Danieli 2:44 - EBBAIBBO EMBOOSI YA NASAAE

⁴⁴ Mani mu ndaalo ch'abatuki, Nasaae wo muukulu yahateeo obutuki butahasihiriswe daawe; haandi obutahayiingirwe neende abaandu baandi daawe. Bwahafunake-funake mani bunyoonyobole obutuki buno bwoosi mani nibusihirisa obutuki buundi bwoosi. Mani obutuki obwo bwahayiindire endaalo choosi.

Danieli 2:44 Iomraidhean Croise

Ohuchaaka 49:10

Yuda niye ochia ohudiraanga endawusi y'obutuki, noomba endawusi y'abatuki ohutula mu makulu kae, ohwoola omweene butuki lu yaheechere; mani oyo niye yi baandu bahawulire.

2 Samueli 7:13

Oyo niye ochia ohuunyoombahira enyuumba yaange, mani njia ohwomiisa endi obutuki bwae obwo buchia ohwemeeda ohubeechaangao endaalo choosi pe.

2 Samueli 7:16

Ewe ochia ohumenya ebiha byoosi nooli neende abeechuhulu, haandi njia ohuhola obwaami bwao bubeeo endaalo choosi pe. Obutuki bwao haba sibuchia ohubaaho neende enjakamo daawe.’ ”

Esabbuli 145:13

Obutuki bwao bw'endaalo choosi, haandi oli omutuki endaalo choosi pe. Omwaami mweesikwa mu byoosi bi yasuubisa, haandi w'esisa mu biholwa byae byoosi.

Yisaaya 60:12

Olwohuba esyaalo neende obwaami ebyahahae ohuhuhalaabanira byahasihiriswe. Ebyaalo ebyo byahasihirisirwe elalira.

Esekeeli 37:25

Banaamenyeenge mu syaalo sya bakuuka yaabwe, esyaalo si ndaberesa omuhalaabani waange Yakobbo. Bahamenyeenge omwo, abeene, neende abaana baabwe, neende abeechuhulu baabwe endaalo choosi pe. Haandi omutuki Daudi, omuhalaabani waange niye onabatukeenge endaalo choosi pe.

Danieli 2:28

Nae yiluwo Nasaae oli muukulu, obwiihula eby'engiso. Mani niye ohwekeese, ewe Omutuki Nebukadineesa, ebiindu bichia ohukwaao mu ndaalo chichiaayo. Esilooto syao, neende bi waboneherwa niweyaliise nibyo bino:

Danieli 2:34

Mani niwali n'ositingaala, ekina hoongo lyalikuha elyeene lyoong'ne ohutula hu lwaanda, n'abulao olidiirireho, mani nilihuya ebisiisiro by'esifwaanani by'ebichuma neende eby'eloba, mani nibinyoonyoboha byoosi.

Danieli 2:35

Mani esyuuma, neende eloba, neende esihomo, neende efeesa, neende esaabbu, byoosi nibifuniha-funihamo mu bituundu-tuundu, mani nibyehola koti omuhuuchi kwohu lwaanyi mu ndaalo ch'esiminyu. Mani omuyaka nikubidumuulira elalira, nisibulao esyadoong'ao kata nabudiidi. Nae ekina hoongo lyahuya esifwaanani esyo, mani nilyehola olugulu luhoongo olwabwiiha hu syaalo syoosi.

Danieli 2:37

Ewe, ewe omutuki, omutuki w'abatuki boosi, yi Nasaae wo muukulu yaberesa obutuki, obunyala, neende amaani, neende oluyaali.

Danieli 2:43

Mani koti lu wabona esichuma syubbaniemo neende eloba, mani abatuki b'obutuki obwo bahateemeho ohwehubbania mu hudeehisania, nae haba sibahomirire alala koti lu esichuma sitanyala ohwehubbaania alala neende eloba.

Danieli 4:3

Obulolero bwae buhoongo, eby'amayia bae by'amaani! Obwaami bwae bw'endaalo choosi, haandi obutuki bwae haba sibwohwakama daawe.

Danieli 4:34

Ebiha ebyo nibyawa, ese Nebukadineesa, nitingaala aakulu, mani amakesi nikaangobolamo, mani ndeebasa Oyo ow'Aakulu Muno, mani niimufumia haandi nimwiisamo oluyaali, Oyo Oyiindira endaalo choosi; olwohuba obutuki bwae, butuki bw'endaalo choosi, haandi obwaami bwae, buyiindira endaalo choosi;

Danieli 6:26

Ndaao elako endi, mu bwaami bwaange bwoosi, abaandu boosi baticheenge haandi beseenge oluyaali mu Nasaae wa Danieli. Olwohuba Oyo niye Nasaae mulamu, oyiindira endaalo choosi; obwaami bwae haba sibwahasihirirwe daawe, haandi obunyala bwae haba sibwahakame daawe.

Danieli 6:27

Awonia haandi yaabina, ohola ebiwuukisa neende eby'amayia muukulu neende hu syaalo, niye owoniisye Danieli ohwiitwa neende edalang'i.

Danieli 7:27

Mani Obwaami neende obunyala neende oluyaali lw'obutuki bwoosi obuli hu syaalo bwahabereswe aboolerefu b'Oyo ow'Aakulu Muno. Mani obutuki bwaabwe buliba obw'endaalo choosi, haandi ab'obunyala boosi bahamuhalaabanire haandi bamuwulira.

Danieli 8:25

Hulw'obulyaanga bwae, yahahole buli siindu sy'adaha. Yahehuduumbase omweene, mani n'asihirisa abaandu baangi muno. Yahaseete haandi alwaanie Omutuki otuka abatuki boosi. Nae, yahasihiriswe mani abulao omuundu omudiiraho daawe.

Mika 4:7

Abalema njia ohubahola bae abo Abaluwonamo; haandi abo abali nibasukunwa, njia ohubahola esyaalo sy'amaani. Mani njia ohubatukiraanga hu Lugulu lwa Siyooni, ohutula esiha sino neende endaalo choosi pe.

Hagai 2:22

mani maleo obwaami bw'ebyaalo. Ndi aambi ohusihirisa obunyali bw'obwaami kaabwo. Njia ohusukuna ebigaari neende abeerusi babyo. Efaraasi neende abeerusi bacho bachia ohukwa aasi, bachia ohwitana abeene-na-beene.

Hagai 2:7

Mani njia ohudengaania ebyaalo byoosi, mani eby'engaanga by'ebyaalo byoosi bireetwe ano, mani njia ohwichusa Enyuumba yino neende eby'engaanga.

Matayo 28:18

Nae Yesu yababoolera ati, “Bamalire ohuumberesa obunyala bwoosi Muukulu neende hu syaalo.

Yowaana 12:34

Esidiiyiha sy'abaandu syamukobolamo siti, “Efwe mu malako hwawulira huti, Kristo yahabeeo endaalo choosi pe. Naawe onyala otye ohuboola oti, Omwaana w'Omuundu ahoyere ohuniinisibwa aakulu? Omwaana w'Omuundu oyo niye wiina?”

Abaibburania 12:28

Mani sakira, olwohuba muchia ohunyoola obwaami butanyala ohudengaanisibwa, lehe hweebase Nasaae mani humwiinamire mu ngeri yimusangaasa, nihuli neende obuloonga neende ohutya;

Ohubwiihulirwa 11:15

Bulaanu, malaika wa hataanu-na-habiri yesi yoobba eturumbete yae, mani amakono mahoongo muno kabaao Muukulu akaboola kati, “Obunyala bw'ohutuka esyaalo syoosi bulaanu buli neende Omwaami weefwe, alala neende Kristo wae, mani achia ohutuka endaalo choosi pe!”

Ohubwiihulirwa 2:27

Mani baba bachia ohunyala ohubitukaanga neende endawusi y'esichuma, haandi mu baate koti endamu ch'eloba, koti lu syesi omweene ndabeeresebwa amaani ohutula eyiri Laata yaange.