo ati, “Elyuuba nilichia ohukwa, muboolaanga muti, ‘esyaalo mbao sichia ohuba esiyenjeefu, olwohuba ekulu liba lyaahaanye’.

Ebiholwa 4:19

Nae Petero neende Yowaana babakobolamo nibaboola bati, “Eng'we abeene muheengeo si huhoyera ohuhola mu moni wa Nasaae, ohuwulira eby'abaandu oba ohuwulira ebya Nasaae.

Abaibburania 11:25

Musa yasiima ohusaandira alala neende abaandu ba Nasaae, ohuhira ohwesangaasira mu syonoono hulw'embaka ndiidi.

Yosua 24:15

Nae nikali mbwe eng'we haba simudaha ohumuhalaabaniraanga, mani heengeo enyaanga yino oyo yi muba nimucha ohuhalaabaniraanga, oba banasaae ba bakuuka yeeng'we beenamiraanga mu Mesopotamia, oba banasaae b'Abaamoori, abeene eloba li mumenyeremo bulaanu buti. Nae ese hulwaange, neende hulw'edaala lyaange, huchia ohuhalaabaniraanga Omwaami oyo.”

Ohubwiihulirwa 12:11

Abasyeefwe abo mbao bamala ohumuyiingira mu biita nibehoonyera amabaanga k'Ekoondi doto, haandi neende obwadyeeri bu bayalaanga. Haandi bali nibafukiirira ohuwaayo obulamu bwaabwe mani baafwa.