Danieli 2:45 - EBBAIBBO EMBOOSI YA NASAAE

⁴⁵ Koti sa lu wabona ekina elyeene nilimekuha hu lwaanda lyoong'ene, naabulao omuundu olidiirireho, haandi koti lyafunaka-funaka esichuma neende esihomo, eloba neende efeesa, neende esaabbu. Nasaae w'Obunyala ahweekese ewe omutuki ebiindu byahabeeo mu ndaalo chichiaayo. Huboolere obwadyeeri bweene koti esilooto lu syali, haandi amahuluundu kasyo niko ako, ataali ohukana-kanaho daawe.”

Danieli 2:45 Iomraidhean Croise

Ohuchaaka 41:26

Eng'oombe ndai chitaanu-na-chibiri nicho emyaaka kitaanu-na-kibiri, haandi emitwe ky'engaano milai kitaanu-na-kibiri nikio emyaaka kitaanu-na-kibiri; esilooto silala nisyo.

Ohuchaaka 41:28

Biri koti lu mboolere omutuki wa Misiri endi, Nasaae abwiihuliire omutuki wa Misiri esiindu si ali aambi ohuhola.

Ohuchaaka 41:32

Nae ohuloondakana hw'esilooto sy'omutuki wa Misiri amahabi kabiri syeekesa siti Nasaae amalire ohuheengao ohuhola esiindu, haandi Nasaae ali aambi ohwooseresa abweene esiindu esyo.

2 Samueli 7:22

Nga oli omuhunuufu muno, ewe Omwaami w'Oluyaali lwoosi! Abulao oyo yeesi oli koti ewe; haandi efwe hwali nihwamanya sa ebiha byoosi mbwe ewe niiwe oli Nasaae weeng'ene.

1 Ebyomubiha 16:25

Olwohuba Omwaami muhunuufu niye, haandi ahoyere ohufumisibwa muno. Ahoyere ohwiisibwamo oluyaali, ohuhirira elalira banasaae baandi boosi.

Nehemia 4:14

Ese ndabona endi abaandu bali nibeelalihiriire, mani ndaababoolera alala neende abeemirisi baabwe, neende abahoongo boosi endi, “Eng'we mutatya abasuku beefwe abo daawe. Yichuliseho koti obuhunuufu bw'Omwaami neende amatiichasi kae lu biri, munyale ohulwaanira abeeho beeng'we, abaana beeng'we, abahasi beeng'we, alala neende amadaala keeng'we.”

Nehemia 9:32

“Ewe Nasaae, Nasaae weefwe, nga oli omuhunuufu! Nga oteengiyia, nga oli ow'amaani! Ewe oli omweesikwa owoseresaanga ebisuubise by'Endagaano yao. Otwiichulisira elalira hu biha bi batuki ba Asiria bali batwiihaliraho, kata ohwoolera elalira hu nyaanga yino, hwahasaanda luleeyi! Abatuki beefwe, abeemeresi beefwe, abalaamisi beefwe neende abanabbi beefwe, bakuuka yeefwe, alala neende abaandu beefwe boosi bahasaanda muno. Yichulisaho mani koti lu hwasaanda hutyo!

Yobbu 36:26

Bona, Nasaae koti lu ali ow'amaani, nae haba sihumumanyire; obuungi bw'emyaaka kyae haba sibumanyihana.

Esabbuli 135:5

Manyire endi, Omwaami weefwe muhunuufu niye, muhunuufu ohira banasaae baandi boosi.

Esabbuli 145:3

Omwaami muhunuufu niye haandi akinisibwe muno, olwohuba obuhunuufu bwae haba sibuwaayo daawe.

Esabbuli 2:9

Ochia ohubafunaka neende endawusi y'esichuma, mani obanyoonyobole koti endamu y'omuloongi.

Esabbuli 48:1

Omwaami muhunuufu haandi ahoyerwa ohufumisibwa mu siko sya Nasaae weefwe! Olugulu lwae lwoolerefu,

Esabbuli 96:4

Omwaami muhunuufu niye, haandi ahoyera ohukinisibwa muno, oluyaali lwae luhira olwa banasaae baandi boosi.

Yisaaya 28:16

Sakira Omwaami Nasaae aboola ati, “Bone, ndi ohuyabira mu Siyooni esiiro y'omuse, esiiro yimalire ohuteemwa, esiiro y'omuse kw'engaanga y'aakulu, esiiro yomiisirwe aasi: ‘Oyo ofukiirira haba siyahabe obbibbiirihana daawe.’

Danieli 2:24

Ao mani Danieli naachia eyiri Arioki, yi mutuki yali n'atumire ohusihirisa abakeraki b'amakesi bomu Bbabbilooni, n'amuboolera ati: “Otasihirisa abakeraki b'amakesi bomu Bbabbilooni. Njire eyiri omutuki, mani ese njia ohweekesa omutuki amahuluundu k'esilooto syae.”

Danieli 2:28

Nae yiluwo Nasaae oli muukulu, obwiihula eby'engiso. Mani niye ohwekeese, ewe Omutuki Nebukadineesa, ebiindu bichia ohukwaao mu ndaalo chichiaayo. Esilooto syao, neende bi waboneherwa niweyaliise nibyo bino:

Danieli 2:29

“Ewe omutuki, niwali niweyaliise mu sitaanda syao, waloota ebyahakweeo, haandi Nasaae obwiihula eby'engiso, yahweekesa ebyahakweeo.

Danieli 2:44

Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.

Danieli 8:25

Hulw'obulyaanga bwae, yahahole buli siindu sy'adaha. Yahehuduumbase omweene, mani n'asihirisa abaandu baangi muno. Yahaseete haandi alwaanie Omutuki otuka abatuki boosi. Nae, yahasihiriswe mani abulao omuundu omudiiraho daawe.

Hagai 2:22

mani maleo obwaami bw'ebyaalo. Ndi aambi ohusihirisa obunyali bw'obwaami kaabwo. Njia ohusukuna ebigaari neende abeerusi babyo. Efaraasi neende abeerusi bacho bachia ohukwa aasi, bachia ohwitana abeene-na-beene.

Sekaria 12:3

Mani esiha esyo nisyahoole, ese njia ohuhola Yerusalemu sibe koti ekina esito mani buli syaalo sichia ohuteemaangaho ohulikiinga esyeene sichia ohunyaalihaanga sa esyeene. Ebyaalo biindi byoosi ebyomu syaalo muno bicha ohwambaania alala amaye kabyo mbwe hu binyale ohusiseeta.

Malaki 1:11

Olwohuba ohutula ebukwe ohwoola emuumbo, abaandu boosi baanjisamo oluyaali. Haandi buli abuundu, banioohesa obubbaani haandi bayaana ebiyaanwa byoolerefu. Boosi baanjisamo oluyaali.”

Matayo 21:24

Yesu yabakobolamo ati, “Mulehe syesi mbateebeho esiindu silala mberi, nae ni musiingaluhamo, syesi mba njia ohubaboolera yi ndatusa obunyala bw'ohuhola ebiindu bino.

Matayo 24:35

Ekulu neende esyaalo bichia ohuwaao, nae emboosi chaange haba sichahaweeo daawe.

Luka 17:20

Abafarisaayo nibateeba Yesu lu Bwaami bwa Nasaae bucha ohwiichira, Yesu yakobolamo ati, “Obwaami bwa Nasaae haba sibuchia ohwiicha neende ebilolero buboneha;

Amalako Kohubiri 10:17

Olwohuba Omwaani Nasaae weeng'we w'oluyaali muno ohuhira banasaae baandi, haandi niye Omwaami w'abatuki boosi. Omwaami muhunuufu niye, w'amaani mweene haandi atiisa muno. Omwaami haba sakwiiraanga omuundu yeesi oba akuliirirwa.

Ohubwiihulirwa 1:19

Mani yandiika ebiindu bi obona, ebiindu biriwo bulaanu, neende ebiindu bichia ohuholehana luunyuma.

Ohubwiihulirwa 19:17

Bulaanu ndaabona malaika niyeemere hu lyuuba. Yehuumira mu kono hoongo amayoni koosi akali nikabburuha mu mboo ati, “Mweesi mwiicha mwebuuse alala hu sidyaalo sihunuufu sya Nasaae!

Ohubwiihulirwa 4:1

Abweene ano, haandi ndanyoola ohuboneherwa hundi mani ndaabona olwiiki lwikuuhe Muukulu. Haandi neende ekono elyali nilyuubba koti eturumbete, lindawulira niliimboolera hale liti, “Niina wiiche aakulu ano, mani huhweekese esichia ohubaao luunyuma lwasino.”