Danieli 11:11 - EBBAIBBO EMBOOSI YA NASAAE

¹¹ Omutuki w'emwaalo yahanyoolere muno, mani n'atulayo ohulwaania omutuki w'emukulu, yaseeta eye ly'omutuki oyo elyali ehoongo muno, mani n'aliyiingira.

Danieli 11:11 Iomraidhean Croise

1 Abatuki 20:13

Ebyo nibisisiiri bityo, omunabbi yaachia eyiri omutuki Ahabbu n'aboola ati, “Omwaami aboola ati, ‘Ewe otatya daawe eye ebibitiirifu elyo! Ese njia ohuhunyalira oliyiingire enyaanga yeene yino, mani onyale ohumanya oti ese niise Omwaami.’ ”

1 Abatuki 20:28

Mani omunabbi haandi naachia eyiri Omutuki Ahabbu n'aboola ati, “Sino nisyo esiindu si Omwaami ali ohuboola: ‘Koti lu Abasiria bali ohuboola bati ese ndi sa nasaae w'omuungulu mwoong'ene, nae haba siindi owomu syaalo siyanjaafu, ese njia ohuhuhola onyale ohubayiingira kata neende nibali obuduhunyi, mani hu ewe alala neende abaandu bao munyale ohumanya muti, ese hane niise Omwaami.’”

Esabbuli 76:10

Mubwadyeeri bweene, etima ly'abaandu nilyo elichia ohuhwiisamo oluyaali n'obayiingiire. Abahawone ebiita bahahufumie nibeehoya.

Yeremia 27:6

Bulaanu ebyaalo bino byoosi mbibereese omuhalaabani waange, Nebukadineesa omutuki wa Bbabbilooni ohubituka, haandi mubereese ebisolo byomu siino byosi ohumuhalaabaniraanga.

Danieli 11:12

Nae n'amalire ohuyiingira eye hoongo elyo, yahehuduumbasa mu mwooyo kwae olw'ohuyiingira neende ohwiita abalwaani b'amaye baangi muno. Nae ohuyiingira hwae haba sihwahayiindire daawe.

Danieli 11:40

Mu biha by'enjakamo nibyahabe aambi ohwoola, omutuki w'emwaalo mani aliseeta. Nae omutuki w'emukulu alitulayo koti esiifuusye mani amulwaanie neende amaani kae koosi, niyehoonyera ebigaari neende abeerusi b'efaraasi, haandi neende emeeri nyiingi muno. Aliseeta ebyaalo biingi muno, mani yabibitamo n'ahuluukusa koti amaachi k'omuhula.

Danieli 11:44

Nae amahuwa katula ebukwe neende emukulu kahamutiise, mani alitulayo neende etima liingi muno ohumalao neende ohusihirisa abaandu baangi muno.

Danieli 11:5

Mani omutuki w'emwaalo yahabe ow'amaani muno; nae mulala hu bahunuufu bae yahehole ow'amaani muno ohumuhira. Mani alituka obutuki bwae neende obunyala bw'amaani muno.

Danieli 2:38

Mani haandi yata mu bunyala bwao abaandu neende ebisolo byomu siino, neende amayoni komu bbanga, yahuba obunyala bwohubituka byoosi, buli yi bimenya woosi. Ewe niiwe omutwe k'esaabbu.

Danieli 8:7

Mani niimbona niyiseeta emiiku, niyiri neende obwaalaba buungi, mani niyitwooma emiiku elyo, mani niyibboongola enjika chalyo choombi. Emiiku elyo mani niliwaamo amaani ak'ohwelwaanaho, mani nilikwa aasi, ehole eyo niyiyiseenakirira, mani naabulao oyo yeesi onyala ohwaabina ekoondi emiiku elyomu bunyala bw'ehole.