Danieli 3:17 - EBBAIBBO EMBOOSI YA NASAAE

¹⁷ Nihunaba nihusukuunwe mu tanuuru lyaaduha omuliro, Nasaae weefwe yihuhalaabanira, achia ohutuwonia atutuse mu tanuuru lyaaduha omuliro; mani atuwonia ohutula mu bunyala bwao.

Danieli 3:17 Iomraidhean Croise

Ohuchaaka 17:1

Abburamu niyoosa emyaaka amahumi kataanu-na-kane neende kitaanu-na-kine eky'obuhuluundu, Omwaami yamubonehera yamuboolera ati, “Niise Nasaae w'Obunyala. Mbulire mani obe omuluungifu.

Ohuchaaka 18:14

Sibulao esiindu sihaya Omwaami. Koti lu mboolere, embaka y'emyoosi kitaanu-na-kine ohutula buti, njia ohukobola obutakosa, mani Saara achia ohuba neende omwaana musyaani.”

Yobbu 34:29

Nasaae mani n'aheengao ohubuleera, wiina onyala ohumuheengera omusaango ohumuhira? Naheengaho ohweekisa, wiina onyala ohumubona, oba syahaba esyaalo kose omuundu?

Yobbu 5:19

Achia ohuhuwonia mu bidinyu; mani nibuhya, ochia ohubulaho esyonoono syoosi.

Esabbuli 115:3

Nasaae weefwe ali Muukulu; ahola buli siindu sy'adaha.

Esabbuli 37:39

Obuwonia bw'abaandu b'obuhoyera butula eyiri Omwaami; Omwaami niye obwiiruhiro bwaabwe mu biha by'ebidinyu.

Esabbuli 37:40

Omwaami abahoonya haandi abaabina; abaabina ohutula mu mahono k'abahola-mbi, mani yabawonia, olwohuba beeruhira yaali.

Esabbuli 73:20

Abo bali koti esilooto, omuundu naasimuha, naasimuha ati, naamala alekeeresa amaani kaabwe.

Yisaaya 12:2

“Bone, Nasaae niye omuwonia waange; njia ohumweesika, haandi haba siinjia hutya; olwohuba Omwaami NASAAE niye amaani kaange haandi olweembo lwaange, mani niye omuwonia waange.”

Yisaaya 54:14

Obuluungifu buchia ohuhuhola ow'amaani; mani wahawone ohufwiinyirirwa, olwohuba yibulao esichia ohuhutiisaho haandi; amatiichasi haba sikachia husudaho aambi naawe daawe.

Yeremia 1:8

Otabatichaanga daawe, olwohuba njia ohubechaanga naawe ohuhuwonianga. Ese Omwaami, Niise olomaloome.”

Yeremia 15:20

Mani njia ohuhuhola obe koti olukaka lw'esikomo eyiri abaandu bano. Bachia ohuhulwaania, nae haba sibahahuyiingire daawe, olwohuba ndi naawe ohuhuhoonya neende ohuhununula, Omwaami niye oboola.

Yeremia 15:21

“Njia ohuhununula ohutula mu mahono k'abahola-mbi, haandi hwabine ohutula mu bunyala bw'abaandu baalaba.”

Danieli 3:26

Ao mani Nebukadineesa n'asuda aambi neende omulyaangiro k'etanuuru lyaaduha omuliro muno mani naalaanga ati: “Sadiraka, Mesaka, neende Abbedineego, abahalaabani ba Nasaae w'Aakulu Muno, tule erwaanyi, mwiiche ano!” Mani Sadiraka, Mesaka, neende Abbedineego nibatulayo mu muliro.

Danieli 4:35

Abaandu bohu syaalo boosi, ababona koti abataaliwo daawe. Haandi ohola koti lu adaha mu eye lyo muukulu neende mu baandu bohu syaalo. Haandi abulao onyala ohukayira oba ohumuteeba ati, “Ohola siina

Danieli 6:16

Mani omutuki n'alagira, mani nibaleeta Danieli, nibamusukuna mu buko bw'edalang'i. Mani omutuki n'aboolera Danieli ati: “Leha Nasaae wao, oyo y'ohalaabanira buli ludaalo, ahuwonie!”

Danieli 6:23

Mani omutuki n'asangaala muno, n'alagira ati batuse Danieli mu buko. Mani nibatusa Danieli mu buko obwo, mani nibanyoola bati sibulao esyonoono syoosi esyamukwaaho, olwohuba yali niyeesika Nasaae wae.

Danieli 6:27

Awonia haandi yaabina, ohola ebiwuukisa neende eby'amayia muukulu neende hu syaalo, niye owoniisye Danieli ohwiitwa neende edalang'i.

Mika 7:7

Nae ese njia ohutingaalaanga eyiri Omwaami, njia ohuliindaanga Nasaae omuwonia waange. Nasaae waange achia ohuumbulira.

Luka 1:37

Olwohuba, sibulao esiindu syoosi esitanyaliha eyiri Nasaae.”

Ebiholwa 20:24

Nae ese haba simbaliiriraho obulamu bwaange koti obuliho neende engaanga yi ndi ese omweene, ohutusaho lwoong'ene ni mba ninyalire ohwooseresa esichiiririrwa syaange neende obuhalaabani bu mba ndaberesebwa neende Omwaami Yesu, ohuyaala emboosi ndai ey'embabaasi cha Nasaae.

Ebiholwa 21:13

Nae Paulo yakobolamo ati, “Siina syeene sino si muli ohuhola, muli ohulira mundenguuse omwooyo? Olwohuba ese si ndi omwetekefu ohuboywa hwoong'ene, nae kata neende ohufwiira mu Yerusalemu, hulw'eliita ly'Omwaami Yesu.”

Abarooma 8:31

Hunaboole siina hu biindu bino byoosi? Nasaae naali hu lwaande lweefwe, wiina mweene onyala ohutuyiingania?

2 Abakoriito 1:10

yatununula ohututusa mubuchuuni bwiita sa obwo, mani achia ohutununula haandi; hu mweene oyo, nihwo hu huteere esuubi lyeefwe huti achia ohutununula ehabi liindi.

Abaibburania 7:25

Sakira Yesu anyala ohuwonisira elalira baandu bachia eyiri Nasaae nibamubitiramo, olwohuba aliwo omulamu endaalo choosi ohubalaamira eyiri Nasaae endaalo choosi.

1 Samueli 17:37

Omwaami wuno yaamonia ohutula hu madalang'i, neende hu maaka; haandi achia ohuumonia ohutula hu Mufilisiti wuno.” Saulo yaboolera Daudi ati: “Mani chia, Omwaani abe naawe.”

1 Samueli 17:46

Nyaanga yino Omwaami achia ohuhuta mu bunyala bwaange; mani njia ohuhuyiingira haandi hutemeho omutwe. Haandi enyaanga yino, njia ohuberesa amayoni neende ebisolo birye emilaambo ky'ab'eye ly'Abafilisiti. Mani ao niwo yi syaalo syoosi sichia ohumanyira siti mu Yisiraeli mulimo Nasaae.