Danieli 12:10 - EBBAIBBO EMBOOSI YA NASAAE

¹⁰ Abaandu baangi bahooswe abeene mani nibalafuya, mani nibakobola abayaaha. Nae abonooni, bahemeede sa ohwonoona, haandi abulao owahamanye; nae abahabe neende amakesi, bahamanye.

Danieli 12:10 Iomraidhean Croise

Esabbuli 107:43

Omuundu mukesi yeesi, leha ate omwooyo hu biindu bino; lehe abaandu babaaseenge hu buheeri bw'Omwaami.

Esabbuli 51:7

Nduseho esyonoono syaange, ndiinyulule muno, ndabe; njose, mani ndabe ohuhiraho enyaange.

Engaado 1:5

Omuundu mukesi n'achiwulira, yemeeda ohweeka, haandi chikerakira omuundu owulila,

Yisaaya 1:18

Omwaami aboola ati, “Bulaanu mwiiche huteesere alala; kata ebyonoono byeeng'we abyahaba ebyaahanyu koti amabaanga, bichia ohulaba bibe koti amakina k'efula; kata abyahaba nibyatalaga byahanya muno, bichia ohulaba bilafuye koti enyaange.”

Esekeeli 36:25

Njia ohubaanyusiraho amaachi, mani mbalabye mbatuseho obuchaafu bwoosi, neende ohwiinamira ebiloongaloongwe.

Esekeeli 47:11

Nae amaachi komu bidiba neende akomu saa; kahadoong'eenge nikalimo omuunyu. Haba sikahooywe kaatereeswa daawe.

Danieli 11:33

Mani mu baandu abo, mwahabeemo abakesi baangi abalikerakira abasyaabwe, kata yahaba mbwe bahamale esiha abaandi hu abo baheeterwe mu biita, mani abaandi nibafwa nibasaambwa omuliro, haandi abaandi nibadiirwa mani bayirwa mu jeela.

Danieli 11:35

Mani abaandi hu baandu bakesi baheetwa, nae esyahatulemo, abaandu bahatereeswe haandi balabiswa; mani nibatuswaho embala choosi, ohwoola esiha sy'enjakamo, si Nasaae mweene yatekeha.

Danieli 12:3

Nae abakesi, bahaaduhe koti ohwaaduha hwomu kulu, haandi abo abeekesaanga abaandu baangi ohuhola ebiindu by'obuluungifu, bahamesa-mesane koti eng'ining'ini endaalo choosi pe.

Hosea 14:9

Abo abakesi bahoya baanyala ohumanya esiiba nisyaandiikwa ano sino, haandi bahoya baasita mu myooyo kyaabwe. Olwohuba engira ch'Omwaami choosi nichio echihoyera, mani abaandu baluungifu babaao hulwohuchilondaangaho, nae abonooni beegumulaanga sa mani bamala bakwa, olwohuba sibachifwichaangaho daawe.

Sekaria 13:9

Mani naange male heme esituundu silala hu bidatu esinaba nisidoong'ereo, mani mba chweenule koti lu feesa yichwenulwaanga neende omuliro. Ese njia ohubateeema koti sa esaabbu yitemwaanga. Mani hu banyale ohunaamaanga, mani naange nyaleenge ohubakobolaangamo koti lu badaha. Njia ohubaboolera endi, abo baandu baange nibo, mani nabo beeyame bati ese ndi Nasaae waabwe.”

Malaki 3:3

Yaheehale hu esisaala ohuheenga omusaango, naali koti oyo owoosa haandi olabya efeesa. Koti omwiitaanyi w'ebyuuma olabya efeesa neende esaabbu, nilwo lu Omwaami yahalabye abaana ba Leefi ohwoola lu bahayaanire Omwaami ebiyaanwa bihoyera.

Mariko 4:11

Nae Yesu yababoolera ati, “Eng'we niing'we ababereswa ehabi y'ohumanya esyaama sy'Obwaami bwa Nasaae, nae abaandu b'erwaanyi, buli siindu siri sa mu ngaado;

Luka 24:25

Nae Yesu yababoolera ati, “Bae eng'we, nga muli abasiru, haandi emyooyo ky'eng'we nga chihiinda ohufukiirira ebyo byoosi bi banabbi baboola!

Yowaana 18:37

Pilato yamuteeba ati, “Syeekesa oli omutuki?” Yesu yakobolamo ati, “Oboola oti ndi omutuki. Olwohuba sino nisyo esyakera ndeebulwa, haandi nisyo eyakera ndeecha hu syaalo, ohweekesa obwadyeeri. Buli muundu odaha obwadyeeri, awulira ekono lyaange.”

Yowaana 7:17

buli omuundu odaha ohuhola bi Nasaae adaha, achia ohumanya ati enjekesa yino yitula eyiri Nasaae oba ndi ohulomaloma hulw'obunyala bwaange omweene.

Yowaana 8:47

Oyo owa Nasaae, awulira emboosi cha Nasaae. Esifune sikera mwahaya ohuwulira emboosi cha Nasae, olwohuba eng'we haba simuli aba Nasaae.”

1 Abakoriito 6:11

Abaandi mweeng'we mwabechaanga mutyo hale. Nae kali mbwe eng'we mwamala ohwooswa, mwaalabisibwa, mwoola ohuholwa abahoyera mu liita ly'Omwaami Yesu Kristo haandi neende mu Mwooyo wa Nasaae weefwe.

2 Abakoriito 7:1

Koti lu huli neende ebisuubise bino, abaheerwa, mulehe hweeyoseho buli syonoono sy'omubiri neende esy'omwooyo, mani huhole obwoolereere mu hutya Nasaae.

Tito 2:14

Kristo yeyaanayo hulweefwe mani yaatununula mu bibi byoosi, haandi neende ohutulabya hube abaandu bae aboolerefu beene, haandi abadaha huhola ebiindu bilai.

Abaibburania 12:10

Baseefwe abo bateemaho ohutukolola hulw'esiha sidiidi koti lu babona bati silai yi bali ohutukolola. Nae Nasaae atukolola natusaandya hulw'obulai bweefwe, hwaanyale ohutukabaho hu bwoolerefu bwae.

1 Petero 1:22

Nae koti bulaanu muli abanyirifu booswa hulw'ohuwulira obwadyeeri, haandi eng'we muli neende obuheeri bulamu eyiri abafukiiriri basyeeng'we, mani muheeranire elalira neende emyooyo kyeeng'we kyoosi.

1 Petero 1:7

Ohusaandisibwa huno hweecha neende esichiiririrwa esy'ohuteema efukiirira yeeng'we. Kata esaabbu yinyaasiha yosi yiteemwa neende omuliro. Sakira efukiirira yeeng'we eyiri neende engaanga nyiingi ohuhira esaabbu, yosi yihoyere ohuteemwa, huyinyale ohubonehana niyiri enyomiifu yadyeeri. Ao mani niwo yi Nasaae achia ohubafumia neende ohubaberesa oluyaali neende esitiibwa hu Ludaalo lu Yesu Kristo yaheyekesereho alafu.

1 Yowaana 5:20

Humanyire huti Omwaana wa Nasaae yamala ohwiicha, haandi yatuberesa amakesi kakera hwaamanya omuundu wadyeeri. Humenya mu bulala neende Nasaae wadyeeri mu bulala, neende Omwaana wae Yesu Kristo. Wuno niye Nasaae waadyeeri mweene, haandi niye obulamu butaakama.

Ohubwiihulirwa 16:11

mani nibachaaka ohubwaaba Nasaae wo Muukulu, ohweema hu buchuuni bwali nibubachuuna, alala neende amabubuuto keene. Nae haba sibakaluuhana baatula hu ngira chaabwe mbi.

Ohubwiihulirwa 19:14

Amaye koosi akali Muukulu kali nikamuloondaho, nikeruhira hu faraasi charachaari haandi nibefwaalire engubo ch'elaasi ndafu muno.

Ohubwiihulirwa 19:8

Amalire ohubeeresebwa engubo ch'elaasi ndafu chimilamilana ohwefwaala.” (Engubo ch'elaasi nicho ebiholwa bilai by'abaandu ba Nasaae.)

Ohubwiihulirwa 22:11

Omuundu yeesi omuhola-mbi leha yemeede ohuholaanga ebyonoono, haandi oyo yeesi, omubi leha yemeede ohuba omubi. Nae omuundu yeesi oli omulai, leha yemeede ohuholaanga ebilai, haandi oyo yeesi oli omwoolerefu, leha yemeede ohubechaanga omwoolerefu.”

Ohubwiihulirwa 3:18

Mani ndi ohubakerakira ohuungulaho esaabbu, esaabbu yitaalihoomo ahakoha daawe, hu munyale ohuba abayiinda. Haandi mukule neende engubo charachaari ohwefwalaanga abeene mani munyala ohubwiiha hu syeekenye sy'esoni syeeng'we esyo. Haandi kuleho amafuta k'ohubahaho hu moni cheeng'we echo, hu munyale ohubona bulai.

1 Samueli 24:13

Omanyire bulai olukaado lu bahale bakaada bati, ‘Omubi yeeng'ene niye ohola esibi.’ Mani ese haba siinjia huhuholaho esibi syoosi daawe.