Danieli 2:48 - EBBAIBBO EMBOOSI YA NASAAE

⁴⁸ Mani omutuki n'aberesa Danieli oluyaali lw'aakulu muno neende ebiyaanwa biingi muno, mani n'amuhola ohuba omuhunuufu muno mu situndu syoosi esya Bbabbilooni, haandi n'amuhola ohuba ohulira abakeraki b'amakesi bomu Bbabbilooni.

Danieli 2:48 Iomraidhean Croise

2 Samueli 19:32

Bbarisilai wuno yali naali omusaacha omukofu muno, naali emyaaka amahumi kataanu-na-kadatu. Kata katyo omusaacha wuno yali omuyiinda muno mani yali niyanyala ohuleeteraho omutuki ebyohulya koti lu yali naamenyere mu Mahanaimu.

2 Abatuki 5:1

Namani, omuhoongo w'eye ly'omutuki wa Siria, yali omusaacha w'oluyaali, haandi owaheerwa muno neende omwaami wae, olwohuba Namani oyo, Omwaami yakera eye lya Siria lyaanyiingira. Namani yali omusaacha w'amaani muno, nae yali omulwaae w'ebigeenge.

Yobbu 1:3

Yali neende amakoondi elifu chitaanu-na-chibiri (7,000), engamia elifu chidatu (3,000), eng'oombe endaawu emia chitaanu (500), neende esuhiri hasi emia chitaanu (500), neende abahalaabani baangi muno. Omusaacha wuno niye owali ahiramo obuyiinda mu syaalo sy'ebukwe syoosi.

Yeremia 5:5

Njia ohuchia eyiri abahunuufu baabwe nomanome nabo; olwohuba bamanyire bi Omwaami adaha neende bi Nasaae waabwe alagira.” Nae boosi-boosi nasilala bajeemeere Omwaami, baahaya ohuwulira ebilagiro byae.

Danieli 2:6

Nae nimumboolera esilooto neende amahuluundu kasyo, njia ohubaberesa ebiyaanwa neende emikabo haandi mbahole mube ab'oluyaali lw'amaani. Mani sakira, mumboolere esilooto neende amahuluundu kasyo.”

Danieli 3:1

Omutuki Nebukadineesa mani niyetaanya esifwaanani sy'esaabbu, obuleeyi bwasyo bwali emiita amahumi kabiri neende chitaanu-na-chibiri, nae obutakalafu bwasyo bwali emiita chidatu. Mani n'asita hu sipaapi sya Duura, mu situundu sya Bbabbilooni.

Danieli 3:12

Yiruwo Abayudaaya bano ba wadoola ohuhulira esituundu sya Bbabbilooni: Sadiraka, Mesaka, neende Abbedineego. Ewe omutuki, abasaacha bano bahulekeeresa. Haba sibeenamira esifwaanani sy'esaabbu si wataao, oba ohuhalaabanira banasaae bao.”

Danieli 3:30

Ao mani omutuki n'ahusa Sadiraka, Mesaka, neende Abbedineego, mu situundu sya Bbabbilooni.

Danieli 4:6

Mani sakira ndatusa elako endi abakeraki b'amakesi bomu Bbabbilooni boosi beeche mani baamboolere amahuluundu k'esilooto esyo.

Danieli 4:9

“Ewe Bbelitesaasa, omuhuluundu b'abalakusi, manyire endi olimo omusaambwa kwa banasaae boolerefu, haandi sibulao esy'engiso sihuhaya ohumanya.” Bulaanu mboolere esilooto syaange; haandi wumboolere amahuluundu kasyo.

Danieli 5:11

Aliwo omusaacha mu bwaami bwao olimo mwooyo wa banasaae boolerefu. Mu ndaalo cha laatao, cha ohubona eyale, ohumanya neende amakesi, koti amakesi ka banasaae, byanyoolehana mu musaacha wuno, mani Omutuki Nebukadineesa, laatao, yamuhola ohuba omuhuluundu w'abalakusi, ab'amayia, Abakalidaaya, abahiingi neende abasomera eby'eng'iniing'ini.

Danieli 5:16

Nae mbuliire nibahulomalomaho bati onyala ohutuumbula amahuluundu k'eby'engiso neende amahuluundu k'eby'amaya. Bulaanu, n'onanyala ohusoma obwandiike mani wamboolera amahuluundu kaabwo, ochia ohufwaalwa engubo ch'abachweenufu, obe neende olunyolo lw'esaabbu mu kosi, mani obe omuhuluundu wohudatu mu bwaami.”

Danieli 5:29

Ao mani Bbelisasa n'alagira ati bafwaale Danieli ebifwaalo by'abachweenufu, neende olunyolo lw'esaabbu mu kosi, haandi bamulaange ohuba omuhuluundu wohudatu mu bwaami.

Danieli 5:7

Mani omutuki n'ahubba embuungu ati baleete abalakusi, Abakalidaaya, neende abahiingi, neende abasomera eby'eng'iniing'ini. Mani omutuki n'aboolera abakeraki b'amakesi bomu Bbabbilooni ati: “Oyo onasome esyandiiko sino, haandi yatuumbula amahuluundu kasyo, achia ohufwaaswa ebyefwaalo by'abachweenufu, haandi abe neende olunyolo lw'esaabbu mu kosi, haandi anabereswa edaara lyohudatu ely'obutuki mu bwaami.”

Danieli 8:27

Ao mani ese Danieli ningobolamo amaani, mani nindwaala ohumala endaalo ediidi, mani luunyuma nisiingira mani ningobolayo ohuhola emirimo ch'omutuki. Nae ndawukaho sa ebiindu byamboneherwa, mani ndahaya ohubimanya.

Ohubala 24:11

Mani bulaanu siingira oweeo ochie engo wao! Ndali nisuubiise ohuhutuula, nae hane mbao Omwaami ahuhaire ohunyoola omutuulu okwo.”

1 Samueli 17:25

Abaisiraeli baboolanira bati, “Mumuboneho sa! Tekeerese koti lu yehuduumbasa! Omutuki Saulo yasuubisa ohuberesa obuyiinda buungi muno omuundu onamwiite; haandi achia ohumuberesa omuhaana wae amudeehye. Haandi ati haba saachia hukanya edaala lya laatang'ene ohutoyaanga omusolo.”

1 Samueli 2:8

Asiingisa abamanani naabatusa mu lufu haandi yaaniinia abali mu ngisa yaabatusa mu ngisa yaabwe. Abahola bakeendera alala neende abaana b'abatuki haandi yabata mu bwiihalo bw'oluyaali. Olwaalo lw'esyaalo lwosi lw'Omwaami; ohwo nihwo hu yoombahira esyaalo.

1 Samueli 25:2

Luunyuma, Daudi mu yali sichiimi sya Parani. Yaluwo omusaacha wuundi Maoni, ow'enono ya Kalebbu, olaangwa Nabbali. Yali neende eloba aambi neende esiko sya Karimeeli. Omusaacha wuno yali omuyiinda muno; yali neende amakoondi elifu chidatu (3,000), neende embusi chosi elifu ndala (1,000).