Danieli 2:21 - EBBAIBBO EMBOOSI YA NASAAE

²¹ Niye okaluuhania ebiha neende endaalo; niye otusaho abatuki haandi niye otaao abatuki; niye oberesa abakesi amakesi neende ohumanya eyiri abo abamanyire.”

Danieli 2:21 Iomraidhean Croise

1 Abatuki 10:24

haandi esyaalo syoosi syekombaanga sa ohunyala ohwiicha ohuwuliraho amakesi ka Nasaae yali niyamuberesa.

1 Abatuki 3:28

Mani Yisiraeli yoosi ayaakiriire niyawulira eheenga eyo yi Mutuki yali n'aholere, batya muno omutuki oyo, olwohuba babona bati amakesi ka Nasaae kali nikamulimo nikamunyalira ohuhola obuhoyera.

1 Abatuki 4:29

Nasaae yaberesa Solomooni amakesi kataali aka buli ludaalo neende ohubaasa ebiicha mu moni, haandi neende obumanyirifu buhunuufu obubitiirifu.

1 Ebyomubiha 22:12

Esihiramo, leha Omwaami Nasaae ahuberesa amakesi k'ohutegeera neende ohuheengao esilai neende esyonoono, hu onyale ohutukaanga Yisiraeli n'oloondehana neende amalako kae.

1 Ebyomubiha 29:30

Ebyandiiko ebyo byeekesa obutuki bwae bwoosi koti lu bwali, obunyala bu yali nabwo, neende ebiindu byoosi ebyamukwaaho, neende ebyakwa hu Yisiraeli, neende hu bwaami bwoosi obw'ebyaalo bi syebodoohaanie.

Esita 1:13

Bulaanu omutuki yali niyanala ohweteebangaaho hu basaacha b'amakesi abamanyirifu mu by'amalako neende abakayi. Ao mani n'alaanga abakeraki b'amakesi, olwohuba nibo abamanya esihoyeerwa ohuhola.

Yobbu 12:18

Adeembusa amaani k'abatuki, mani yomiisa esibiro chomu bibuno byaabwe.

Ohutula 31:3

mani mwichuusemo Mwooyo wa Nasaae. Mubeere obunyala bw'ohumanya, obumanyirifu, neende obunyala bw'ohuhola buli mulimo kudaha ohuyiiya

Ohutula 31:6

Haandi ndooleremo Oholiabbu, omwaana w'Ahisamaki, ohutula mu nono ya Daani, oba ahole nae. Haandi mbereese obunyala buhunuufu abaandu baandi bahalaabani bamanyirifu boosi, hu banyale ohuhola buli siindu syoosi si ndagira endi siholwe:

Danieli 1:17

Mani Nasaae n'aberesa abaraaga bane bano amakesi neende ohumanya bi beekesa byoosi bwaangu muno. Nae Danieli nameedwaho ohumanyaanga amahuluundu k'ohuboneherwa neende ak'ebilooto.

Danieli 10:1

Mu mwaaka kwohudatu okw'obutuki bwa Sairasi, omutuki wa Perisia, omulaanga mani nikubonehera Danieli, owali niwakulihwa eliita mbwe Bbelitesaasa. Ohubwiihulirwa ohwo hwali ohwadyeeri, haandi ohudinyu muno ohumanya. Mani Danieli n'amanya amahuluundu kakwo muhuboneherwa.

Danieli 11:6

Nae emyaaka nichahabiteo, wahabeeo endagaano ey'ohuholera alala. Nae ohudaha ohwomiisa endagaano eyo, omuhaana w'omutuki w'emwaalo yahachie mani n'adeehera omutuki w'emukulu. Nae ohudeehisania hwaabwe haba sihwahayiindire daawe. Nae omuhaana w'omutuki oyo yaheetwa, alala neende abahalaabani abahabe nibachiire nae, neende omusaacha wae, alala neende omwaana waabwe.

Danieli 2:20

n'aboola ati: “Eliita lya Nasaae likiniswe endaalo choosi, olwohuba mukesi haandi w'amaani.

Danieli 2:23

Hweebasa haandi hufumia, Ewe, Nasaae wa bakuuka yeefwe. Olwohuba wumbereese amakesi neende amaani, haandi bulaanu, omalire ohunjekesa si huhusabire. Otwekeese eyo si mutuki adaha.

Danieli 2:9

endi nimutamboolera esilooto, mweesi muli neende omusaango nasilala. Mufukiirisaanie ohumboolera eby'ohuubbachakania neende ohuhubbakania emboosi nimusuubira muti ebiindu bichia ohukaluuhana ebiha nibibitireo. Mani mumboolere esilooto, hu manye endi munyala ohumboolera amahuluundu kasyo.”

Danieli 4:14

Yalomalomera mu kono ly'aakulu n'aboola ati: “Temao omusaala okwo, obaanjuleho amasaga kakwo, ohuuhumuleho amasaafu kakwo mani osalaanie ebyaamo byakwo. Yirusa ebisolo bitule aasi wakwo, neende amayoni katule mu masaga kakwo.

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 4:22

Omusaala okwo nikwo ewe omutuki. Ohulire mani nooba ow'amaani; oluyaali lwao lwemeedere mani nilwoola hu kulu, haandi obwaami bwao nibusalaana hu syaalo syoosi.

Danieli 4:32

mani ochia ohwiiruswa otuswe mu baandu, mani ochia ohumenyaanga neende ebisolo byomu siino; haandi ochia ohulichaanga obunyaasi koti endaawu, ohumala embaka y'emyaaka kitaanu-na-kibiri, ohwoola lu wahamanye oti Oyo ow'Aakulu Muno niye otuka obwaami bw'abaandu haandi abuberesa oyo yeesi yaadaha.”

Danieli 7:25

Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Luka 21:15

olwohuba, njia ohubaba eby'ohulomaloma neende amakesi kadahibwa, ka kata mulala hu basuku beeng'we aba achia ohunyala ohuhira kata ohudoondobania.

Abarooma 13:1

Buli omuundu ahoyere ohuwulira abatuki b'esyaalo, olwohuba bubulao obunyala bw'obutuki bwoosi obutatula eyiri Nasaae, haandi abatuki baliwo boosi Nasaae niye owabataao.

1 Abakoriito 1:30

Oyo niye enjaako y'obulamu ohubitira mu Yesu Kristo, oyo yi Nasaae mweene yahola ohuba amakesi keefwe, obuluungifu bweefwe, haandi kata niye ohwooswa neende ohununulwa hweefwe;

Yakobbo 1:17

Buli siyaanwa silai haandi esiichufu, situla Muukulu; situla eyiri Nasaae Seefwe, owaloonga obulafu bwomu kulu, otakaluuhana-kaluuhana oba yaleeta esiirima n'akaluuhana.

Yakobbo 1:5

Nae n'aliwo omuundu yeesi mweeng'we otaali neende amakesi, leha asabe Nasaae, ochia ohumuberesa amakesi; olwohuba Nasaae niye oberesaanga abaandu boosi ebiindu mu buungi.

Ohubwiihulirwa 19:16

Hu ganjuula lyae hwali hwandiikwaho eliita mbwe: “Omutuki w'abatuki, haandi Omwaami w'abaami”, neende hu tango lyae.