Danieli 12:7 - EBBAIBBO EMBOOSI YA NASAAE

⁷ Ao mani omusaacha oyo owefwaalire engubo ndafu, haandi owali niyeemere aakulu w'amaachi k'omwaalo, n'asiingisa aakulu amahono kae koombi, ndawulira niyeechuba eyiri Oyo Oluwo endaalo choosi. Mani nimbulira n'aboola ati, chiriba emyaaka kidatu neende esituundu. Ohwiitwa hw'abaandu ba Nasaae nihwahawe, mani ebiindu bino byoosi nibyaakama.

Danieli 12:7 Iomraidhean Croise

Yobbu 27:2

“Ndeechubire mu moni wa Nasaae mulamu, oyo owandusaho ebiindu bilai, haandi Omunyala w'ebiindu byoosi, okerere omwooyo kwaange kwaahaya ohuba neende omuleembe;

Yisaaya 62:12

Mwahalaangwe, “Abaandu boolerefu.” “Abanunule b'Omwaami;” haandi mwahalaangwe “Esiko si Nasaae adaha,” “Esiko sitajwaang'wa.”

Yeremia 4:2

nimwechubaanga mubwadyeeri neende mu buluungifu muti ‘Koti Omwaami lwaali omulamu.’ Mani ebyaalo byoosi byahasabe ohunyoola ehabi nibibitira mweeng'we, haandi binefumisiraanga mweese.”

Esekeeli 20:5

Baboolere oti, Omwaami Nasaae ali ohuboola ati: Hu ludaalo lu ndadoleraho Yisiraeli, ndeechuba neende ab'olwiibulo lwa Yakobbo olwo. Omwene ndeeyekesa yi bali mu syaalo sy'e Misiri, ndeechuba nimbaboolera endi, Niise Omwaami, Nasaae weeng'we.

Danieli 10:5

Mani nindasiingisa emoni, mani bone, ndabona omusaacha yefwaalire engubo ndafu, niyeeboyere mu sibuno olusibiro lw'esaabbu ndai muno ey'e Wufaasi.

Danieli 11:13

Olwohuba omutuki w'emukulu yahakobole engo wae, mani abuuse alala eye hoongo muno ohuhiraho elyataangira. Mani esiha syahoole, niyibitireo emyaaka kiyeraho, mani n'akobola naali neende eye hoongo neende ebilwaaniso by'amaani biingi muno.

Danieli 12:6

ndateeba omusaacha wali niyefwaalire engubo ndafu, haandi niyeemere aakulu w'amaachi k'omwaalo endi: “Eby'amayia ebyo, byahayire mbaka siina nibisisiiri ohuwaao?”

Danieli 12:8

Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?”

Danieli 4:31

Omutuki niyali n'asilomalomaanga, mani ekono nilitula muukulu niliboola liti: “Ewe omutuki Nebukadineesa, tekeeresa bi huboolera: Obutuki buhutusirweho,

Danieli 4:34

Ebiha ebyo nibyawa, ese Nebukadineesa, nitingaala aakulu, mani amakesi nikaangobolamo, mani ndeebasa Oyo ow'Aakulu Muno, mani niimufumia haandi nimwiisamo oluyaali, Oyo Oyiindira endaalo choosi; olwohuba obutuki bwae, butuki bw'endaalo choosi, haandi obwaami bwae, buyiindira endaalo choosi;

Danieli 7:21

“Nindali nisitingaalaanga, mani olwiika olwo niluchaaka ebiita neende aboolerefu ba Nasaae, mani nilubayiingira,

Danieli 7:25

Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Danieli 8:14

Mani n'amukobolamo ati: “Byahabeeo ohumala ebiha byoola engoloobe neende echuli elifu chibiri neende emia chidatu (2,300). Abuundu woolerefu n'akoboswa mu luyaali lwaayo lwalichiingiwo hale.”

Danieli 8:24

Yahabe neende obunyala, nae sibwahabe koti obw'omutuki wataangira ohubaao bane bano nibasisiiri. Omutuki oyo yahaleete ohusihirira hutiisa muno. Yahahole buli siindu sy'adaha, haandi yahasihirise abaandu b'amaani, neende aboolerefu ba Nasaae beene.

Luka 21:14

Mani sakira mumanyire elalira mu myooyo kyeeng'we, mutachaaka ohukana-kana hale nibitoola koti lu muba muchia ohukobolamo ebiteebo;

Luka 21:24

bachia ohwiitwa neende obusoonjo bw'engaanga haandi bayirwe mu jeela mu byaalo biindi byoosi; mani Yerusalemu sichia ohuseenakirwa mu makulu neende Bateende, ohwoola lu ndaalo ch'Abateende chiriweera.

Amalako Kohubiri 26:19

Omwaami achia ohubahusa ohuhira ebyaalo biindi byoosi bi yaloonga, mu huhukinisibwa haandi mu huhufumisibwa neende mu luyaali. Muchia ohubechaanga abaandu boolerefu eyiri Omwaami Nasaae weeng'we, koti lu yasuubisa.”

Amalako Kohubiri 32:36

Olwohuba Omwaami aliheengerao abaandu bae omusaango mani yakwiira esisa eyiri abahalaabani bae, niyahabona ati boosi baweeremo amaani, mani omuwaambe neende omulehuule nasilala nibaweeremo elalira amaani.

Amalako Kohubiri 32:40

Olwohuba siingisa amahono kaange eyiri Ekulu, mani ndeechuba nimboola endi, Koti lu ndi omulamu endaalo choosi,

Amalako Kohubiri 7:6

“Olwohuba niing'we abaandu boolerefu eyiri Omwaami Nasaae weeng'we; Omwaami Nasaae weeng'we yabadoola ohutula hu njia chiri hu syaalo syoosi mube abaandu bae beene.

1 Petero 2:9

Nae eng'we muli abaandu badoolebwa, abalaamisi, enyuumba njolerefu, abaandu ba Nasaae beene, hu munyale ohufumia emirimo kya Nasaae kiwukisa, ba Nasaae yalaanga ohutula mu siirima ohwiingira mu bulafu bwae bulai butalomwalomwaho.

Ohubwiihulirwa 12:14

Nae omuhasi oyo yabereswa embaya chibiri ech'eeswi hoongo muno, hwaanyale ohubburuha achie ewae mu siparara, yi yali naachia ohuliindirwa bulai, hulw'embaka y'emyaaka kidatu neende esituundu, yi Syuuhira-banaabi atanyala ohumuseeta yamwoolaho.

Ohubwiihulirwa 12:6

Omuhasi oyo yeyiruhira yaacha mu esiparara, eyiri abuundu yi Nasaae mweene yamutekeherayo, yi yali n'achia ohuliindirwa bulai ohumala embaka y'endaalo elifu ndala neende emia chibiri neende amahumi kasaasaba (1,260).

Ohubwiihulirwa 13:5

Esisolo esyo syafukiirirwa ohulomalomaanga nisyefumya muno, nisinyeka Nasaae, haandi syeecha syafukiirirwa ohuba neende obunyala obwo, hulw'embaka y'emyoosi amahumi kane amalaamba.

Ohubwiihulirwa 4:10

abahuluundu amahumi kabiri-na-bane bala bakwa aasi mu moni w'oyo owihaale hu sisaala sy'obutuki, nibamwiinamira, oyo ochia ohubaao endaalo choosi. Basukuna ekofia chaabwe ch'obutuki aasi mu moni w'esisaala sy'obutuki esyo nibaboola bati,

Ohubwiihulirwa 4:9

Ebiloonge bilamu bine ebyo, byeemba enyembo ch'oluyaali, esitiibwa alala neende ohweebasaanga, nibyeembera oyo owihaale hu sisaala sy'obutuki, olibaao omulamu endaalo choosi. Nae nibiri ohuholaanga bityo,