Danieli 11:8 - EBBAIBBO EMBOOSI YA NASAAE

⁸ Mani aliyaaya banasaae baabwe betaanywa, haandi aliyaaya ebiindu byaabwe by'engaanga eby'efeesa neende eby'esaabbu, mani n'akobolayo nabyo Misiri. Mani alimala emyaaka miingi hooho n'ataseeta omutuki w'emukulu.

Danieli 11:8 Iomraidhean Croise

Ohuchaaka 31:30

Bulaanu mbao wiruuhe olwohuba wekoomba muno enyuumba ya laatao, nae lwasiina weeba banasaae bomu lwaanyi lwaange?”

2 Samueli 5:21

Mani Abafilisiti abo beeruha baawaao, baeleha enyuma ebiloongaloongwe byaabwe, Daudi alala neende abasaacha bae baabikiinga beweerao nabyo.

Ohutula 12:12

“Esiro syeene esyo, njia ohubita mu syaalo sy'e Misiri, ninjita buli syaamberi sisaacha, oba omuundu oba esisolo, haandi neende nisaandya banasaae ba Misiri boosi. Ese niise Omwaami.

Yisaaya 2:16

Omwaami achia ohwiibisa mu nyaanja emeeri cha Tarusiisi choosi, neende buli siindu sisangaasa ohubona syoosi.

Yisaaya 37:19

Basaamba banasaae babyo, abataali banasaae badyeeri, nae ebiloongaloongwe by'emihono ky'abaandu sa, ebiloongaloongwe by'embaao neende amakina; mani sakira byasihiriswa.

Yeremia 46:25

Omwaami w'Obunyala, Nasaae wa Yisiraeli, aboola ati: “Bone, njia ohusaandya Amoni, nasaae wa Tebbesi, neende omutuki wa Misiri, neende Misiri neende banasaae basyo, neende abatuki basyo. Njia ohusaandya omutuki wa Misiri neende abo abamweesika.

Danieli 10:3

Haba sindalyaaho ebyohulya bilai, haba sindahoombaho enyama yoosi oba esyohung'wa syoosi. Haandi sindebahaho amafuta omualira elalira ejuma chidatu echo choosi.

Danieli 11:9

Nae emyaaka echo nichiriba nichiweere, omutuki w'emukulu aliseeta omutuki w'emwaalo, mani naayiingirwa, mani n'ayiikwa ohukobolayo mu syaalo syae syeene.

Hosea 13:15

Kata neende Yisiraeli niyikinaakina koti omuboka, ese njia ohuleeta omuyaaka kw'ebukwe omubafu muno ohutulira mu siparara, mani kuchia ohwoomeresa amadiba keeng'we koosi, neende esulo cheeng'we choosi. Kuchia ohunyala ohumalao buli siindu syoosi esy'ebbei.

Hosea 8:6

Omuisiraeli mubaachi ngaandi niye owahola ebiloongaloongwe ebyo, nae haba si nasaae niye kata nabudiidi! Esurusi yinamirwaanga mu Samaria yichia ohusaasakulwamo ebituundu-tuundu!

Ohubala 33:4

nibali ohusihaanga abaana baabwe baamberi ba Omwaami yali niyeetere. Mu huhola sino, Omwaami yanyala ohweekesa ati yali neende obunyala ohuhiraho banasaae ba Misiri.

Amalako Kohubiri 12:3

Muchia ohulikula alutaari chaabwe, munyoonyobole amakutu kaabwe, haandi musaambe Aserimu byaabwe neende omuliro. Haandi muteme-temeenge ebifwaanani bya banasaae baabwe, mani musihirise ameeta kaabwe mukamale mu bituundu ebyo.

Abakayi 18:24

Miika nae yabakobolamo ati, “Naang'we mudaha mutye, ‘Sidinyu siina syeene?’” Eng'we mwiicha sa ano nimubukula omulaamisi waange alala neende banasaae bandeeholera omweene, nimumala mweehumbira mweweerao sa, siindu siina siimba nindoong'iisye enyuma?