Danieli 12:4 - EBBAIBBO EMBOOSI YA NASAAE

⁴ Nae ewe Danieli, liinda omulaanga kuno mu bweekisi, haandi geeng'a esifuundiho hu sitabo sino, ohwoola hu biha by'enjakamo. Abaandu baangi baheeruhe nibachia eno neende era, haandi ohumanya ebiholehana hwahemeede.”

Danieli 12:4 Iomraidhean Croise

Yisaaya 11:9

Haba siyahabeeo ohunyaala hwoosi kata sa ohusihirisa hu lugulu lwa Siyooni lwa Nasaae lwoolerefu; olwohuba esyaalo syoosi syahabe nisichuule ohumanya Omwaami koti lu maachi keechula mu nyaanja.

Yisaaya 29:11

Mani amahuluundu koosi ak'embonehera yino, eng'we kabeeholeere koti emboosi ch'esitabo sibaboyereho esifuundiho. Mani nibasiberesa omuundu omanyire ohusoma, nibaboola bati, “Soma sino,” akobolemo ati, “Haba siinyala, olwohuba siboyerweho esifuundiho.”

Yisaaya 30:26

Hu ludaalo lu Omwaami yahaboyereho ebinyubulule by'abaandu bae, mani yawonia ebikoonjo byaabwe, omwoosi kwahaaduhe koti elyuuba, haandi obulafu bw'elyuuba bwahabe obuungi, koti obulafu bw'endaalo chitaanu-na-chibiri mu ludaalo lulala.

Yisaaya 32:3

Emoni ch'abaandu babona haba sichahaliimbe chaahaya ohubona ebiindu bi baandu badaha, haandi amatwi k'abaandu bawulira haba sikahadiimbe baahaya ohuwulira bi baandu bababoolera.

Yisaaya 8:16

Eng'we abaloondi baange, mudiirire elalira ebiindu bindabeekesa, haandi mwomiise endagaano yaange.

Yeremia 5:1

Abaandu bomu Yerusalemu, mwiiruhe nimweebodoohania engira chomu siko syeeng'we. Tingaale mwehaliirise. Koonye mu bituundu byasyo mani mubone nimwahanyoola hoomo omuundu kata mulala, ohola ebiluungifu haandi okoonya obwadyeeri. Nimunyoolamo, Omwaami achia ohuleheramo Yerusalemu.

Danieli 10:1

Mu mwaaka kwohudatu okw'obutuki bwa Sairasi, omutuki wa Perisia, omulaanga mani nikubonehera Danieli, owali niwakulihwa eliita mbwe Bbelitesaasa. Ohubwiihulirwa ohwo hwali ohwadyeeri, haandi ohudinyu muno ohumanya. Mani Danieli n'amanya amahuluundu kakwo muhuboneherwa.

Danieli 10:14

Mani bulaanu njichire ohuhuboolera omanye ebyahakwe hu baandu bao mu ndaalo chichiaayo. Olwohuba ebiindu bi wabona muhuboneherwa, by'endaalo chichiaayo.

Danieli 10:21

Nae njia ohuhuboolera ebyandiikwa mu sitabo sy'obwadyeeri. Abulao owuundi owahoonyaho ohubalwaania, ohumalaho Mikaeli, malaika omuliindi wa Yisiraeli.

Danieli 11:33

Mani mu baandu abo, mwahabeemo abakesi baangi abalikerakira abasyaabwe, kata yahaba mbwe bahamale esiha abaandi hu abo baheeterwe mu biita, mani abaandi nibafwa nibasaambwa omuliro, haandi abaandi nibadiirwa mani bayirwa mu jeela.

Danieli 11:40

Mu biha by'enjakamo nibyahabe aambi ohwoola, omutuki w'emwaalo mani aliseeta. Nae omutuki w'emukulu alitulayo koti esiifuusye mani amulwaanie neende amaani kae koosi, niyehoonyera ebigaari neende abeerusi b'efaraasi, haandi neende emeeri nyiingi muno. Aliseeta ebyaalo biingi muno, mani yabibitamo n'ahuluukusa koti amaachi k'omuhula.

Danieli 12:13

“Nae ewe Danieli, ba omweesikwa, ohwoola hu njakamo. Ohufwa, nahwo ochia ohufwa, nae wahasyuuhe, mani nonyoola omukabo kwao, mu biha by'enjakamo.”

Danieli 12:5

Ese Danieli, mani nitingaala, mani bone, ndabona abaandu baandi babiri nibeemere hu genya ly'omwaalo, mulala hu genya ly'eno, nae owuundi hu genya ly'era.

Danieli 12:9

Nae yangobolamo ati: “Ewe Danieli, ndiira engira yao mani oweeo, olwohuba amahuwa ako k'ohuliindwa mu bweekisi, haandi kateerweho esifuundiho, ohwoola hu biha by'enjakamo.”

Danieli 8:17

Mani n'asuda aambi w'abuundu yi ndali ninyemere. Nae niyeecha, obuti bwandiira mani niingwa aasi mafumaame. Nae niyaamboolera ati: “Ewe omwaana w'omuundu, manya oti, ebihuboneheere bidiira hu ndaalo ch'enjakamo.”

Danieli 8:19

Mani n'aboola ati: “Bona, njia ohuhweekesa omanya ebyahabeeo etima lya Nasaae nilikwireo. Ebiindu bi obweene bidiira hu biha byatekehwa ohuba eby'enjakamo.

Danieli 8:26

Haandi ohuboneherwa hudiira hu ebiha by'engoloobe neende echuli, hwadyeeri nihwo. Nae ewe, ebiri muhuboneherwa ohwo, biliinde koti eby'engiso muno, olwohuba bidiira hu siha sihoongo syahabiteo, hu bimale byolerere.”

Matayo 24:14

Haandi Emboosi Ndai y'Obwaami bwa Nasaae buno, yichia ohuyaalwa mu syaalo syoosi, sibe esyohuboneraho eyiri abaandu boosi, hu njakamo y'esyaalo yimale yoole.

Abarooma 10:18

Nae ndeeba endi: Syadyeeri siti haba sibawulira emboosi? Ngandi bawulira olwohuba koti ebyandiiko byoolerefu biboola biti: “Ekono lyaabwe lyawuliirihana ohwoola mu syaalo syoosi; emboosi chaabwe choola yi syaalo syaakama.”

Ohubwiihulirwa 10:4

Nibalomaloma sa bati, syesi ndali nindetekeehe ni ndi aambi ohuchaaka ohwandiika. Nae ndawulira ekono nililomaloma nilitula Muukulu niliboola liti, “Kisa bi hwaaduluhana amahabi kataanu-na-kabiri kano kaboolere. Otabyandiika daawe!”

Ohubwiihulirwa 22:10

Haandi malaika oyo yamboolera ati, “Otakisa emboosi ch'obunabbi ch'esitabo sino koti esyaama daawe, olwohuba ebiha biri aambi, bi biindu bino bichia ohweholehaniramo.

Ohubwiihulirwa 5:1

Ese ndabona esitabo sisiriingise mu muhono muluungi kw'oyo owihaale hu sisaala sy'obutuki. Olupapula olwo, lwali niluliho obwandiike hu nyaande choombi, haandi lwali niluli syaboywa neende ebifuundiho bitaanu-na-bibiri.