Danieli 12:2 - EBBAIBBO EMBOOSI YA NASAAE

² Mani abaangi hu baandu baafwa, bahasyuuhe. Abaandi bahasyuuhe mu hwesiima hw'obulamu butaakama, nae abaandi bahasyuuhe mu husaanda hw'esoni neende ohulekeereswa hw'endaalo choosi pe.

Danieli 12:2 Iomraidhean Croise

Engaado 12:8

Omuundu mwehaliirisi asiimwa, nae ow'ebibaaso bidoondobanu alekeereswa.

Yisaaya 26:19

Abaandu bafwa bahakobolemo obulamu, emibiri kyaabwe kyahasyuuhe. Eng'we mweesi abachia emakoombe, siingire mani mweembe hulw'esangaalo! Koti olume ludoonya mani lwaanyisa eloba, nilwo lu ewe Omwaami wahakaluse obulamu mu baandu bao bafwa.

Yisaaya 66:24

“Mani nibahabe nibatulayo, bahaboneenge emilaambo ky'abaandu banjeemera. Olwohuba enyeende chikirya haba sichahafwe daawe, haandi omuliro kukisaamba haba sikwahasiime daawe. Mani kyahabe esitiisa eyiri abaandu boosi.”

Yeremia 20:11

Nae Omwaami ali hu lwaande lwaange koti omulwaani w'amaani; mani sakira, abaanyiingania nibo abachia ohunyiingirwa, haba sibachia hunyiingira daawe. Esoni chichia ohubadiira muno, olwohuba haba sibachia hunyiingira daawe. Bahadiirwe esoni endaalo choosi mani haba sibaheebirire daawe.

Esekeeli 37:12

Mani sakira laangirira, obaboolere oti, ‘Omwaami Nasaae aboola ati: Eng'we abaandu baange, njia ohwiikulao eng'ani cheeng'we mani mbatusemo. Njia ohubakobosayo mu syaalo sya Yisiraeli.

Hosea 13:14

Mani ese haba siinjia ohuwonia abaandu bano ohubatusa eyiri emakoombe oba ohubawonia ohutula hu maani k'ohufwa daawe. Leete ebinyaaso byeeng'we ebyo, kata neende ohufwa hweene! Leete ohusihirira hweeng'we ohwo, kata neende esyaalo sy'abafwa syeene esyo! Ese haba haandi siinjia ohukwiraanga esisa abaandu bano daawe.

Matayo 25:46

Mani abafwaana batyo bachia ohutula ao, beengire musinyaaso esitaakama, nae abaholaanga ebihoyera batyo bahachie mu Bulamu butaakama.”

Ebiholwa 24:15

ni ndi neende esuubi mu Nasaae li beene bano bosi bafukiirira, mbwe yichia ohubaao ohusyuuhira ohw'abaandu baluungifu neende abataali abaluungifu.

Ebiholwa 7:60

Sitefaano yasigama aasi, yaalira neende ekono hoongo muno n'aboola ati, “Omwaami, otababaliraho esyonoono sino daawe.” Niyali niyahamala sa ohulomaloma atyo, yaakwiisa omwooyo.

Abarooma 9:21

Omuundu oloonga endamu ngaandi ali neende obunyala bw'ohwehoonyera eloba koti lu mweene adaha. Haandi anyala ohuloonga endamu chibiri ohutula mu loba nasilala, anyala ohuloonga endamu ndala eyohwehoonyerwa hu miholo mihuluundu nae eyiindi eyohwehoonyera mu ngeri ya buli ludaalo.

1 Abatesalonika 4:14

Olwohuba koti lu hufukiirira huti Yesu yafwa haandi yaasyuuha, nilwo sa lu hufukiirira huti, Nasaae achia ohukobosera alala Yesu neende abo abafwa nibamufukiiriramo.

Ohubwiihulirwa 20:12

Mani ndabona abafu, abahoongo neende abadiidi sidubaanie, nibeemere mu moni w'esisaala esyo. Ebitabo byabwiihulwa, mani haandi esitabo siindi syosi syabwihulibwa, esitabo sy'abalamu. Abafu beecha baheengerwa emisaango ohweema hu biindu bi bali nibaholaanga, koti lu byali byandiikibwa mu bitabo ebyo.