Danieli 3:1 - EBBAIBBO EMBOOSI YA NASAAE

¹ Omutuki Nebukadineesa mani niyetaanya esifwaanani sy'esaabbu, obuleeyi bwasyo bwali emiita amahumi kabiri neende chitaanu-na-chibiri, nae obutakalafu bwasyo bwali emiita chidatu. Mani n'asita hu sipaapi sya Duura, mu situundu sya Bbabbilooni.

Danieli 3:1 Iomraidhean Croise

1 Abatuki 12:28

Mani luunyuma lw'ohwebaasa haandi, mani yaanyala ohuhola esiloongwaloongwe mu saabbu esy'esurusi njere chibiri, n'aboolera abaandu bae ati, “Eng'we musaandire ebimala ohwechembaanga mu Yerusalemu ohunyala ohwiinamiraanga Omwaami. Eng'we baandu ba Yisiraeli, ngaandi banasaae beeng'we mbano bali ano, bala abanyala ohubatusa mu Misiri!”

Esita 1:1

Mu ndaalo cha Ahasuera, obutuki bwa Ahasuera wuno bwali nibutulira elalira Ebuyiindi ohwoolera elalira Etiopia. Obutuki buno bwalimo aambi w'ebyaalo emia ndala neende amahumi kabiri neende bitaanu-na-bibiri (127).

Esabbuli 135:15

Ebiloongaloongwe byomu byaalo byaholwa mu feesa neende mu saabbu; byaholebwa neende abaandu.

Ohutula 20:23

Muteeholeraanga abeene banasaae b'efeesa, oba ab'esaabbu mbwe mu beenamireenge ni mumeeda hw'ese.

Ohutula 32:31

Musa haandi yakobola eyiri Omwaami mani yaamala yaamuboolera ati, “Abaandu bano baholere esyonoono sibi muno. Baholere nasaae ohutula mu esaabbu, haandi baamwiinamira.

Yisaaya 2:20

Hu ludaalo olwo, abaandu bahasukune eyale ebiloongaloongwe bi beenamiraanga ebiloongaloongwe byaabwe by'efeesa neende eby'esaabbu, bi beene beeholera ohwiinamira, bahabirehere eefuho neende embudombuudo.

Yisaaya 30:22

Mani olwo mwahasihirise ebiloongaloongwe ebyabwiihwaho efeesa neende ebiloongaloongwe ebyabwiihwaho esaabbu. Muchia ohubyetusaho mani mubisukune koti ebiindu bitali ebyoolerefu, nimuboola muti, “Tuweere-eyi!”

Yisaaya 46:6

Sakira abaandu baboolola emifuuko kyaabwe mani nibatusamo esaabbu. Haandi nibapiima efeesa hu misaani, mani nibatuunga omwiitanyi, mani niyetaanyamo nasaae yibeenamira; mani abaandu baakwa aasi abasiinamira.

Yeremia 10:9

Ebifwaanani byaabwe babibwiihaho efeesa nyuhuule ohutula Tarisiisi neende esaabbu yitula Yufasi. Abetaanyi nibo ababihola. Babifwaasa engubo cha papo neende enjahanyu. Ebyo byoosi biholwa neende abanabi b'engubo bamanyirifu.

Yeremia 16:20

Omuundu anyala ohweloongera nasaae? Oyo haba saabanasaae kata nabudiidi.”

Danieli 2:48

Mani omutuki n'aberesa Danieli oluyaali lw'aakulu muno neende ebiyaanwa biingi muno, mani n'amuhola ohuba omuhunuufu muno mu situndu syoosi esya Bbabbilooni, haandi n'amuhola ohuba ohulira abakeraki b'amakesi bomu Bbabbilooni.

Danieli 2:49

Mani Danieli n'asaba omutuki ati adoole Sadiraka, Mesaka, neende Abbedineego mani ababerese obunyala mu butuki bw'esituundu sya Bbabbilooni. Nae Danieli n'adoong'a mu dooho ly'omutuki.

Danieli 3:14

Mani Nebukadineesa n'abateeba ati: “Eng'we, Sadiraka, Mesaka, neende Abbedineego, syadyeeri nisyo mbwe muhayire ohuhalaabanira banasaae baange, oba ohwiinamira esifwaanani sy'esaabbu si ndataao?

Danieli 3:30

Ao mani omutuki n'ahusa Sadiraka, Mesaka, neende Abbedineego, mu situundu sya Bbabbilooni.

Danieli 5:23

Nae ewe weninisiirye hu Omwaami wo muukulu; mani nibaleeta mu moni wao ebikoombe bibatusa mu nyuumba ya Nasaae, mani ewe, neende abaami bao, neende abahasi bao, neende abahasi b'erwaanyi bao, mani nimubeng'eramo amalwa. Mani noofumia banasaae b'efeesa neende esaabbu, b'omugasa, neende ab'echuma, neende ab'emisaala, neende ab'amakina, abatabona oba bamanya, nae Nasaae oyo oli neende obunyala hu bulamu bwao, haandi ohuliinda mu biindu byoosi, haba somudeebaho daawe.

Danieli 5:4

Mani nibang'wa amalwa, nibafumia banasaae baholwa mu saabbu neende mu feesa, ab'ebihomo, neende ab'ebichuma, ab'emisaala, neende ab'amakina.

Hosea 2:8

Haba saachia ohunyala ohwiichulisaho mbwe niise oyo owamubechaangaho emere, amalwa, amafuta k'enaasi, haandi neende efeesa yoosi neende esaabbu yoosi yi yehoonyeraanga mu hwiinamiraanga Bbaali.

Hosea 8:4

“Abaandu baange bano badolaanga abatuki, nae baholaanga batyo abeene koti lu baba nibadaha. Badolaanga hale abeemirisi, nae ataali ohufukiirira hwaange daawe. Babukulaanga hale efeesa yaabwe neende esaabbu yaabwe, mani nibamala nibachiholamo ebiloongaloongwe hulw'ohusihirira hwaabwe abeene.

Habbakuuku 2:19

Ewe wamala ohudiba! Mbwe ewe ochaaka otye ohulomalomeraanga esichihi sa mbwe oti, “Ewe siingira!” Oba hu situundu sy'ekina sa mbwe oti, “Ewe siingira!” Mani esiloongwaloongwe si nyala ohuhubwiihulira esiindu syoosi, kose? Si nyala ohuba nisyawomwaho efeesa, oba esaabbu, nae sibulamo obulamu bwoosi daawe.

Ebiholwa 17:29

Mani koti lu huli abaana ba Nasaae, huhoyere obutabaasa huti, efwaani yae yiri koti efeesa, oba esibya simesamesana, oba koti ekina, ebiindu bitula mu mbaasa y'ohukeraania, neende embasirisa ch'abaandu sa.

Ebiholwa 19:26

Muli ohubona haandi ohuwulira muti haba si mu Efeso mwoong'ene nae mu aambi Asia yoosi, Paulo wuno amalire ohuyingira neende ohukosa omukaanda kw'abaandu muhoongo muno, n'aboolaanga ati, banasaae baholebwa neende amahono haba si banasaae nibo.

Amalako Kohubiri 7:25

Musaambeenge ebifwaanani bya banasaae baabwe. Mutalaluhaniraanga efeesa oba esaabbu yibiriho, haandi mutayibukulaanga, olwohuba esyo sinyala ohubeeholera omuteego. Olwohuba esyo sy'omusiro eyiri Omwaami Nasaae weeng'we.

Ohubwiihulirwa 9:20

Abaandu boosi abali badoong'ereo, abali nibateeterwe neende amalwaae kano, haba sibakaluuhana baatula hu misaambwa. Haandi haba sibaakama ohwiinamiraanga ebiloongaloongwe, oba ebiindu byaholwa mu saabbu, mu feesa, mu mugasa, mu makina, neende mu mbaao, ebiindu bitanyala ohubona, ohuwulira, oba ohukeenda daawe.