Danieli 12:11 - EBBAIBBO EMBOOSI YA NASAAE

¹¹ Mani ohutula lu siyaanwa sisaambwa sya buli ludaalo lu syatuswao, mani nibataao eby'omusiro byebwaabwa, wahabiteo endaalo elifu ndala neende emia chiri neende amahumi kataanu-na-kane (1,290).

Danieli 12:11 Iomraidhean Croise

Ohutula 29:38

“Buli ludaalo, endaalo choosi echiicha, yanaangayo hu alutaari amakoondi madoto kabiri akamalire omwaaka mulala.

Esekeeli 4:6

Niwahamaleho endaalo echo, waheyalise ehabi lyoohubiri, nae hu muhono kwao muluungi, mani wedwiihe ohusaanda hw'esyaalo sya Buyudaaya, hubereese embaka y'endaalo amahumi kane, buli ludaalo lwaakane neende omwaaka kw'ohusaandiraho hwaabwe.

Danieli 1:12

“Hwekweeda oteemeho abahalaabani bao embaka y'endaalo ehumi; leha batubereseenge elyaani lyoong'ene ohulichaanga, neende amaachi koong'ene ohung'wechaanga.

Danieli 11:31

Abasikaari bae baandi baheeche mani nibahola eby'esifwaabi mu Nyuumba ya Nasaae neende esiko syasyo sigumu. Mani balihola esy'omusiro syebwaabwa.

Danieli 7:25

Yahalomalome bubi hu Oyo ow'Aakulu Muno, haandi yahafwiinyirire aboolerefu ba Oyo ow'Aakulu Muno. Mani yahateemeho ohukaluuhania ebidyaalo by'endaalo huluundu neende amalako k'ediini. Mani yahatuke aboolerefu abo hulw'embaka ndala, hulw'embaka chibiri, neende esituundu sy'embaka.

Danieli 8:26

Haandi ohuboneherwa hudiira hu ebiha by'engoloobe neende echuli, hwadyeeri nihwo. Nae ewe, ebiri muhuboneherwa ohwo, biliinde koti eby'engiso muno, olwohuba bidiira hu siha sihoongo syahabiteo, hu bimale byolerere.”

Danieli 9:27

Mani omutuki oyo yahahole neende abaandu baangi endagaano y'amaani hulw'embaka y'ejuma ndala. Mani akatikaati w'ejuma eyo, yahaakamye ebiyaanwa neende ebilweeyo. Mani aakulu weene w'abuundu woolerefu, oyo osihirisa yahateeo esy'omusiro, ohwoola lu njakamo eyamutekeherwa lu yahoole.”

Hosea 3:4

Mani ni mu ngira yino yoong'ene, nimwo mu baandu ba Yisiraeli bahoyere ohumenyeramo, ohumala esiha sireeyi nibataali neende omutuki yeesi oba omwiimirisi yeesi, ataali ohuyanaangayo ebiyaanwa byoosi, oba nibataali neende amakutu k'amakina moolerefu, ataali ebiloongaloongwe oba ataali ebiloongaloongwe byoosi eby'ohwehoonyerwaanga mu bulakusi.

Matayo 24:15

“Mani nimubonaanga amatiichasi k'amasira k'omunabbi Danieli yalomalomaho hale niketeengeehe abuundu woolerefu, (leha omuundu osoma emboosi chino, amanyirise amahuluundu kachio),

Mariko 13:14

“Nae n'obonaanga esiindu sibi muno nisyeemere yi sitahoyere ohuba, (leha omusomi amanye amahuluundu ka sino), mani mulehe abo abali mu Yudea beeruhire mu ngulu;

Ohubwiihulirwa 11:2

Nae otakera ebiseenge biri erwaanyi daawe, olwohuba ebyo byamala ohubeereswa abakafiiri, abanaaseenakire Esiko Syoolerefu hu mbaka y'emyoosi amahumi kane-na-kibiri emilaamba.

Ohubwiihulirwa 12:6

Omuhasi oyo yeyiruhira yaacha mu esiparara, eyiri abuundu yi Nasaae mweene yamutekeherayo, yi yali n'achia ohuliindirwa bulai ohumala embaka y'endaalo elifu ndala neende emia chibiri neende amahumi kasaasaba (1,260).

Ohubwiihulirwa 13:5

Esisolo esyo syafukiirirwa ohulomalomaanga nisyefumya muno, nisinyeka Nasaae, haandi syeecha syafukiirirwa ohuba neende obunyala obwo, hulw'embaka y'emyoosi amahumi kane amalaamba.