Danieli 2:39 - EBBAIBBO EMBOOSI YA NASAAE

³⁹ Ewe niwahatuleo, wahabeeo obutuki buundi, obutaakana neende obwao. Obwo nibuweereo, wahabaeeo obutuki bwohudatu obw'esihomo, obwahatuke esyaalo syoosi.

Danieli 2:39 Iomraidhean Croise

Yisaaya 44:28

Niise olomaloma hu Siraasi endi, ‘Oyo niye omwaayi waange, achia ohwooseresa ebyo byoosi biindaha’. Niise olagira Yerusalemu endi, ‘Sichia ohwombahwa buyaaha,’ haandi Enyuumba ya Nasaae endi, ‘Emisiingi kyao kyoombahwe.’ ”

Danieli 10:20

Mani n'ateeba ati: “Omanyire esikerere ninjicha yooli? Njia ohukobolayo ohulwaania omuhuluundu wa Perisia.” Mani nindahamale ohumulwaania, ao ni omuhuluundu wa Bugiriki naamala yeecha.

Danieli 2:32

Omutwe kwasyo, kwali okw'esaabbu ndai muno. Esirifu neende amahono kasyo byali eby'efeesa. Enda yasyo neende amataango kasyo byali eby'esihomo.

Danieli 2:38

Mani haandi yata mu bunyala bwao abaandu neende ebisolo byomu siino, neende amayoni komu bbanga, yahuba obunyala bwohubituka byoosi, buli yi bimenya woosi. Ewe niiwe omutwe k'esaabbu.

Danieli 2:40

Obutuki bwohune bwahabe obw'amaani koti esichuma, olwohuba esichuma sifunaka-funaka ebiindu boosi mu bituundu-tuundu mani syabinyonyobola. Mani koti lu sichuma sisya mani syafunaka-funaka ebiindu, obutuki obwo bwahasye mani bufunake-funake obutuki bwataangira buno boosi.

Danieli 7:23

Mani Oyo Owaliwo Endaalo choosi naamboolera amahuluundu kasyo ati: Esisolo syohune, bwahabeeo obutuki bwohune hu syaalo, obwahakabuhane hu butuki buundi bwoosi, haandi bwahalye esyaalo syoosi, mani bwasiseenakira, haandi bwasifunakafunakamo mu bituundu-tuundu.

Danieli 8:20

Mani emiiku ly'obweene niliri neende enjika chibiri, bano nibo abatuki ba Media neende Perisia.

Danieli 8:21

Nae ehole, niye omutuki wa Bugiriki; nae olwiika luhoongo oluli akatikaati w'emoni wayo, niye omutuki waamberi owa Bugiriki.

Sekaria 6:3

esya hadatu syali ni sihwehweeswa neende efaraasi cha dibbo, nae esya hane syali ni sihwehweeswa neende efaraasi cha rabbwoori.

Sekaria 6:6

Mani esigaari esihwehweeswa neende efaraasi cha dichooli nisyo esyali nisichiira emukulu wa Bbabbilooni, efaraasi cha dibbo nachio chali nichichiira emuumbo, nae echa rabbwoori nachio chali nichichiira mu syaalo sy'emwaalo.