Danieli 2:6 - EBBAIBBO EMBOOSI YA NASAAE

⁶ Nae nimumboolera esilooto neende amahuluundu kasyo, njia ohubaberesa ebiyaanwa neende emikabo haandi mbahole mube ab'oluyaali lw'amaani. Mani sakira, mumboolere esilooto neende amahuluundu kasyo.”

Danieli 2:6 Iomraidhean Croise

Danieli 2:48

Mani omutuki n'aberesa Danieli oluyaali lw'aakulu muno neende ebiyaanwa biingi muno, mani n'amuhola ohuba omuhunuufu muno mu situndu syoosi esya Bbabbilooni, haandi n'amuhola ohuba ohulira abakeraki b'amakesi bomu Bbabbilooni.

Danieli 5:29

Ao mani Bbelisasa n'alagira ati bafwaale Danieli ebifwaalo by'abachweenufu, neende olunyolo lw'esaabbu mu kosi, haandi bamulaange ohuba omuhuluundu wohudatu mu bwaami.

Danieli 5:7

Mani omutuki n'ahubba embuungu ati baleete abalakusi, Abakalidaaya, neende abahiingi, neende abasomera eby'eng'iniing'ini. Mani omutuki n'aboolera abakeraki b'amakesi bomu Bbabbilooni ati: “Oyo onasome esyandiiko sino, haandi yatuumbula amahuluundu kasyo, achia ohufwaaswa ebyefwaalo by'abachweenufu, haandi abe neende olunyolo lw'esaabbu mu kosi, haandi anabereswa edaara lyohudatu ely'obutuki mu bwaami.”

Ohubala 22:17

Njia ohuhweebasa lukali muno haandi hole esiindu syoosi sy'ochia ohuboola. Ndeheremo wiiche obwaabe abaandu bano hulwaange.”

Ohubala 22:37

Bbalaki yamuboolera ati, “Lwasiina ewe haba siweecha nindahulaanga olwataangira? Wabaasa oti ese haba siindi neende obunyala bw'ohuhweebasira ebiindu biyera?”

Ohubala 22:7

Kata katyo, omwiimirisi w'Abamoabbu neende owa Abamidia bakiinga bachia neende omutuulu kw'ohutuungira esibwaabo, bachia eyiri Bbalamu, mani baamala baamuberesa ehuwa ohutula hu Bbalaki.

Ohubala 24:11

Mani bulaanu siingira oweeo ochie engo wao! Ndali nisuubiise ohuhutuula, nae hane mbao Omwaami ahuhaire ohunyoola omutuulu okwo.”