Danieli 2:42 - EBBAIBBO EMBOOSI YA NASAAE

⁴² Haandi koti lu ebisiisiro by'amakulu esituundu siindi syali esy'esichuma neende esituundu siindi esy'eloba, mani obutuki obwo bwahabe butyo, esituundu siindi esy'amaani, esituundu siindi esikata.

Danieli 2:42 Iomraidhean Croise

Danieli 2:41

Haandi koti lu wabona amakulu neende ebisiisiro, esituundu siindi nisiri esy'eloba, haandi esituundu siindi nisiri esy'esichuma, obutuki obwo bwahabe obukabuhaanemo. Nae bwahabeemo amaani koti ak'esichuma, koti sa lu wabona esichuma syubbaniemo neende eloba.

Danieli 2:43

Mani koti lu wabona esichuma syubbaniemo neende eloba, mani abatuki b'obutuki obwo bahateemeho ohwehubbania mu hudeehisania, nae haba sibahomirire alala koti lu esichuma sitanyala ohwehubbaania alala neende eloba.

Danieli 7:24

Nae enjika ehumi, chitula mu butuki buno, nibo abatuki ehumi abahatuleo, mani yiritulao omutuki wuundi; owahakabuhane neende abatuki bamutaangira, mani yahamaleo abatuki badatu.

Ohubwiihulirwa 13:1

Mani ndabona esolo niyisiingira niyitula mu nyaanja. Yali yiri neende enjika ehumi neende emitwe kitaanu-na-kibiri. Hu buli lwiika lwaalyo, hwaliho ekofia y'obutuki, nae hu buli mutwe kwaalyo, kwaliho eliita lyali nilinyeka Nasaae.