Danieli 12:1 - EBBAIBBO EMBOOSI YA NASAAE

¹ Mani malaika niyemeeda ohumboolera ati: “Mu ndaalo echo, Mikaeli, malaika muhuluundu, omuliindi w'abaandu, aliboneha. Mani wahabeeo ebiha by'ohusaanda hutabechaangao ohuli hutyo otula ebyaalo lu bibechaangao. Nae mu biha ebyo, abaandu boosi ba meeta kaabwe kahanyoolwe nikandiikwa mu sitabo, bahaonisibwe.

Danieli 12:1 Iomraidhean Croise

Esabbuli 56:8

Ewe omanyire bulai bweene amahabi kabasaandiisye; omanyire obuungi bw'amasika kaange! Haba siwakaandiika mu sitabo syao?

Esabbuli 69:28

Leha abo basaangulwe mu sitabo sy'abalamu; leha abo bahaye ohwandiikwa alala neende abaluungifu.

Yisaaya 4:3

Haandi buli muundu yahabe nadoong'ereo mu Siyooni, mani yadoong'a mu Yerusalemu, yahalaangwe omwoolerefu, buli muundu yahabe naloonderwe ohuba omulamu mu Yerusalemu.

Yisaaya 9:7

Ohwemeeda hw'obutuki bwae neende omuleembe ku yahaleete haba sibyahabeeho enjakamo. Yaheehale hu sisaala sy'obutuki sya Daudi, haandi yaatuka obwaami bwae, ohubutaao, neende ohubwomiisa hu bwadyeeri neende obuluungifu ohutula lu yahachaake ohutuka endaalo choosi. Omwaami w'Obunyala niye ochia ohuhola bino byoosi.

Yeremia 30:10

Mani eng'we abaandu baange, mutatya daawe. Eng'we Abaisiraeli, muteyendeherera daawe. Olwohuba bone, njia ohubawonia mani mbatuse mu syaalo sy'eyale, neende abaana beeng'we ohutula mu syaalo sibaboyerwamo. Abaandu baange bahakobole mani baaba mu bulamu bulai haande obw'omuleembe, mani abulao owahabatiise haandi.

Yeremia 30:7

Woowe! Oludaalo olwo luhuluundu muno lubulao oludaalo luundi oluli koti olwo. Lwahabe olw'amasira eyiri abaandu ba Yakobbo. Nae bahaluwone.

Esekeeli 13:9

Njia ohusaandya abanabbi abo ababoneherwaanga ebitaaliwo daawe, haandi abatusaanga obunabbi bw'obubacha bwoong'ene. Haba sibacha ohubechaanga yi baandu baange baba nibebuusira ohukerakirana. Haandi ameeta kaabwe haba sikahaandiikwe mu k'abaandu bomu syaalo sya Yisiraeli, haandi haba sibaheengire mu syaalo sya Yisiraeli. Ao niwo yibahamanyire bati Niise Omwaami Nasaae.”

Esekeeli 34:24

Ese Omwaami, ndahabe Nasaae waabwe, haandi omuhalaabani waange Daudi yahabe omutuki waabwe. Ese Omwaami, Niise olomaloome.

Esekeeli 5:9

Mani olw'ebiindu bi tadaha byoosi bi mwahola, njia ohusaandya Yerusalemu muno koti ndali nisisiiri ohuholaho endyo, haandi si ndahahole endyo ehabi liindi.

Danieli 10:13

Nae omuhuluundu w'obutuki bwa Perisia yamala endaalo amahumi kabiri neende lulala niyanyiinganianga. Nae, Mikaeli, mulala hu bamalaika bahuluundu, yeecha mani yahoonya. Mani nimuleha ao neende omuhuluundu w'obutuki bwa Perisia.

Danieli 10:21

Nae njia ohuhuboolera ebyandiikwa mu sitabo sy'obwadyeeri. Abulao owuundi owahoonyaho ohubalwaania, ohumalaho Mikaeli, malaika omuliindi wa Yisiraeli.

Danieli 11:45

Mani alyoombaha amayeema k'ekaambi yae akatikaati w'enyaanja neende Olugulu Lwoolerefu lw'Oluyaali. Nae yesi yahoole hu njakamo yae, n'abulao yeesi omuhoonya.

Danieli 7:10

Mani omwaalo kw'omuliro nikuhulukusa nikutula yaali. Mani mu moni wae waliwo abaandu elifu neende elifu abamuhalaabaniraanga, haandi elifu ehumi amahabi elifu ehumi nibeemere mu moni wae. Ao mani omusaango nikuchaaka ohuwulirwa, mani ebitabo nibikulwao.

Danieli 9:12

Ewe Nasaae, woseresa emboosi chao chi walomaloma hw'efwe, neende hu batuki beefwe, mani n'otuleetaho amasira maangi katyo. Olwohuba hu syaalo syoosi, sibulao esiindu syeholaanga koti esyo sy'oholere hu Yerusalemu.

Yoeli 2:2

Oludaalo olwo luliba olw'esiirima neende olw'ohweyendeeherera, oludaalo lw'ebiresi-resi neende olw'esiirima sya titititi. Eye hoongo ly'esike, liicha niliri koti esiirima sibwiihire hu lugulu. Haba sichibechaangao esike nyiingi koti chino, noomba sichahabeeo esike nyiingi koti chino. Emyaaka neende emyaaka kyoosi pe.

Malaki 3:16

Ao mani abo abatya Omwaami, abeene-na-beene balomaloma nibaboola bati, Omwaami yaatekeeresa haandi yaabawulira. Mani mu moni wae yalimo esitabo esyandiikwa ohwiichulisaho abo abamutya haandi abamwiisamo oluyaali.

Matayo 24:21

Olwohuba ebiha ebyo ohusaanda hwamakana huchia ohubaao ohutabechaangahoo ohutula esyaalo nisiloongwa ohwoola bulaanu buti, haandi sihwahabeeo ehabi liindi daawe.

Mariko 13:19

Olwohuba mu ndaalo echo, muchia ohubaamo ebinyaaso bitabeechaangao hooho ohutula muhuchaaka hw'esyaalo si Nasaae yaloonga ohwoola buti, haandi haba sibyahabeeo haandi endaalo choosi.

Luka 10:20

Nae kata katyo, mutasangaala olwohuba ebihyeeno bibaulira; nae musangaale olwohuba ameeta keeng'we kandiikwa Muukulu.”

Abarooma 11:15

Olwohuba nibasukunwa erwaanyi, abaandu baandi boosi bakaluuhanisibwa baahaya ohuba abasuku ba Nasaae beehola abeecha bae. Syahabe sitye nibafukiriirwe? Bwahabe obulamu eyiri abafwa!

Abarooma 11:26

Haandi yino niyo engeri yi Yisiraeli yoosi yichia ohunyooleramo obuwonia. Koti lu byandiiko byoolerefu biboola biti, “Omuwonia achia ohutula mu Siyooni haandi atuse ebyonoono byoosi mu beechuhulu ba Yakobbo.”

Abaefeso 1:21

obuli aakulu muno ohuhira obutuki bwoosi neende obunyala bwoosi, neende amaani koosi, neende obuhunuufu bwoosi, haandi neende aakulu ohuhira buli liita lyoosi elikulihwaanga, ataali mu ndaalo chino choong'ene, nae neende mu ndaalo chiichayo;

Abafilipi 4:3

Haandi ndi ohubasaba eng'we mwesi, abahalaabani basyaange, muhoonye abahasi bano, olwohuba bahalaabana boombi nibahoonyana naange mu huyaala Emboosi Ndai alala neende Kelemeeti neende abahalaabani baange badoong'ereyo, ba meeta kaabwe kali mu sitabo sy'obulamu.

Yuda 1:9

Kata Mikaeli malaika muhuluundu haba siyateemaho ohunyeka Sitaani niyehoonyera emboosi mbi. N'asoolana neende Sitaani, nibayiingana hu bidiira hu wiina mweene onaayire omubiri kwa Musa, yaboola ati, “Omwaami mweene ahwoolobye!”

Ohubwiihulirwa 1:5

Haandi embabaasi neende omuleembe bitula eyiri Yesu Kristo, omuloli mweesikwa mweene, owataangira ohusyuuhiswa ohutula mu hufwa, haandi omutuki w'abatuki bohu syaalo, bibe naang'we. Yesu Kristo yatuheera, haandi ohweema hu hufwa hwae hw'ohweyaanayo, yatuboolola ohututusa hu bibi by'efwe.

Ohubwiihulirwa 12:7

Mani bulaanu ebiita byeecha byakwaao Muukulu. Mikaeli alala neende bamalaika bae bali nibalwaania esisyuuhira-banaabi esyo, owali yesi n'alwaania neende bamalaika bae.

Ohubwiihulirwa 13:8

Abaandu boosi abamenya hu syaalo huno bachia ohusiinamiraanga, ohutusaho abo ba meeta kaabwe kamala ohwandiikwa, kata neende ohuloongwa hw'esyaalo nihutabaao, mu sitabo sy'abaandu balamu, esy'Ekoondi doto lyeetwa.

Ohubwiihulirwa 17:14

Abeene bano bachia ohulwaanakania Ekoondi doto, nae Ekoondi doto elyo, alala neende abalaange bae, abadoole bae, haandi neende abaloondi beesikwa bae, bachia ohubayiingira, olwohuba oyo niye Omwaami w'abaami, haandi Omutuki w'abatuki.”

Ohubwiihulirwa 20:12

Mani ndabona abafu, abahoongo neende abadiidi sidubaanie, nibeemere mu moni w'esisaala esyo. Ebitabo byabwiihulwa, mani haandi esitabo siindi syosi syabwihulibwa, esitabo sy'abalamu. Abafu beecha baheengerwa emisaango ohweema hu biindu bi bali nibaholaanga, koti lu byali byandiikibwa mu bitabo ebyo.

Ohubwiihulirwa 20:15

Abo boosi ba meeta kaabwe kali nikatandiikwa mu sitabo sy'abalamu, basukunwa mu nyaanja y'omuliro eyo.

Ohubwiihulirwa 3:5

Abo boosi abayiingira bachia ohufwaalwa echa rachaari mu ngeri yino, haandi siinjia ohutusayo ameeta kaabwe ohutula mu sitabo sy'abalamu. Njia ohulaangirira alafu mu moni wa Laata yaange, neende mu moni wa bamalaika endi nibo abaandu baange.

Ohubwiihulirwa 7:14

Naange ndeecha ndamukobolamo endi, “Omuhuluundu, ese haba siimanyire daawe. Ngandi niiwe omanyire.” Nae yamboolera ati, “Bano nibo abaandu banyala ohubita bulai bweene mu husaandisibwa. Boosa amaganjuula kaabwe, mani baakahola kaaba rachaari nibehoonyera amabaanga k'Ekoondi doto.