Danieli 11:18 - EBBAIBBO EMBOOSI YA NASAAE

¹⁸ Mani ebyo nibyahawe, alikaluuhana mani n'aseeta ebisiinga, mani yahayiingire ebisiinga biingi muno. Nae omwimirisi w'amaye mateende, yahaakamye esirekeresi syae esyo. Mubwadyeeri bweene, alimulekeeresa koti lu yeesi yaleekeresa abaandu baandi.

Danieli 11:18 Iomraidhean Croise

Esita 10:1

Omutuki Ahasuera mani y'akereha omusolo baandu bohu loba neende abohu bisiinga byomu nyaanja.

Yisaaya 66:19

Mani ndahabateeho ahalolero. Abo abahawoneo, ndahabatume mu byaalo neende mu bisiinga by'eyale muno ebitauliraanga efuma yaange, kata ohubona oluyaali lwaange. Puti neende Ludi bahachie Tarisiisi eyiri abo abaleega obuyiingo neende obusaale. Bahachie Tubbali neende Yafaani, mani nibalaangirira oluyaali lwaange.

Yeremia 2:10

Mwaambuhe muchie hu sisiinga sya Saipurasi mani mubone, oba mutume omuundu mu Kedari mani mwehaliirise bulai; mubone niyibechaanga hoo esiindu sifwaanana koti sino.

Yeremia 31:10

“Eng'we ebyaalo, wulire Emboosi y'Omwaami, mani muyilaangirire mu bisiinga by'eyale muno; muboole muti, ‘Oyo owasalaania Abaisiraeli, niye ochia ohubabuusa alala, mani abaliinde koti omwaayi oliindaanga ebyaayo byae.’

Esekeeli 27:6

Mu mituumba kya Bbasani, nimwo mu babaacha engasi chao. Bahwaaliramo embaao ch'emituumba chitula mu bisiinga bya Saipurasi, chibabaachamo ameeno k'enjofu.

Hosea 12:14

Mani abaandu ba Yisiraeli baholere Omwaami yanyoolera ebilulu; bahoyere sa ohufwa baawa, hulw'obwiiti bwaabwe obwo. Omwaami waabwe, achia ohubasaandya hulw'esoni chibamuleetereho.

Sefania 2:11

Omwaami achia ohubateengusa. Achia ohuhuunyia banasaae b'esyaalo bahameo, mani buli syaalo sinyale ohumwiinamiraanga yeeng'ene, buli situla mu loba lyasyo lyeene.

Matayo 7:2

olwohuba engeri yimuheengeramo abasyeeng'we omusaango, niyo nasilala yimwahaheengerwemo. Haandi esikero simukereramo abasyeeng'we, nisyo simwahakererwemo.

Abakayi 1:7

Adonibbeseki yaboola ati, “Abatuki amahumi kataanu-na-kabiri, abaheengwaho enjala chaabwe esaacha ech'amakulu neende ech'amahono beechere badoolaanga ebihuuhumuha aasi w'emeesa yaange. Nasaae nguno bulaanu buti yesi yeechere yaahola sa koti lu ndahola abo.” Yayirwa mu Yerusalemu yi yeecha yafwiira.