Danieli 11:21 - EBBAIBBO EMBOOSI YA NASAAE

²¹ Oyo ofwaanana koti omuundu niyemeeda ohulomaloma naange n'aboola ati: “Mu bweyango sy'omutuki oyo, mwahakobolemo omuundu otahoyera ohuba omutuki.” Oyo yaheechie ataali ohulabula mani n'anyoola obutuki niyehoonyera obukodyo.

Danieli 11:21 Iomraidhean Croise

Esabbuli 12:8

Ababi batweebodoohaanie haandi buli muundu akinia ebiholwa bibi.

Esabbuli 15:4

Oyo owulekeeresaanga abatatya Nasaae, nae owiisaanga oluyaali mu baandu batya Omwaami. Owesimiirisiraanga ebidinyu byae mani ahaya ohukaluuhana,

Esabbuli 55:21

Enomanoma yae yalichiingi engwalaafu koti amafuta k'eng'oombe, nae hane ebiita bihaya nibyo ebyali nibyeechula mu mwooyo kwae; emboosi chae chalichiingi enyaangu ohuhiraho neende amafuta, nae hane chalichiingi sa engaanga chisoboolwe mu bilaalo hale.

Yisaaya 32:5

Omuundu musiru haandi siyahalaangwe ow'oluyaali, oba omuliichaki ohulaangwa omuhunuufu.

Danieli 11:20

“Mani omutuki wuundi niye owahakobole mu makulu kae. Omutuki wuundi oyo, yahatume omutoosa w'omusolo owahafwiinyirire abaandu n'abatusaho omusolo, naali neende esichiiririrwa sy'ohwiingiya obuyiinda mu butuki bwae. Nae mu siha sidiidi, omutuki oyo yaheetwe, ataali obusoolo noomba ebiita.”

Danieli 11:32

Alyehoonyera emboosi ch'obulyaanga, ohudoondobanisira elalira abaandu bebwaaba ediini yaabwe; nae abo abamanyire Nasaae waabwe baliguma mani beelwaanaho.

Danieli 11:34

Nae ohwiitwa nihusyemeeda mu moni, abaandu ba Nasaae beesikwa bahanyoole obuhoonyi budiidi-diidi. Nae kata abaandu bahabeyambaanieho, abaangi mwaabo bahabe neende esichiririrwe sy'obukodyo.

Danieli 11:7

Mu ndaalo echo, mulala hu beeho b'omuhaana w'omutuki oyo yahehole omutuki, naakobola mu makulu ka laatang'ene. Mani aliseeta eye ly'omutuki w'emukulu. Mani yaheengira mu dooho site ly'omutuki oyo. Yahabalwaanie, mani abayiingire.

Danieli 4:17

Elyo nilyo elako li bawamwaanda boolerefu bataao, haandi esyo nisyo esiindu sibaheengao. Mani lehe abaandu boosi buli abuundu bamanye bati, Oyo ow'Aakulu Muno niye otuka obwaami bw'abaandu, haandi niye obuberesa oyo yeesi ohiramo ohuba omuloonga.”

Danieli 7:8

Nae nindali nisitingaalaanga, nae bone, mani nimbona olwiika luundi ludiidi nilumera. Mani niliiyamo enjika chidatu chiindi. Nae bone, mu lwiika luno, mwalimo emoni koti ech'omuundu, neende omunwa kulomaloma ebiindu bihunuufu.

Danieli 8:23

Mani enjakamo y'obutuki bune obwo niyahabe aambi ohwoola, ao abaandu bahabe nibabitiriire ohwonoona. Mani waheechieo omutuki mwaalaba, owalung'uuma mu moni, haandi omumanyirifu mu huhola olukwe.

Danieli 8:25

Hulw'obulyaanga bwae, yahahole buli siindu sy'adaha. Yahehuduumbase omweene, mani n'asihirisa abaandu baangi muno. Yahaseete haandi alwaanie Omutuki otuka abatuki boosi. Nae, yahasihiriswe mani abulao omuundu omudiiraho daawe.

Danieli 8:9

Mani hu buli lwiika, nihumeraho olwiika ludiidi, olweehola olw'amaani muno, mani obunyala bwaalwo nibwemeeda nibuchiira emwaalo, neende ebukwe, neende mu syaalo sy'oluyaali.

Nahumu 1:14

Sino nisyo si Omwaami amalire ohulabula hu Abasiria ati, “Abo bachia ohuhaywaho kata omwiichuhulu mulala owahanyalire ohuyira mu moni eliita lyaabwe. Ese njia ohusihirisa ebiloongaloongwe byoosi ebiri mu nyuumba chia banasaae baabwe. Ese ndi ohutekehera Abasiria eng'ani ngaandi bamalire ohusihirisirwa elalira!”

1 Samueli 3:13

Ndamala ohumuboolera endi njia ohusaandya abomu nyuumba yae endaalo choosi pe, olwohuba abaana bae baanomanomaho ebiindu bibi. Eli yali n'amanyire sino, nae naahaya ohubaakamia.