Danieli 2:11 - EBBAIBBO EMBOOSI YA NASAAE

¹¹ Ewe omutuki, esiindu sy'oli ohudaha, sidinyu nisyo, abulao omuundu onyala ohusihuboolera, ohutusaho banasaae, haandi banasaae haba sibamenya alala naafwe.”

Danieli 2:11 Iomraidhean Croise

Ohuchaaka 41:39

Omutuki wa Misiri yaboolera Yosefu ati, “Koti Nasaae ahwekeese ebyo byoosi, abulao omuundu wuundi oli neende amakesi koti ewe.

Ohuchaaka 41:8

Nibwahya, omutuki wa Misiri yali omweyeendeherefu; mani yaatuma balaange ab'amayia bomu syaalo sy'e Misiri neende ab'amakesi boosi. Omutuki wa Misiri yababoolera ebilooto byae ebyo, nae abulao omuundu yeesi mu abo owanyala ohutuumbulira omutuki wa Misiri amahuluundu k'ebilooto ebyo byoosi daawe.

1 Abatuki 8:27

“Nae ewe onyala mani ohumenya hu syaalo huno? Kata sa muukulu mwoosi haba simunyala ohuhumala ohuyeramo, mani katyo, Enyuumba ya Nasaae yino nayo yi ese nyombaahe sa yinyala yitye ohuba ehoongo yihuyera ohubaamo?

2 Ebyomubiha 6:18

“Nae chana, mani ewe onyala, ewe Nasaae waange, mubwadyeeri bweene ohumenya hu syaalo huno mu basaacha neende abahasi bano sa? Ewe kata ekulu lyoosi haba sihoongo lihumala daawe, nae Enyuumba ya Nasaae yino, yi nyombaahe, yinyala ohuba ehoongo yi humala?

Esabbuli 132:14

Omweene aboola ati: “Ano nuwo abuundu yi njia ohuwuluuhiraanga endaalo choosi; ano nuwo yi siimire ohubechaanga buli ludaalo.

Esabbuli 68:18

Ewe waniina olugulu luleeyi muno, mani niwemerera ababoye mu sidiyiiha syao, haandi n'onyoola ebiyaanwa ohutula mu baandu, kata neende ohutulira elalira mu banaandawulira, hu ewe Omwaami Nasaae onyale ohumenyaanga abweene ao.

Ohutula 29:45

Mani njia ohumenyaanga mu Abaisiraeli, ni ndi Nasaae waabwe.

Ohutula 8:19

mani ab'amayia baboolera omutuki waabwe oyo bati, “Nasaae niye oholere sino!” Nae omutuki oyo yemeeda ohuhola esyeejo, mani koti lu Omwaami yali niyaboola, omutuki oyo haba siyawuliraho Musa neende Arooni.

Yisaaya 47:12

Mani liinda bulai obw'amayia bwao obwo neende abalakusi bao baangi abo, biwahalaabaniramo ohutula obuyere bwao, awuundi wahanyoolamo obuhoonyi, awuundi byahahuhoonya ohutiisa abasuku bao.

Yisaaya 57:15

Olwohuba ow'Aakulu haandi Omwoolerefu mweene haandi Oyo oliwo endaalo choosi, ow'eriita Lyoolerefu aboola ati; “Ese menya abuundu w'aakulu haandi Awoolerefu.” Haandi mba mu baandu baloonga haandi ab'emyooyo kyeefunaake, mani mbakobosemo omwooyo neende esuubi, haandi ohukobosamo omwooyo kwo wefunaake.

Yisaaya 8:18

Bone, ese mbano neende abaana baange Omwaami bayaamberesa niifwe ebilolero neende eby'amayia mu Yisiraeli ohutula eyiri Omwaami w'Obunyala, owamenya hu Lugulu lwa Siyooni.

Danieli 4:4

“Ese, Nebukadineesa, ndali nindewuluuhira mu nyuumba yaange, ni ndi mu muleembe mu dooho lyaange.

Danieli 5:11

Aliwo omusaacha mu bwaami bwao olimo mwooyo wa banasaae boolerefu. Mu ndaalo cha laatao, cha ohubona eyale, ohumanya neende amakesi, koti amakesi ka banasaae, byanyoolehana mu musaacha wuno, mani Omutuki Nebukadineesa, laatao, yamuhola ohuba omuhuluundu w'abalakusi, ab'amayia, Abakalidaaya, abahiingi neende abasomera eby'eng'iniing'ini.

Yoeli 3:21

Njia ohwetuunga amabaanga kaabwe, haandi haba sindahalehe abaliho omusaango, olwohuba Ese Omwaami, njia ohubechaanga hu sigulu Siyooni.”

Ohubala 35:34

Mutabahaanga omukwoobo esyaalo si muba nimwamenyamo daawe, olwohuba ese niise Omwaami mani haandi ndamenya mu baandu ba Yisiraeli.”

Matayo 19:26

Yesu yabatingaala tiiri mu moni, yaabakobolamo ati, “Sino sisinyaliha eyiri abaandu, nae eyiri Nasaae, buli siindu sinyaliha.”

Yowaana 1:14

Emboosi yeehola omuundu, mani n'amenya alala naafwe, niyeechula embabaasi alala neende obwadyeeri; efwe hwabona oluyaali lwae luhoongo muno, koti oluyaali lw'Omwaana mudeerwa wa Nasaae.

Yowaana 14:17

Oyo niye Mwooyo owadyeeri yi syaalo sitanyala ohunyoola, olwohuba esyaalo haba sisimubona haandi sisimumanyire daawe. Nae eng'we mumumanyire, olwohuba ali mweeng'we, haandi anabechaanga mweeng'we.

Yowaana 14:23

Yesu yakobolamo ati, “Buli muundu owuheera, achia ohudiiraanga emboosi chaange, haandi Laata achia ohumuheeraanga. Ese neende Laata huba hwaheeche yaali mani humenye nae.

2 Abakoriito 6:16

Huwuliirisania siina ohuliwo akati w'enyuumba ya Nasaae neende enyuumba y'ebiloongaloongwe? Olwohuba efwe huli enyuumba ya Nasaae mulamu; lu Nasaae yaboola ati, “Njia ohubamenyamo haandi ohubakeendamo, mani njia ohuba Nasaae waabwe, nabo bachia ohuba abaandu baange.

Ohubwiihulirwa 21:3

Bulaanu, ndeecha ndaawulira ekono hoongo muno nililomaloma nilitula hu sisaala sy'obutuki niliboola liti: “Bulaanu, edaala lya Nasaae liri mu baandu! Achia ohumenya alala nabo, mani babe abaandu bae. Nasaae mweene achia ohubechaanga alala nabo, haandi achia ohuba Nasaae waabwe.