Danieli 2:47 - EBBAIBBO EMBOOSI YA NASAAE

⁴⁷ Mani omutuki n'aboolera Danieli ati: “Mubwadyeeri bweene, Nasaae wao niye Nasaae wa banasaae, haandi Omwaami w'abatuki, haandi omubwihuli w'ebyengiso, olwohuba onyalire ohutuumbula esy'engiso sino.”

Danieli 2:47 Iomraidhean Croise

Ohuchaaka 41:39

Omutuki wa Misiri yaboolera Yosefu ati, “Koti Nasaae ahwekeese ebyo byoosi, abulao omuundu wuundi oli neende amakesi koti ewe.

2 Abatuki 5:15

Namani yakobolayo eyiri omuundu wa Nasaae, alala neende omukaanda kw'abaandu boosi ba yali nabo, mani beema mu moni wae, yaboola ati, “Bona, bulaanu manyire endi abulao Nasaae yeesi hu syaalo syoosi, ohutusaho mu Yisiraeli; bulaanu fukiirira esiyaanwa si muhalaabani wao ahuleteere.”

Yobbu 12:19

Abalaamisi abamalamo amakesi, mani yaatusa obunyala hu batuki.

Esabbuli 136:2

Mweebase Nasaae muhunuufu ohira banasaae boosi; olwohuba obuheeri bwae butakaama bw'endaalo choosi.

Esabbuli 136:3

Mweebase oyo Omwaami w'abaami; olwohuba obuheeri bwae butakaama bw'endaalo choosi.

Esabbuli 72:11

Abatuki boosi yi baakiriire, bahoya boola ohumwiinamiraanga, haandi ebyaalo byoosi byoola ohumuhalaabaniraanga!

Esabbuli 82:1

Nasaae niye ohulira oluhiiho lwo Muukulu; niye oheenga emisaango mu banasaae ati,

Esabbuli 96:4

Omwaami muhunuufu niye, haandi ahoyera ohukinisibwa muno, oluyaali lwae luhira olwa banasaae baandi boosi.

Esekeeli 26:7

Olwohuba Omwaami Nasaae aboola ati: “Bona, njia ohuleeta Nebukadineesa, omutuki wa Bbabbilooni, omutuki ahira abatuki boosi amaani, yeechie aseete Tiiro. Yahatule emukulu, yeechie neende eye hoongo muno, yeechie neende efaraasi neende ebigaari, neende abeerusi b'efaraasi.

Danieli 11:36

Mani omutuki w'Asiiria oyo, alihola koti lu adaha. Mani alyefumia haandi yeniinia n'abaasa ati ahira banasaae boosi. Alilomaloma ebitalomwalomwa, n'alekeeresa Nasaae otuka banasaae boosi. Alimeeda ohuhola atyo, ohwoola lu biha by'ohumusaandya byahoole. Olwohuba esyo si Nasaae yatekeha sichia ohwolerera elalira.

Danieli 2:19

Mani esiro esyo, esy'engiso sino nisibonehera Danieli. Mani Danieli n'afumia Nasaae wo muukulu

Danieli 2:22

Niye obwiihula eby'engiso neende eby'amayia; amanyire ebiri mu siirima, haandi obulafu bwamwebodoohania.

Danieli 2:28

Nae yiluwo Nasaae oli muukulu, obwiihula eby'engiso. Mani niye ohwekeese, ewe Omutuki Nebukadineesa, ebiindu bichia ohukwaao mu ndaalo chichiaayo. Esilooto syao, neende bi waboneherwa niweyaliise nibyo bino:

Danieli 2:29

“Ewe omutuki, niwali niweyaliise mu sitaanda syao, waloota ebyahakweeo, haandi Nasaae obwiihula eby'engiso, yahweekesa ebyahakweeo.

Danieli 2:30

Nae ese, esy'engiso sino simbwihuliirwe, ataali mbwe ndi omukesi ohuhiraho abaandu balamu baandi boosi, nae simbwihuliire, hu ewe omutuki, onyale ohumanya amahuluundu k'esilooto syao, haandu omanye ebibaaso byahwiichira mu mutwe kwao.

Danieli 2:37

Ewe, ewe omutuki, omutuki w'abatuki boosi, yi Nasaae wo muukulu yaberesa obutuki, obunyala, neende amaani, neende oluyaali.

Danieli 3:15

Mani bulaanu, nimuli abeetekefu nimuwulira ekono ly'olwiika, amalere, aduungu, ebidiingidi, neende obuhana, neende buli siindu sihubba nisihubbwa, ohukwa aasi mani mwenamira esiloongaloongwe si ndataao, ebiindu binababeere bulai. Nae nimuhaya ohusiinamira, muchia ohusukunwa bwaangu muno mu tanuuru lyaaduha omuliro. Mani hunaaboneho nasaae siina onabawonie ohubatusa mu bunyala bwaange?”

Danieli 3:28

Mani Nebukadineesa n'aboola ati: “Nasaae wa Sadiraka, Mesaka, neende Abbedineego akinisibwe, Oyo otumire malaika wae mani yawonia abahalaabani bae baandi, abamweesika, mani nibayiingania elako lyaange, ese omutuki, mani nibafukiirira ohuwaayo emibiri kyaabwe bahaye ohwiinamira nasaae wuundi yeesi, ohutusaho Nasaae waabwe mweene.

Danieli 3:29

Sakira, ndi ohutaao elako endi, abaandu b'olya lwoosi, neende abomu byaalo byoosi, neende ab'olulimi lwoosi, abanalomalomeenge bubi hu Nasaae wa Sadiraka, Mesaka, neende Abbedineego, banaamuteme-temeengemo, mani amadaala kaabwe keholeenge amakuunda. Olwohuba abulao nasaae wuundi onyala mu ngeri yino.”

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 4:25

Ochia ohwiiruswa otule mu baandu, mani ochia ohumenyaanga alala neende ebisolo byomu siino; ochia ohulichaanga obunyaasi koti endaawu, haandi ochia ohudoswaanga neende olume lutula muukulu, ohumala embaka y'emyaaka kitaanu-na-kibiri. Ohwoola lu wahamanye oti Oyo ow'Aakulu Muno niye otuka obwaami bw'abaandu, haandi niye obuberesa oyo yeesi yaaba naadaha.

Danieli 4:32

mani ochia ohwiiruswa otuswe mu baandu, mani ochia ohumenyaanga neende ebisolo byomu siino; haandi ochia ohulichaanga obunyaasi koti endaawu, ohumala embaka y'emyaaka kitaanu-na-kibiri, ohwoola lu wahamanye oti Oyo ow'Aakulu Muno niye otuka obwaami bw'abaandu haandi abuberesa oyo yeesi yaadaha.”

Danieli 5:11

Aliwo omusaacha mu bwaami bwao olimo mwooyo wa banasaae boolerefu. Mu ndaalo cha laatao, cha ohubona eyale, ohumanya neende amakesi, koti amakesi ka banasaae, byanyoolehana mu musaacha wuno, mani Omutuki Nebukadineesa, laatao, yamuhola ohuba omuhuluundu w'abalakusi, ab'amayia, Abakalidaaya, abahiingi neende abasomera eby'eng'iniing'ini.

Amosi 3:7

Mubwadyeeri bweene, sibulao esiindu si Omwaami Nasaae yahahola nataasifunulira mberi abahalaabani bae, abanabbi.

1 Abakoriito 14:25

eby'omuungiso byomu mwooyo kwae biba bicha ohukisulwa; mani bikere, akwiire aasi obweeni bwae, nalaama Nasaae haandi n'aboola ati hane Nasaae abalimo.

Amalako Kohubiri 10:17

Olwohuba Omwaani Nasaae weeng'we w'oluyaali muno ohuhira banasaae baandi, haandi niye Omwaami w'abatuki boosi. Omwaami muhunuufu niye, w'amaani mweene haandi atiisa muno. Omwaami haba sakwiiraanga omuundu yeesi oba akuliirirwa.

1 Timoteo 6:15

Ohwiicha hwae huno huchia ohwosereswa mu siha sihoyere, neende ow'oluyaali haandi Ow'aakulu bweene, Omutuki w'abatuki boosi haandi Omwaami ow'abaami boosi.

Yosua 22:22

“Ow'Obunyala Bwoosi niye Nasaae! Oyo niye Omwaami! Ow'Obunyala Bwoosi niye Nasaae! Oyo niye Omwaami! Oyo amanyire esikerere efwe hwaahola esiholwa sino, nihaandi efwe fwesi hudaha eng'we mwesi musimanye! Mani nikali mbwe efwe huhayuuhe mani hwaahaya ohuta obweesike bweefwe mu Omwaami, lehe hutemeeda ohuba nihuli abalamu daawe!

Ohubwiihulirwa 1:5

Haandi embabaasi neende omuleembe bitula eyiri Yesu Kristo, omuloli mweesikwa mweene, owataangira ohusyuuhiswa ohutula mu hufwa, haandi omutuki w'abatuki bohu syaalo, bibe naang'we. Yesu Kristo yatuheera, haandi ohweema hu hufwa hwae hw'ohweyaanayo, yatuboolola ohututusa hu bibi by'efwe.

Ohubwiihulirwa 17:14

Abeene bano bachia ohulwaanakania Ekoondi doto, nae Ekoondi doto elyo, alala neende abalaange bae, abadoole bae, haandi neende abaloondi beesikwa bae, bachia ohubayiingira, olwohuba oyo niye Omwaami w'abaami, haandi Omutuki w'abatuki.”

Ohubwiihulirwa 19:16

Hu ganjuula lyae hwali hwandiikwaho eliita mbwe: “Omutuki w'abatuki, haandi Omwaami w'abaami”, neende hu tango lyae.