Danieli 12:9 - EBBAIBBO EMBOOSI YA NASAAE

⁹ Nae yangobolamo ati: “Ewe Danieli, ndiira engira yao mani oweeo, olwohuba amahuwa ako k'ohuliindwa mu bweekisi, haandi kateerweho esifuundiho, ohwoola hu biha by'enjakamo.”

Danieli 12:9 Iomraidhean Croise

Yisaaya 29:11

Mani amahuluundu koosi ak'embonehera yino, eng'we kabeeholeere koti emboosi ch'esitabo sibaboyereho esifuundiho. Mani nibasiberesa omuundu omanyire ohusoma, nibaboola bati, “Soma sino,” akobolemo ati, “Haba siinyala, olwohuba siboyerweho esifuundiho.”

Yisaaya 8:16

Eng'we abaloondi baange, mudiirire elalira ebiindu bindabeekesa, haandi mwomiise endagaano yaange.

Danieli 10:14

Mani bulaanu njichire ohuhuboolera omanye ebyahakwe hu baandu bao mu ndaalo chichiaayo. Olwohuba ebiindu bi wabona muhuboneherwa, by'endaalo chichiaayo.

Danieli 11:40

Mu biha by'enjakamo nibyahabe aambi ohwoola, omutuki w'emwaalo mani aliseeta. Nae omutuki w'emukulu alitulayo koti esiifuusye mani amulwaanie neende amaani kae koosi, niyehoonyera ebigaari neende abeerusi b'efaraasi, haandi neende emeeri nyiingi muno. Aliseeta ebyaalo biingi muno, mani yabibitamo n'ahuluukusa koti amaachi k'omuhula.

Danieli 12:4

Nae ewe Danieli, liinda omulaanga kuno mu bweekisi, haandi geeng'a esifuundiho hu sitabo sino, ohwoola hu biha by'enjakamo. Abaandu baangi baheeruhe nibachia eno neende era, haandi ohumanya ebiholehana hwahemeede.”

Danieli 12:8

Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?”

Danieli 8:26

Haandi ohuboneherwa hudiira hu ebiha by'engoloobe neende echuli, hwadyeeri nihwo. Nae ewe, ebiri muhuboneherwa ohwo, biliinde koti eby'engiso muno, olwohuba bidiira hu siha sihoongo syahabiteo, hu bimale byolerere.”

Ohubwiihulirwa 10:4

Nibalomaloma sa bati, syesi ndali nindetekeehe ni ndi aambi ohuchaaka ohwandiika. Nae ndawulira ekono nililomaloma nilitula Muukulu niliboola liti, “Kisa bi hwaaduluhana amahabi kataanu-na-kabiri kano kaboolere. Otabyandiika daawe!”