Danieli 2:40 - EBBAIBBO EMBOOSI YA NASAAE

⁴⁰ Obutuki bwohune bwahabe obw'amaani koti esichuma, olwohuba esichuma sifunaka-funaka ebiindu boosi mu bituundu-tuundu mani syabinyonyobola. Mani koti lu sichuma sisya mani syafunaka-funaka ebiindu, obutuki obwo bwahasye mani bufunake-funake obutuki bwataangira buno boosi.

Danieli 2:40 Iomraidhean Croise

Yobbu 9:17

Olwohuba atuma omuyaka mani kwaanyubulula, mani yameeda ebikoonjo byaange ataali esifune.

Yeremia 15:12

Aliwo omuundu onyala ohufunaka esyuuma neende esikomo, ohuhira elalira ebyo ebitula mu syaalo sy'emukulu?

Danieli 2:33

Amakulu kasyo kali ak'ebichuma. Ebisiisiro byasyo, esituundu siindi syali esy'ebichuma, esituundu siindi syali esy'eloba lyohuloongera.

Danieli 2:39

Ewe niwahatuleo, wahabeeo obutuki buundi, obutaakana neende obwao. Obwo nibuweereo, wahabaeeo obutuki bwohudatu obw'esihomo, obwahatuke esyaalo syoosi.

Danieli 2:41

Haandi koti lu wabona amakulu neende ebisiisiro, esituundu siindi nisiri esy'eloba, haandi esituundu siindi nisiri esy'esichuma, obutuki obwo bwahabe obukabuhaanemo. Nae bwahabeemo amaani koti ak'esichuma, koti sa lu wabona esichuma syubbaniemo neende eloba.

Danieli 7:7

Nae bino nibyaawa, mani muhuboneherwa hwomu siro, nae bone, mani nimbona esisolo syohune, esitiisa muno haandi esyalaba muno haandi esy'amaani maangi muno. Syali neende ameeno mahoongo haandi ak'ebibya. Syalichaanga haandi nisimenena buli siindu sisyabukanaanga. Mani nisisenakiriraanga mu makulu kasyo buli siindi syali nisidoong'ereo. Haandi esisolo sino syali nisitafwaanana neende ebisolo byoosi ebyasitaangirira ohuboneha. Haandi syali neende enjika ehumi.

Danieli 8:24

Yahabe neende obunyala, nae sibwahabe koti obw'omutuki wataangira ohubaao bane bano nibasisiiri. Omutuki oyo yahaleete ohusihirira hutiisa muno. Yahahole buli siindu sy'adaha, haandi yahasihirise abaandu b'amaani, neende aboolerefu ba Nasaae beene.

Danieli 9:26

Mani ejuma amahumi kasaasaba neende chibiri nichahaweeho, Oyo Owabahahwo amafuta n'amala yeetwa, n'ataliho omusaango. Mani esiko neende Abuundu Woolerefu byahasihiriswe neende eye ly'omutuki w'amaani, elyaheeche ohusiseeta. Mani enjakamo y'omutuki oyo koti omuhula kw'amaachi lu kuchia. Hwahabeeo ohulwaanakana, ohwoolera elalira hu njakamo. Ohusihirirwa Nasaae wahutekeha hale.

Amosi 1:3

Omwaami aboola ati: “Abaandu bomu Damasiko baholere ebyonoono amahabi-na-mahabi. Mani sakira njia ohubasaandya olwohuba basaandya abaandu bomu Gileadi n'obwaalaba buungi muno.

Yowaana 11:48

Nihumuleha yaachiiririra atyo, buli muundu achia ohumufukiiriramo, mani Abarooma baba bachia ohwiicha basihirise Abuundu Woolerefu ano neende esyaalo syeefwe.”