Danieli 12:8 - EBBAIBBO EMBOOSI YA NASAAE

⁸ Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?”

Danieli 12:8 Iomraidhean Croise

Danieli 10:14

Mani bulaanu njichire ohuhuboolera omanye ebyahakwe hu baandu bao mu ndaalo chichiaayo. Olwohuba ebiindu bi wabona muhuboneherwa, by'endaalo chichiaayo.

Danieli 12:6

ndateeba omusaacha wali niyefwaalire engubo ndafu, haandi niyeemere aakulu w'amaachi k'omwaalo endi: “Eby'amayia ebyo, byahayire mbaka siina nibisisiiri ohuwaao?”

Danieli 12:7

Ao mani omusaacha oyo owefwaalire engubo ndafu, haandi owali niyeemere aakulu w'amaachi k'omwaalo, n'asiingisa aakulu amahono kae koombi, ndawulira niyeechuba eyiri Oyo Oluwo endaalo choosi. Mani nimbulira n'aboola ati, chiriba emyaaka kidatu neende esituundu. Ohwiitwa hw'abaandu ba Nasaae nihwahawe, mani ebiindu bino byoosi nibyaakama.

Danieli 12:9

Nae yangobolamo ati: “Ewe Danieli, ndiira engira yao mani oweeo, olwohuba amahuwa ako k'ohuliindwa mu bweekisi, haandi kateerweho esifuundiho, ohwoola hu biha by'enjakamo.”

Danieli 8:13

Ao mani nimbulira omwoolerefu mulala naalomaloma; haandi omwoolerefu wuundi naalomaloma neende owali n'alomaloome n'ateeba ati: “Esyo esiimboneheere esidiira hu esiyaanwa sisaambwa buli ludaalo, syahabeeo ohwoola liina? Haandi esyonoono sinyaasa esyaliwo ohutula hale, syahabeeo ohwoola liina? Haandi ekulu neende Onyuumba ya Nasaae, byahaseenakirwe ohwoola liina?”

Luka 18:34

Nae abeeki bae haba sibanyala ohumanya bi yali naalomalomaho; olwohuba enomanoma yino yali yabakiswaho, mani bahaya ohudiira ebyali nibilomaloomwe.

Yowaana 12:16

Abeeki bae nabo haba sibamanyirao amahuluundu k'ebyo; nae Yesu niyabereswa oluyaali, niwo yi beechulisira bati ebyo byali byamwandiikwaho, haandi byamuholerwaho.

Ebiholwa 1:7

Nae yababoolera ati, “Haba simulimo kweeng'we ohumanya endaalo oba obwiire bu Laata mweene yatekeha neende obunyala bwae.

1 Petero 1:11

Bakoonyeresa muno nibadaha ohumanya liina bweene lu Ludaalo luno lwahoolereho, haandi koti lu lwaheechere. Olwohuba Mwooyo wa Kristo obalimo yali yeekesa ohusaanda hu Kristo yali achia ohugumira, neende oluyaali lwahatulemo.