Danieli 2:23 - EBBAIBBO EMBOOSI YA NASAAE

²³ Hweebasa haandi hufumia, Ewe, Nasaae wa bakuuka yeefwe. Olwohuba wumbereese amakesi neende amaani, haandi bulaanu, omalire ohunjekesa si huhusabire. Otwekeese eyo si mutuki adaha.

Danieli 2:23 Iomraidhean Croise

Ohuchaaka 18:17

Omwaami yaboola ati, “Haba siinjia ohukisa Abburahamu esiindu siinjia ohuhola.

Ohuchaaka 31:42

Nae Nasaae wa laata yaange, Nasaae wa Abburahamu neende owa Yisaka aaba n'ataali naange, mubwadyeeri bweene, wahanjiruuse amahono mahaya ataaliho esiindu syosi-syoosi. Nasaae yabona ohusaanda hwaange neende ohudidiihana hw'amahono kaange, mani yahwoolobya esiro sy'ekulo.”

1 Abatuki 18:36

Mu siha sy'esiyaanwa sy'esideete, omunabbi Elija yatulayo mani yaasuda aambi neende alutaari yaasaba n'aboola ati, “Ewe Omwaami, Nasaae wa Abburahamu, Yisaka, neende Yakobbo, yomiisa bulaanu buti oti ewe niiwe Nasaae wa Yisiraeli, haandi oti ese niise omuhalaabani wao mani onyale ohuhola sino ohweema hu hulagira hwao.”

1 Abatuki 8:57

Omwaami Nasaae weefwe ahoya yaaba naafwe, koti lu yabechaanga neende bakuuka yeefwe; ahoya yaahaya ohutuleha, kata yaatujwaang'a daawe;

1 Ebyomubiha 29:10

Ao Omutuki Daudi mani naakinia Omwaami mu moni w'abaandu bebuusire alala abo, n'aboola ati, “Ewe Omwaami Nasaae wa Yakobbo kuuka yeefwe, ofumisibwe endaalo choosi pe.

1 Ebyomubiha 29:13

Mani bulaanu, ewe Nasaae weefwe, hu huubbira otyo muno, haandi hufumia eliita lyao ly'oluyaali.

2 Ebyomubiha 20:6

mani yalaama neende ekono ly'aakulu ati, “Ewe Omwaami Nasaae wa bakuuka yeefwe, ewe niiwe otukiraanga muukulu ebyaalo byoosi ebiri mu syaalo muno. Ewe oli ow'amaani haandi ow'obunyala, mani abulao oyo yeesi onyala ohuhuyiingania.

Esabbuli 21:2

Omubereese esiindu si mwooyo kwae kwekoomba, haandi haba somwiimire esiindu si yahusaba.

Esabbuli 21:4

Yahusaba obulamu, mani waamuberesa, yayiindira endaalo choosi pe.

Esabbuli 25:14

Omwaami mwiicha w'abaandu bamwiisamo oluyaali, haandi achia ohwomiisa endagaano yi yahola nabo.

Esabbuli 50:14

Eng'we, yaneenge eyiri Nasaae esiyaanwa sy'ohweebasa, haandi mutuungeenge obweyamo bweeng'we eyiri oyo ow'Aakulu Muno;

Ohutula 3:15

“Chia oboolere Abaisiraeli oti ESE, Omwaami, Nasaae wa bakuuka yaabwe, Nasaae wa Abburahamu, Yisaka, neende Yakobbo, niye ohutumire yi bali. Lino nilyo eliita lyaange endaalo choosi pe; yino niyo engeri yi njibulo choosi echiicha mu moni chicha ohunaangaanga.”

Engaado 21:22

Omuhoongo w'amaye mukesi ayiingira esiko sy'abaandu b'amaani mani yalikula likula ebida bi bali nibeesika.

Engaado 24:5

Omuundu w'amakesi niye ow'amaani ohuhira oyo owehoonyera esirifu, haandi omuundu muwulisi ahira oyo oli neende amaani;

Engaado 8:14

Ngeraka bulai haandi ndi amakesi kaadyeeri, manyirisa haandi neende amaani.

Omuyaali 7:19

Amakesi kaberesa omuundu mukesi amaani ohuhira abatuki ehumi abali mu siko.

Omuyaali 9:16

Mani nimboola endi kata ayahaba mbwe amakesi kahoonya ohuhira amaani, nae amakesi k'omuundu mumanani kalekeereswa, haandi abulao otekeeresa emboosi chae.

Omuyaali 9:18

Mu biita, amakesi kahoonya ohuhira ebilwaaniso, nae omuundu mubi mulala yoong'ene ati, asihirisa ebilai biingi muno.

Yisaaya 12:1

Oludaalo olwo nilwahoole, abaandu baheembe bati: “Njia ohuhweebasa, ewe Omwaami, kata wali n'onyoleere naange etima lyao lyakaame, mani bulaanu wuunemiisye omwooyo.

Yeremia 33:3

Naange mani njia ohukaluhamo, njia ohuhuboolera ebiindu bihuluundu haandi ebyakiswa by'otaamanyireho daawe.

Danieli 1:17

Mani Nasaae n'aberesa abaraaga bane bano amakesi neende ohumanya bi beekesa byoosi bwaangu muno. Nae Danieli nameedwaho ohumanyaanga amahuluundu k'ohuboneherwa neende ak'ebilooto.

Danieli 2:18

mani n'ababoolera ati, basabe Nasaae wo muukulu, abakwiire esisa hu biindu bidiira esy'engiso sino, mani Danieli neende abaasye bahaye ohwiitirwa alala neende abakeraki b'amakesi bomu Bbabbilooni.

Amosi 3:7

Mubwadyeeri bweene, sibulao esiindu si Omwaami Nasaae yahahola nataasifunulira mberi abahalaabani bae, abanabbi.

Matayo 11:25

Esiha esyo, Yesu yalomaloma n'aboola ati, “Ewe Laata, Omwaami w'Ekulu neende esyaalo, hweebasa muno olwohuba wakisa ebiindu bino ohutula hu bakesi neende abasomi, nae waabibwiihulira abaloonga.

Luka 10:21

Mani esiha syeene esyo, Yesu yehoyera mu Mwooyo Mwoolerefu mani yaboola ati, “Hweebasa muno Laata, Omwaami w'Ekulu neende esyaalo, olwohuba wakisa ebiindu bino abakesi neende abasoma muno, nae wabibwihulira abaana badoto; Eee, Laata, olwohuba huno hwali ohudaha hwao hw'esisa.

Yowaana 11:41

Mani nibatusayo ekina. Yesu yalingaala aakulu, mani n'aboola ati, “Laata, hweebasa olwohuba wumbuliire.

Yowaana 15:15

Ese haba sisiibalaanga abahalaabani daawe, olwohuba omuhalaabani haba saamanyire bi mwaami wae adaha. Nae mbalaanga abeecha baange, olwohuba ebyo byoosi bi ndawulira ohutula eyiri Laata, ndabeekesa mwaabimanya.

Ohubwiihulirwa 1:1

Esitabo sino sirimo ebiindu byaandiikwa ebidiira hu biindu bichia ohubaao bi Yesu Kristo yabwiihula. Nasaae niye owamuberesa ohubwiihulirwao huno, hu yemewo anyale ohweekesa abahalaabani bae ebiindu bichia ohubaao bwaangu muno. Kristo yatuma malaika wae ohuchia eyiri Yowaana omuhalaabani wae, amweekese abimanye.

Ohubwiihulirwa 5:5

Mani mulala hu bahuluundu yeecha yamboolera ati, “Otalira daawe. Bona! Edalang'i ohutula mu nono ya Yuda, omwichuhulu muhunuufu mweene wa Daudi, amalire ohuyiingira, mani niye onyala ohufuunduhulula ebifuundiho bino bitaanu-na-bibiri, haandi yaamala yatumbulula neende olupapula luno.”